Page 209 - 6-8

Amasya Tarihi Cilt: 6
Amasya Tarihi 6-8. Cilt Hüseyin Hüsâmeddîn YASAR

ederek 1186 hudûdunda vefât etdi. Meşâhîr-i ulemâ ve sülehâdan bir zât idi.

Ahmed Efendi-Çelebi Müftüzâde es-Seyyid el-Hâc
Köprülüdür. Esbak Köprü Müftüsü Osmâncıklı Çelebi es-Seyyid el-Hâc Mustafa
Efendi’nin mahdûmudur. Amasya’da muhaddis-i meşhûr Hıfzızâde Hâfız el-Hâc Osmân Fa’ik,
fâzıl-ı meşhûr Îydîzâde el-Hâc Mustafa Akif Efendilerden ikmâl-i tahsîl edib avdetle ders-i âm
ve Fâzıl Ahmed Paşa müderrisi oldu.
Bundan sonra Köprü meclis-i a’yânında a’zâ ve defa’âtle müftü olup fevkalâde iştihâr
etdi. Köprü a’yânı Hasekî el-Hâc Mehmed Efendi ile beraber olup Köprü kazâsını hüsn-i idâre
ederek 1187’de ma’zûlen vefât etdi. Meşâhîr-i ulemâdan nüfûz ve servet sâhibi, fakîh, vakûr,
vecîh, müdebbir zât idi.

Ahmed Ağa-Hacı Feyzullahzâde es-Seyyid el-Hâc
[667] Esbak şeyhü’l-harem Amasyalı Gül Ahmed Paşa’nın kethüdâsı olan dergâh-ı âlî
kapıcıbaşılarından Hacı Feyizzâde el-Hâc Hüseyin Ağa bin el-Hâc İsmâil Efendi’nin
mahdûmudur. Pederinin amcazâdesi olan müşârün-ileyh Gül Ahmed Paşazâde el-Hâc Ali
Paşa’nın dâ’iresinde perverde oldu.
1170’de Ali Paşa’nın kapudanlığında kethüdâsı olup 1171 saferinde müşârün-ileyhin azl
ü nefyinde Amasya’ya geldi. Bir müddet a’yân ve hâciyân meclislerine azâ, mükerreren
hâcıbaşı, nakîbü’l-eşrâf kâ’im-makâmı, 1184’de anbar emini, bir aralık mübâya’acı olup 1188
senesi evâhirinde vefât etdi. Aşağı Pirler civârında medfûndur. Hânedân, kibâr-ı a’yândan idi.

Ahmed Efendi-Kırmacızâde Hâfız el-Hâc
Mevâlîden Amasyalı el-Hâc Hüseyin Efendi bin el-Hâc Mehmed Ağa bin el-Hâc Ali Ağa
bin Kırmacı Mehmed Ağa’nın mahdûmudur.
Bade’t-tahsîl ders-i âm ve meşâhîr-i şuâradan Noktacızâde es-Seyyid Sadık Mehmed
Efendi’ye dâmâd ve kasabâta kadı oldu.
Yıllarca hâciyân ve a’yân meclislerine azâ ve hâcıbâşı olup 1189’da vefât etdi. A’yân-ı
ulemâ ve kudâtdan [668] idi. Mahdûmu es-Seyyid el-Hâc Abdullah Efendi 1222’de vefât etdi.
A’yân-ı ulemâdandır. Diğer mahdûmu es-Seyyid Mustafa Sâlim Efendi’dir.
Bunun (Abdullah Efendi’nin) mahdûmları es-Seyyid Ahmed, Ali, Mehmed Efendilerdir.
Helkis Mahallesi imâmı olan es-Seyyid el-Hâc Mehmed Efendi 1249’da vefât edib oğulları es-
Seyyid el-Hâc Ali Tevfik, Ahmed Efendilerdir. Ali Tevfik Efendi 1269’da vefâtıyla mahdûmu
a’yân-ı memleketden es-Seyyid el-Hâc Mehmed Şükrü Efendi de 1324’de vefât etdi.

Ahmed Bey-Gürcüzâde Yeğen el-Hâc
Amasya eşrâfından Ali Bey bin el-Hâc İbrâhim Bey bin Mehmed Bey’in mahdûmu ve
Gürcüzâde es-Seyyid Halîl Paşa bin Mustafa Paşa bin el-Hâc İbrâhim Bey’in yeğenidir. Genç
iken zü’amâdan oldu.
1175 târîhinden itibâren üç dört defa Amasya mir-alayı, 1185 zilhiccesinde Amasya
mutasarrıfı olan amcazâdesi es-Seyyid Halîl Paşa tarafından Amasya mütesellimi ve 1186’da
ma’zûl olup harbe gitdi. Müsâlâhada avdetle 1190 senesi evâ’ilinde vefât etdi. Mahdûmları,
Mehmed Rıfat, [669] Abdullah Abdî Beylerdir.

Ahmed Ağa-Hacı Velizâde el-Hâc
Amasya’da Sultân Bâyezîd evkâf-ı mütevellîsi el-Hâc Veli Ağa mahdûmu olup
İstanbul’da tefeyyüz ederek kapıcıbaşı sipâhiler ağası, baş-bâkîkulu olup 1190 senesi hilâlinde
vefât etdi. Diğer Amasyalı Ahmed Ağa bin Ali Ağa da 1168’de silahdâr ocağında seksen
yedinci bölüğe kaydedilip tedrîcen terakkî ederek silahdâr ocağı kethüdâsı oldu. Bu târîhlerde

204
208