Page 211 - 6-8

Amasya Tarihi Cilt: 6
Amasya Tarihi 6-8. Cilt Hüseyin Hüsâmeddîn YASAR

1171’de Abdülkerîm Ağa medresesi müderrisi, üç defa da yedi yıl kadar Köprü müftüsü
oldu. 1192 senesi evâ’ilinde dâr-ı na’îme irtihâl etdi. Meşâhîr-i ulemâdan fâzıl, gâyet fakîh,
vakûr, müteşerri’, mü’eddeb bir kâmil idi.
Amasya ulemâsından es-Seyyid el-Hâc Ahmed Efendi bin el-Hâc Mustafa Efendi de
kâmil bir ders-i âm olup 1192’de vefât etdi. Dâmâdı Emîr İmâmzâde es-Seyyid Ebûbekir Efendi
ve kayın-pederi el-Hâc Mustafa Efendi de ulemâdan idiler.

Ahmed Efendi-Müftü Şeyh
Gümüşlüdür. Amasya’da Îydîzâde el-Hâc Mustafa Akif [673] ve Laz İbrâhim
Efendilerden tahsîl-i ulûm edib Gümüş’te ders-i âm ve 1162’de Eslimiş köyünde kâin
Şemseddîn Efendi Tekkesi şeyhi ve Gümüş’te Halîl Paşa müderrisi oldu.
Ba’dehû mükerreren Gümüş müftüsü olup 1192’de zâviye-i mezkûre meşîhatını
mahdûmu es-Seyyid Ömer Reşid Efendi’ye ferâgat etdi. Sene-i mezbûre evâhirinde vefât etdi.
A’yân-ı ulemâ ve meşâyih-i Nakşibendiyyeden olup sâlih, müteşerri’, fakîh, sahî, hânedân idi.

Ahmed Ağa-Murâd Beyzâde es-Seyyid el-Hâc
Amasya’nın Bâyezîd Paşa Mahallesi eşrâfından el-Hâc Mehmed Ağa mahdûmudur.
Vüzerâdan Amasyalı Sarı Beyzâde Mehmed Paşa dâ’iresinde selâm ağası olup dergâh-ı âlî
gediklisi olarak temâyüz etdi.
Ba’dehû Rus muhârebâtında ba’zı hizmetler görüp dergâh-ı âlî kapıcıbaşılarından oldu.
1188’de bade’s-sâliha avdet edib Amasya mukâta’ât emini olduğu halde 1193 senesi evâsıtında
vefât etdi. Müdebbir, hânedân bir zât idi. [674]

Ahmed Ağa-Avkatlızâde
Mecidözlüdür. Oranın ber-vech-i malikâne mutasarrıfı olup 1184’de vefât eden
kapıcıbaşılardan el-Hâc Ali Ağa bin Avkatlı İbrâhim Ağa bin Süleyman’ın mahdûmudur.
Pederinin Üsküdar’da ikâmeti esnâsında Mecidözü kazâsına ber-veçh-i mâlikâne mutasarrıfı
oldu.
Yozgat sancağı mutasarrıfı Çapanzâde Mustafa Bey’in mu’în ve hem ayârı, dost u
vefâdârı olduğundan Amasya sancağı mutasarrıfı Caniklizâde Miktad Ahmed Paşa ve Pederi
Hacı Ali Paşa ile Mustafa Bey arasında cereyân eden muhârebede 1193 senesi şevvâlinde
maktûlen vefât etdi. Nehhâb ü vehhab, şedîdü’ş-şekîme bir hânedân idi. Oğulları el-Hâc Ali,
Mehmed Ağalardır. Fındık Mustafa Paşa bunun yerini tutdu.

Ahmed Efendi-Gedikzâde es-Seyyid el-Hâc
Amasya ulemâsından Gedik el-Hâc Hasan Efendi bin Halîl’in mahdûmudur. Pederinin
vefâtında ta’ayyün edib hâciyân ve a’yân meclislerine azâ, 1189’da Hacıbaşı olup 1193 senesi
evâhirinde vefât etdi. Gümüşlüzâde Mahallesi eşrâfından kerîm, hânedân idi. Gümüşlüzâde
Câmii mü’ezzinlerine vazife [675] tayîn ederek ba’zı akârâtını vakfetdi.

Ahmed Efendi-Bakırcı es-Seyyid el-Hâc
Amasya ulemâsından Zanalızâde es-Seyyid Abdullah Efendi bin es-Seyyid el-Hâc
Ahmed Efendi’nin mahdûmudur. Pederinin vefâtında Hâce Sultân zâviyesi vakfına mütevellî
ve 1160 senesinden itibâren hâciyân ve a’yân meclislerine a’zâ olarak iştihâr etdi.
1185’de Rus harbinden hâsıl olan kaht u gala zamanında fukarâ-i halka bakır ölçeği ile
meccânen zâhire ve tohumluk verdiğinden “Bakırcı” unvanını aldı. Adını bakır iken sehâsıyla
gümüş etdi. 1195 senesinde vefât eyledi. Meşâhîr-i a’yândan, nâfizü’l-kelim, gınâ ve sehâ
sâhibi bir hânedân idi.
Oğulları es-Seyyid el-Hâc Mustafa Abdullah Ali, Mahmûd Efendilerdir. Es-Seyyid el-
Hâc Mustafa Efendizâde şehir kethüdâsı es-Seyyid el-Hâc Mustafa Efendi de 1248’de ve bunun

206
210