Page 208 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

Rumeline gitdi. Ba’dehû devr-i hidemât ile 1189’da Kaftan ağası olarak Hicâz’a gitdi. Avdetde
1190 senesi rebîülevvelinde Ereğli’ye vusûlünde vefât etdi.
Mehmed Rıfat Efendi adlı bir küçük oğlu kaldı. Kadıköyü’nde kâin, menzil ve bağçesini
vakfedib tevliyeti kayın-vâlidesi Zeynep Hânım’ın vakfı tevliyetiyle birlikte zevcesi Fatma
Hânım’a tevsi’ edildi. 1232’de bu vakfın kâ’im-makâmı sadr-ı a’zam kethüdâsı Amasyalı Selîm
Sabit Efendi idi.

Ahmed Ağa-Hacı Kadirzâde es-Seyyid el-Hâc
Amasya’nın Kübceğiz Mahallesi eşrâfından 1177’de vefât eden Hacı Kadirzâde Hâfız el-
Hâc Mehmed Ağa bin el-Hâc Mustafa Ağa bin el-Hâc Abdülkadir Ağa’nın mahdûmu ve rikâb-
ı hümâyûn kethüdâsı el-Hâc Hüseyin Ağa’nın yeğenidir.
Pederinin irtihâlinde hâciyân ve a’yân meclislerine a’zâ olarak teayyün etdi. 1182’de Rus
harbinde birâderi el-Hâc es-Seyyid Mustafa Ağa ile yüz elli nefer gönüllü asker tedârik edib
baş-buğ olduğu halde harbe gitdi.
1183’de Amasya mutasarrıfı Sadık Mehmed Paşa ve miftâh ağası Mehmed Paşa’nın
muvaffakiyyetlerini te’min ederek yararlıklar gösterdiği halde 1184’de bu paşaların inhizâm ve
Mehmed Paşa’nın şâhâdeti üzerine asker tedârik etmek üzere birâderi ile beraber avdet
etmişlerdi.
Bunların hasmı olan Canikli Hacı Ali Paşa bu türlü avdetlerini firâra hamlederek bî-
çâreleri firârî göstermiş olduğuna binâ’en 1184’de istihsâl etdiği fermân üzerine [664]
Amasya’da i’dâm etdirdi. Amcaları el-Hâc Hüseyin Ağa’yı da müşkîl bir mevki’ye düşürdü.
Hânedân idiler.
Mahdûmu es-Seyyid el-Hâc Mehmed Ağa meşâhîr-i a’yândan olup 1243 sâlinden sonra
vefât etdi. Bunun hafîdi Amasya evkâf baş-kâtibi iken Arnavutluk’da Çamlık sancağı evkâf
müdürü olup 1331’de Amasya’da vefât eden es-Seyyid el-Hâc Mehmed Nuri Efendi ile es-
Seyyid el-Hâc Mustafa Rıfat Efendi’dir. Hacı Nuri Efendizâde Ahmed Atıf Efendi ber-hayat
idi.

Ahmed Ağa-Çuhadarzâde el-Hâc
Amasya’nın Hâtunîye Mahallesi eşrâfından el-Hâc Mehmed Ağa bin Çuhadâr-ı şehriyârî
Ahmed Ağa’nın mahdûmudur. Meclis-i a’yân azâsından olup 1182’de Rus harbine gitdi. Üç yıl
kadar harb ederek 1185’de şehîden vefât etdi. Diğer Sancızâde el-Hâc Ahmed Ağa bin el-Hâc
Hasan Ağa da a’yândan olup bu muhârebelerde vefât etdi. Köprü a’yânı Hasekizâde el-Hâc
Ahmed Ağa bin Haseki el-Hâc Mehmed Efendi de bu târîhlerde vefât etdi. [665]

Ahmed Efendi-Ankara Müftüsü el-Hâc
Lâdiklidir. Amasya’da Îydîzâde el-Hâc Mustafa Efendi’den tahsîl-i ulûm etdiği esnâda
1142 vak’ası zuhûruna binâ’en Ankara’ya gidip orada hânkâh müderrisi iken 1155 senesi
şevvâlinde vefât eden Ankaralı İbrâhim Efendi’den ikmâl-i tahsîl ederek ders-i âm oldu.
1163’de Ankara’da medrese-i Eminîye müderrisi olup şöhret-i ilmiyyesine ve fazl ü
takvâsına binâ’en Ankara müftüsü de oldu. Ba’de’l-azl hastalanıp 1185’de müderrisliğini
tilmîzi olan es-Seyyid İbrâhim Efendi’ye kasr-ı yed ü ferâgat ederek senesi ahirinde vefât etdi.
Fuzalâdan muttaki’, müteşerri’ bir âlim idi.

Ahmed Efendi-Du’âcızâde
Merzifonludur. Orada Kara Mustafa Paşa Câmii Kürsî şeyhi olan Abdullah Efendi bin Du’acı
Mehmed Efendi mahdûmudur. Amasya’da Îydîzâde el-Hâc Mustafa Akif Efendi’den ikmâl-i tahsîl
edib avdetle ders-i âm ve pederi mahlûlunden Kara Mustafa Paşa Câmii Kürsi şeyhi oldu. [666]
1165’de Merzifon a’yânı el-Hâc Ali Ağa’nın “şifâ-i şerîf” tedrîs edilmek üzere yaptırdığı
Medrese-i Şifâ’iye müderrisi olup neşr-i ulûma himmet ve “şifâ-i şerîf” tedrîsine muvâzabet

203
207