Page 212 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

mahdûmu mevâliden Hâfız es-Seyyid Nureddîn Mehmed Efendi de 1318’de vefât etdi. Bunlara
“Bakırcızâdeler” dendi.

Ahmed Efendi-Hocazâde Hâfız
Amasya’da Gök Medrese nakîbi ders-i âm Hâce Mehmed Efendi’nin [676]
mahdûmudur. 1137’de pederinin vefâtı ile nakîb olup tahsîl-i ulûm ederek Halfet Gâzi mu’îdi
ve ders-i âm oldu. Sonra Torumtay Câmii kürsî şeyhi olup hayli müddet tezkîr ü ibâdetle iştigâl
etdi.
1195’de vazîfe-i nekâbeti dâmâdı olan es-Seyyid Ali Efendi bin Mustafa Efendi’ye kasr-
ı yed edib senesinde vefât etdi. Âlim, vâ’iz bir pîr-i muhterem idi. Mahdûmu es-Seyyid Hâfız
Abdurrahman Efendi de mu’îd-i Halfet ve Torumtay Câmii vâ’izi olup dâmâdı es-Seyyid Ali
Efendi 1205’de ve mahdûmu es-Seyyid Abdurrahman Efendi de 1220 senesi şevvâlinde vefât
etdi.

Ahmed Ağa-Hacı Efendizâde el-Hâc
Amasya a’yânından ve dergâh-ı âlî kapıcıbaşılarından el-Hâc Ebûbekir Ağa bin Mustafa
Ağa bin Sarı Mehmed Ağa’nın mahdûmudur. Meşâhîr-i a’yândan olup nakîbü’l-eşrâf kâ’im-
makâmı es-Seyyid el-Hâc Zeynelâbidin Ağa’nın dâmâdı ve hâciyân ve a’yân meclisleri a’zâsı
ve 1161 senesi muharreminde baş-a’yân ve şa’bânında Amasya mütesellimi oldu.
1166 senesi saferinde sânîyen ve 1167 şa’bânında sâlisen Amasya [677] mütesellimi olup
1170’de tahsîlât vak’asında hüsn-i hizmet ederek kanlı bir muhârebenin önünü aldığından
dergâh-ı âlî kapıcıbaşılığı rütbesiyle taltîf edildi.
1171 senesi muhareminde ikinci defa baş-a’yân 1182’de hâcıbaşı, 1185’de sâlisen baş-
a’yân olduysa da Amasya mutasarrıfı Canikli Hacı Ali Paşa’ya mümâşât edemediğinden kûşe-
i uzlete çekildi.
1193’de Çapanzâde Mustafa Bey’e mâddeten yardım edib Caniklileri târ u mâr etdi.
1194’de yine hâcıbaşı olup 1195 şa’bânında Caniklizâde Miktad Ahmed Paşa’nın Amasya
mutasarrıfı olarak gelmesiyle Yozgat’a gitdi. 1196 senesi evâ’ilinde vefât etdi.
Meşâhîr-i a’yândan nâfizü’l-kelim, zengin, sahî, müdebbir bir hânedân idi. Vezîrâne
yaşar emîrâne söylerdi. Mahdûmları es-Seyyid el-Hâc Ebûbekir, Mustafa Ağalarla mevâlîden
es-Seyyid el-Hâc Zeynelâbidin Efendi’dir. Birâderi el-Hâc Mustafa Ağa surre-i hümâyûn emîni
84
olup 1201 senesi rebiü’l-evvelinde hâc yolunda vefât etdi. Bunun mahdûmu [678] es-Seyyid
el-Hâc Ebûbekir Ağa da ricâl-i devletdendir.

Ahmed Bey-Yörgüç Paşazâde es-Seyyid el-Hâc
Amasya a’yânından Yörgüç Paşa Vakfı mütevellîsi el-Hâc Ömer Bey bin el-Hâc Osmân
Bey’in mahdûmu olup pederinin vefâtında birâderi es-Seyyid el-Hâc Ali Beyle ceddi Yörgüç
Paşa vakfına mütevellî, hâciyân ve a’yân meclislerine a’zâ oldu. 1197 senesi evâ’ilinde vefât
etdi. Mahdûmları es-Seyyid el-Hâc Hasan Mehmed Beylerdir.

Ahmed Efendi-İmâmzâde
Köprülüdür. İmâm el-Hâc Ebûbekir Efendizâde Mehmed Efendi’nin mahdûmudur.
Amasya’da Îydîzâde el-Hâc Akif Mustafa ve İstanbul’da Amasyalı Küçük Hâfız Mehmed
Efendilerden ikmâl-i tahsîl edib 1162 muharreminde müderris ve ders-i âm olup 1191’de
Selanik Mollası oldu. 1197’de vefât etdi. Meşâhîr-i ulemâdandır. Haydar Paşa’da medfûndur.

84 Diğer birâderi el-Hâc Mehmed Ağa olup mahdûmu Nişâncı Abdunnâfî Efendi 1237’de vefât etti. Haydar
Paşa’da medfûndur. Bunun mahdûmu Defterdâr Mehmed Sa’id Bey’dir.

207
211