Page 348 - 6-8

Hüseyin Hüsâmeddîn YASAR
Amasya Tarihi 9-12. Cilt Hüseyin Hüsâmeddîn YASAR

Seyfullah Çelebi-Sâbûnîzâde Hekîm
Amasyalıdır. Meşâhîr-i etibbâdan Hekîm Şücâeddîn İlyâs Çelebi bin Abdullah Çelebi bin
Alâeddîn Ali Çelebi bin hekîm-i meşhûr Hacı İlyâs Çelebi mahdûmudur. Amasya’da
ammizâdesi Dârü’ş-Şifâ hekîmi Mevlânâ Lütfullâh Çelebi bin Şerefeddîn Îsâ Çelebi’den fünûn-
ı tıbbiyyeyi ve ulemâdan ulûm-ı şer’iyye ve edebiyyeyi ahz u tahsîl edib bir müddet Amasya’da
pederi nezdinde ameliyyât gördü. [535]
Ba’dehû Trabzon’a gidip Sultân Selîm’e intisâb ederek etibbâ-yı hâssasından oldu.
Çünkü Amasya’da Sultân Ahmed’in etrâfını etibbâ-yı Acem almışlardı. 918’de Sultân Selîm’in
cülûsunda sarây-ı hümâyûn etibbâsından olup 920’de Şehzâde Sultân Süleyman’ın hizmet-i
tabâbetine ta’yîn edildi.
926’da şehzâde-i müşârün-ileyhin cülûsunda Fâtih Dârü’ş-Şifâsı tabîbi oldu. 931’de
Amasyalı Şâhî Hâtun’un vakfiyesi zeylinde şâhid görüldü. 932 senesi recebinin on birinci günü
yevmî altmış akçe vazîfe ile tabîb-i şehrîyârî olup Sarây-ı hümâyûna girdi (Süleyman-nâme).
Ba’dehû Engürüs ve Bağdâd seferlerine ma’iyyet-i pâdişâhîde gidip 942’de re’îs-i etibbâ-
i hâssa olarak temâyüz etdi. 945’de vefât etdi. Meşâhîr-i etibbâdan âlim, ilm-i tıbta mâhir,
mizâc-âşinâ idi.

Seyfeddîn Ağa-Zeytûnî
Amasya dâhilinde Zeytûn kazâsından Hasan Ağa’nın oğludur. İstanbul’da yeniçeri
ocağında ta’lîm u terbiyye görüp 1174’de ulûfeciyân-ı yemîn bölüğünden yirmi altıncı cemâ’at
çorbacısı [536] görüldü. Ba’dehû tefeyyüz edib kethüdâyeri, 1183’de muhzırağası sonra
turnacıbaşı oldu.
1185 senesi evâhirinde Sivas vilâyeti yeniçerilerini dârü’l-harbe sevk etmeğe me’mûr
olup 1186 senesi rebîülevvelinde Amasya’ya geldi. Şa’bânında umûm asker sürücülüğüne
me’mûr olup hareketi esnâsında hastalandı. Şevvâlinin evâ’ilinde vefât etdi.

Seyfullah Bey-Yeğen Bekiroğlu
Amasyalıdır. Raht-vân el-Hâc Mehmed Paşa’nın yeğeni Ebûbekir Bey’in evlâdından
Amasya alaybeyisi el-Hâc Ahmed Bey’in oğludur. Pederinin irtihâlinde ze’âmetine mutasarrıf
olup 1183’de Rus muhârebesine gitdi. Ba’de’l-avdet bir kaç def’a Amasya alaybeyisi olup
1203’de yine Rus harbine gitdi. 1204’de mecrûhen vefât etdi.
Amasya’nın Sarây Mahallesi’nde mukîm ümerâsından olup oğulları Ahmed, Mehmed
Beylerdir. Mehmed Beyzâde Seyfullâh Bey de züamadan olup 1247’de Mısırlı İbrâhim Paşa
harbine gitdi. 1254 sâlinden sonra vefât etdi. Bunun [537] torunu Deli Seyfî Bey müskirâta
mübtelâ, boşda gezer tâkımından olup 1309’da fevt oldu. Şâ’irlenirdi.

Âşık-ı şûrîde-hâlem kûy-ı yâre gelmişem
Ben bu gün Ferhâd-ı aşkem dağı taşı delmişem
beyti vird-i zebânı idi.

Seyfullah Ağa-Benderli, es-Seyyid
Bender vilâyeti dâhilinde Lâdika kasabasından Ali Ağa’nın oğludur. Bender muhâfızı
Amasyalı Bekir Beyzâde Ebûbekir Paşa ağalarından olup müşârün-ileyhin ma’iyyetinde
Amasya’ya hicret etdi. Paşa’nın vefâtından sonra ticâretle iştigâl edib “Seyfî Ağa” demekle
iştihâr etdi. Meşâhîr-i tüccârdan olup 1218’de fevt oldu. Akrabâsından Amasya
mütesellimliğinden tefeyyüz ederek sadr-ı a’zam olan Ali Paşa ile mahdûmu Amasya
mütesellimliğinden vezîr olan İbrâhim Paşa meşhûrdur.

341
347