Page 227 - 6-8

Amasya Tarihi Cilt: 6
Amasya Tarihi 6-8. Cilt Hüseyin Hüsâmeddîn YASAR

etdi.

Ahmed Efendi-Kavaklı
Samsun dâhilinde Kavak nahiyesinden Ali’nin oğludur. Amasya’da Mehmed Paşa
Medresesinde ikâmetle Şeyhzâde el-Hâc Abdullah Vecîh Efendi’den ikmâl-ı tahsîl ederek
mücâz ve ders-i âm ve ba’dehû Mehmed Paşa Câmii kürsî şeyhi oldu. 1241 zilka’desinde
yeniçeri ocağının ilgâsı vak’asında devlet ve teceddüd taraftarı olup 1244 senesi evâ’ilinde vefât
etdi. Âlim, sâlih, vâ’iz-i meşhûr idi.
Hamza Beyzâde el-Hâc Ahmed Ağa bin el-Hâc Ali Ağa [727] bin el-Hâc Hamza Ağa
bin Mehmed Bey bin Mîr-livâ Hamza Bey mahdûmudur.
Ceddi Hamza Bey 1194’de Viyana harbinde şehîden vefât etdi. Kendisi Amasya’da
hâciyân ve a’yân meclislerine a’zâ olarak 1245 sâline doğru vefât eyledi. A’yân-ı memleketden
idi. Birâderi hattât-ı meşhûr Abdullah Hulûsî Efendi’dir.

Ahmed Efendi-Seküköylüzâde es-Seyyid el-Hâc
Sultân Bâyezîd Câmii muhaddisi el-Hâc Hâfız Osmân Efendi bin el-Hâc Mehmed
Efendi’nin mahdûmudur. Suruklu el-Hâc Ali ve Payaslı el-Hâc Mehmed Efendilerden ikmâl-i
tahsîl edib mücâz ve ders-i âm oldu.
1229’da birâderi Hâfız Mehmed Halis Efendi’nin vefâtında Sultân Bâyezîd câmi’înde
Damgacı el-Hâc Ahmed Ağa’nın vaz’ eylediği muhaddislik dersiyesi mutasarrıfı olup takrîr-i
hadîse ve ikrâ-ı Sahîh-i Buharîye muvâzabet ederek 1246’da yetmiş yaşlarında dâr-ı na’îme
irtihâl etdi. Meşâhîr-i ulemâdan idi.

Ahmed Efendi-Sarı Müderris
Köprülüdür. Orada fâzıl-ı meşhûr el-Hâc Halîl Efendi’den ikmâli tahsîl edib ders-i âm
oldu. Üstâdının vefâtında fazîlet-i [728] ilmiyyesi zâhir-i benâm olup Abdülganîzâde müderrisi
ve 1238’de Köprü müftüsü oldu.
Birkaç yıl sonra azl ve tekrar nasb edilip 1246’da ma’zûlen Hicâz’a gitdi. Avdetde
hastalanıp 1247 senesi evâilinde vefât etdi. Âlim, fâzıl, zekî, fünûn-ı edebiyyede mahâreti zâhir
idi. Avâmil üzerine “el-Kevkebü’d-dürrî alâ Avâmili’l-Birgivî” adlı güzel bir şerh yazdı.
Mahdûmu Kudsî Ahmed Efendi de a’yân-ı ulemâdandır.

Ahmed Bey-Çûçû Paşazâde
Amasya’nın Eski Kethüdâ Mahallesi eşrâfından ve a’yân-ı züamâsından İsmâil Bey bin
Mustafa Bey bin Halîl Bey bin Çûçû Mustafa Paşa’nın mahdûmudur. “Çûçûoğlu” demekle
meşhûrdur. Züamâdan iken 1242’de Nizâmiyye süvâri yüzbaşılığı ile zabıtândan oldu. Ba’dehû
binbaşı ve kâ’im-makâm olup 1248’de harbe gitdi. 1249’da vefât etdi. Mahdûmu İsmâil Bey
meşhûrdur.

Ahmed Efendi-Vâyis Beyzâde el-Hâc es-Seyyid
Meşâhîr-i ulemâdan “Vâyis Beyzâde” demekle meşhûr es-Seyyid [729] el-Hâc Mehmed
Efendi bin Veysi Efendi bin el-Hâc Ahmed Efendi bin el-Hâc Mehmed Ağa bin el-Hâc Mustafa
Ağa bin Abdullah Bey bin Ahmed Bey bin İbn Üveys Bey’in mahdûmudur. Bu Üveys Bey
Amasya’da “Vâyis Bey” demekle meşhûr olduğundan evlâdına “Vayis Beyzâde” dendi.
Şeyhzâde Abdullah Vecîh Efendi’den tahsîl-i ulûm edib Bâyezîd Paşa Câmiînde ders-i
âm ve 1221’de pederinin vefâtı ile Bâyezîd Paşa müderrisi, 1244’de meclis a’zâsı olup 1249’da
vefât etdi. A’yân-ı ulemâdan idi.
Mahdûmu es-Seyyid Mustafa Efendi’dir. Bunun hafîdi mahkeme-i bidâyet a’zâsından es-
Seyyid el-Hâc Mehmed Tahir Efendi ve bunun birâderi zâbitândan es-Seyyid Ali Efendi’dir.
Tahir Efendi’nin mahdûmları Amasya mebûsu Ahmed Nafiz Bey ile esbak Amasya Belediye

222
226