Page 194 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

Ahmed Efendi-Hüsameddînzâde el-Hâc
Köprülüdür. Oranın ulemâsından Hüsameddîn Efendizâde el-Hâc Mehmed Efendi’nin
mahdûmudur. Amasya’da tahsîl-i ulûm edib, Köprü’de ders-i âm ve Kaplan mezra’ası
mutasarrıfı olarak müderris oldu. Orta Câmii şerîfinde yıllarca tedrîs ve tezkîre mülâzemet edib
iştihâr etdi. Bir aralık Köprü müftüsü olup bir yıldan ziyâde iftâ ve badel-azl 1141 senesi
şevvâlinin onuncu günü bilâ-veled-i zükûr vefât etdi. Meşâhîr-i ulemâdan halûk, müteşerri’ bir
zât idi. Kerîmesi Sâ’ime Hâtun mezra’a-yı mezkûreye mutasarrıfe olup 1178’de vefâtı ile
oğulları Müftüzâde eş-Şeyh es-Seyyid Sadullah, Ali Efendiler mezra’a mutasarrıfı olarak
müderris oldular. Sâhib-i tercemenin biraderi Hasan Efendi de ulemâdandır. [620]

Ahmed Ağa-Sancızâde el-Hâc
Amasya sipâhilerinden Sancı Ali Ağazâde el-Hâc Hasan Ağa’nın oğludur. Bekir Beyzâde
Ömer Paşa dâ’iresinde terbiye görüp mahdûmu Osmân Bey’in kethüdâsı ve baş-a’yânlığında
şehir kethüdâsı oldu.
1133’de ba’zı ahvâlindan teftîş ve nefy edilip avdetinde meclis-i a’yân azâsı olarak hasmı
olan Gürcüzâde Hacı İbrâhim Bey’i Samsun’a nefy edib yerine baş-a’yân ve 1140
muharreminde Amasya mütesellimi oldu. 1141 muharreminde ma’zûl ve 1142’de merhûm
oldu. Sanâdîd-i a’yândandı. Mahdûmu el-Hâc Hasan Ağa’dır.

Ahmed Ağa-Pîrîzâde el-Hâc
Amasya eşrâfından el-Hâc Ali Efendi bin Pîrî Mehmed Efendi’nin mahdûmu ve Fâzıl
Hüseyin Efendi’nin birâderzâdesidir. Pederinin vefâtından sonra meclis-i hâciyân ve a’yân
azâsı ve şehir kethüdâsı olup 1143 sâlinden sonra vefât etdi. Diğer a’yândan Mumcuzâde es-
Seyyid el-Hâc Ahmed Ağa bin [621] es-Seyyid Mustafa Ağa bin es-Seyyid Mehmed Ağa bin
Kınalı Osmân oğludur. Sâdâtın eşrâfından olup 1144 sâlinden sonra vefât etdi. Kastamonu
Beylerbeyi Seyyid Ahmed Paşa’nın birâderzâdesidir.

Ahmed Efendi-Muslîzâde
Amasyalıdır. Musliheddîn Mustafa Efendi bin İbrâhim Ağa bin Muslî Ağa’nın mahdûmu
ve defterdâr-ı meşhûr el-Hâc İbrâhim Efendi’nin birâderidir. İstanbul’da tahsîl-i ulûm ederek
ders-i âm ve ba’de’l-imtihân müderris olup devr-i medâris-i mu’tâde etdikten sonra Dâru’l-
hadîs-i Süleymaniyye müderrisi iken 1148’de vefât etdi. Kibâr-ı müderrisînden kâmil bir zât
idi. Mahdûmu kibâr-ı kudâtdan Musliheddîn Efendi’dir.

Ahmed Ağa-Mumcuzâde es-Seyyid el-Hâc
Amasya eşrâfından es-Seyyid el-Hâc Hüseyin Ağa bin es-Seyyid Mehmed Ağa bin Kınalı
Osmân Ağa’nın mahdûmu ve Seyyid Paşa’nın diğer birâderzâdesidir. Mukâta’ât mültezimi,
avârız-ı nüzûl emini olarak ta’ayyün etdi.
Mükerreren nakîbü’l-eşrâf kâ’im-makâmı, meclis-i hâciyân ve a’yân azâsı oldu. İran
muhârebâtında mâlen ve bedenen [622] hizmet etdiğinden sâdât baş-buğu ve dergâh-ı âlî
gedüklûsü oldu. Avdetinde 1149’da vefât etdi. Kerîm, hânedân idi. Mahdûmları es-Seyyid el-
Hâc Ali, Hasan Ağalardır.

Ahmed Ağa-Gözdaşoğlu el-Hâc
Amasya’da yeniçeri zâbitânından el-Hâc Yûsuf Ağa bin Gözdaş Mehmed Ağa bin
Mustağa Ağa’nın oğludur. Bu da altmış yedi cemaâtinden bir yeniçeri olup alemdâr, defa’âtle
Amasya serdârı ve İran muhârebâtında serdengeçtiler ağası, ba’dehû meclis-i hâciyân azâsı
oldu. 1149 hudûdunda vefât etdi.
Diğer Kuloğlu Ahmed Ağa bin el-Hâc Halîl Ağa bin Mîr-livâ Mehmed Bey de sipâhi
meşâhîrinden olup, mükerreren Amasya kethüdâyeri oldu. 1150 senesi hilâlinde vefât etdi.

189
193