Page 65 - 6-8

Amasya Tarihi Cilt: 6
Amasya Tarihi 6-8. Cilt Hüseyin Hüsâmeddîn YASAR

İbrâhim Ağa-Sucuoğlu
Amasyalıdır. Yeniçeri serdârlarından el-Hâc Osmân Ağa’nın oğludur. Yeniçeri ve
Amasya serdârı olup Rus muhârebâtında 1193’de serdengeçtiler ağası olarak yaralıklar
gösterdiğinden İstanbul’a geldikde yeniçeri ağalığına [181] ta’yîn edilen Dayızâde Süleyman
Ağa’nın himmetiyle ocak çorbacılarına iltihâk etdi.
Ba’dehû ocakda kethüdâyeri, muhzır ağası olarak dâhil-i katâr olup sırasıyla
zağarcıbaşı, seksuncubaşı, 1203 senesi rebiülevvelinde kol kethüdâsı olduysa da recep
evâ’ilinde vefât etdi. 1177’de vefât eden Amasyalı Ali Beyzâde İsmâil Bey’in ferâşet-i
hassasını aldığı Ferâşet Defterinde görüldü.

İbrâhim Efendi-Emîr İmâmzâde es-Seyyid el-Hâc
Amasya’da Sultân Bâyezîd Câmii İmâm-ı evveli ve kütübhâne sahibi Emîr İmâm
Abdullatîf Efendi bin el-Hâc Halîl Efendi’nin mahdûmudur. Biraz tahsîl-i ulûm ve ma’rifet
ederek Hicâz’a gitdi. Avdetde meclîs-i hâciyân ve a’yâna a’zâ olduğu hâlde 1205 senesi
evâhirinde vefât etdi.

İbrâhim Bey-Rahtuvân Paşazâde el-Hâc
Amasya a’yânından el-Hâc Ömer Bey bin el-Hâc İbrâhim İlmî Bey bin el-Hâc Rahtuvân
Mehmed Paşa’nın mahdûmudur. Hâciyân ve a’yân meclislerine a’zâ, 1183 senesi
muharreminde baş-a’yân ve [182] recebinde Amasya mütesellimi oldu.
Rus muharebâtında zehâ’ir-i askeriyenin tedârik ve sevkinde sâdıkâne hizmetler ederek
dergâh-ı âlî kapıcıbaşılığı rütbesiyle taltîf edilip mükerreren baş-a’yân ve Amasya mütesellimi
oldu. 1206 senesinde vefât etdi. Mehmed Paşa Mezarlığında medfûndur. İlm ü ma’rifet, nukûd
u servet sâhibi bir hânedân idi. Mahdûmu el-Hâc Ömer ve birâderi el-Hâc Osmân Beyler de
meşâhîr-i a’yândan idiler.

İbrâhim Efendi-Hızır Şeyhi el-Hâc es-Seyyid
Amasya sâdâtından olup tahsîl-i ilm ü ma’rifet ederek ulemâdan oldu. Ba’dehû Hızır
Paşa Câmii vâ’izi ve es-Seyyid eş-Şeyh Ebûbekir Efendi’nin vefâtıyla 1193’de yerine Hızır
Paşa Tekkesi Şeyhi oldu.
Sûrî ve ma’nevî irşâd-ı halk ile meşgûl iken 1208 senesi ramazânının on birinci günü
vefât etdi. Kibâr-ı ulemâ ve meşâyihden vâ’iz, müteşerri’, muttaki, nefesi mü’essir olup Hızır
Paşa Mahallesinin kutbu sayılırdı. Hızır ile musâhebesi mervidir. Mahdûmları es-Seyyid İsmâil,
Abdullah Efendilerdir. [183]

İbrâhim Ağa-Avkatlızâde el-Hâc
Esbak Amasya mütesellimi el-Hâc Mehmed Ağa bin Avkatlı İbrâhim Ağa’nın oğludur.
Amasya a’yânından iken Canikli Hacı Ali Paşa’nın şerrinden kaçıp İstanbul’a gitdi. Orada
Alâ’iyyeli Yeğen es-Seyyid Mehmed Paşa dâ’iresine girdi.
Müşârün-ileyhin i’timâdını kazanıp miftâh ağası, ba’dehû hazine-dârı olup 1196 senesi
ramazânında vezîr-i müşarün ileyhe sadâretinde kapıcılar kethüdâsı oldu. Sonra bir müddet
kethüdâsı olup devr-i bilâd etdi. 1203’de vefâtı üzerine İstanbul’a gelip 1208 senesinde vefât
etdi.

İbrâhim Ağa-Şehir Kethüdâsızâde el-Hâc
Amasya şehir kethüdâsı iken 1119’da vefât eden Hüseyin Ağazâde el-Hâc Mehmed
Ağa’nın oğludur. Vüzerâdan sadr-ı esbak Amasyalı Hatîpzâde Nâ’ili Abdullah Paşa dâiresine
girip terbiye gördü. Müşarün ileyh vezâretinde selâm ağası oldu.

60
64