Page 289 - 6-8

Amasya Tarihi Cilt: 7
Amasya Tarihi 6-8. Cilt Hüseyin Hüsâmeddîn YASAR

İsrail el-Kâtib

Halîl İbrahim Hasan

İsrail Dursun İbrahim İbrî

Mehmed
Nasuh Tayyib Tahir
Muhiddîn

Yahya Abdülmecîd

İsrâil Çelebi-İsrâilzâde
Tercemesi geçen Kâtib İsrâil Çelebizâde Hâlil Çelebi mahdûmu olup ulemâ-yı asrından
tahsîl-i ulûm ederek ders-i âm ve müderris-i benâm olduğu halde 827 sâline doğru dâr-ı bekâya
rihlet etdi. Fakîh, vâiz bir zât idi. Mahdûmu Nasûh Çelebi’dir.

İsrâil Çelebi-Muallim
Tosyalıdır. Bahşâyiş Çelebi bin Tur Ali Çelebi mahdûmudur. Amasya‘da tahsîl-i ulûm
edib ders-i âm oldu. Hayli müddet Amasya’da ikâmet ve tedrîs-i ulûma himmet [79] edib 900
hudûdunda İstanbul’a gitdi.
Ayasofya Câmi-i şerîfinde ders-i âm olup ta’lim-i sıbyân ederek Mu’allim unvânıyla
iştihâr etdi. 907 senesi recebinin aşr-ı evvelinde vefât eyledi. Âlim, sâlih, vâiz bir zât idi.
Mahdûmu Mustafa Musliheddîn Efendi olup pederinin tarih-i vefâtını kaydetmişdi.
İstanbul’da Muallimzâdelerin cedd-i a’lâsı olup Amasya‘da tevellüd eden Mustafa
Musliheddîn Efendi 940’da vefât etdi. Tercemesi aşağıda gelir. Bunun mahdûmu Bursalı
Kazasker Ahmed Efendi’dir. Bunun mahdûmları Nişâncı Mahmûd Efendi 987’de ve meşâhir-i
şuarâ ve kudâtdan İbrâhim Azerî Efendi 993’de vefât etdi.

İsrâfil Çelebi-Mevlânâ Tâcü’ş-Şerîa
Lâdiklidir. Nasûh bin İsmâil mahdûmudur. Küçük yaşında Amasya‘ya gelip hıfz-ı Kur’ân
etdikten sonra fuzalâdan Hüsâmeddîn Hasan Çelebi, Mevlânâ Fahreddîn Osmân Çelebi,
Mevlânâ İzzeddîn Mehmed Çelebi’den tahsîl-i ulûm [80] edib Amasya’da ders-i âm oldu.
Yıllarca tedrîs-i ulûma himmet edib fezâil-i ilmiyyesiyle fevkalâde iştihâr etdi. Usûl-i
şer’iyye ve kelâmiyyede pek mâhir olduğundan talebe ve şâkirdân-ı ma’rifeti çoğaldı. Medrese-
i Şâdiye müderrisi olup iftâya me’zûn olarak ulemâya riyâset ve 818’de dâr-ı kudse rihlet
eyledi.
Gâyet fâzıl, muhakkik, usûl ve furûda mütebahhir, hadîs ve tefsîrde pek mâhir idi.
“Hidâye”yi şerh edib ulemâ arasında Tacü’ş-Şerîa unvânını aldı. Bu şerhe “İsrâfîliyye” dendi.
Sülâle-i ilmiyyesi şöyledir: Hadîs ve tefsîrde üstâdı Mevlânâ Hüsâmeddîn Hasan el-
Amasî, bunun üstâdı Mevlânâ Fahreddîn İlyâs bin Cemâleddîn el-Aksarayî, bunun üstâdı

288