Page 321 - 6-8

Amasya Tarihi Cilt: 7
Amasya Tarihi 6-8. Cilt Hüseyin Hüsâmeddîn YASAR

miknet edib hakkında enzâr-ı rahîmâneleri nâşirü’l-envâr buyrulmak istid’âsıyla esbâl-i hâk-i
pây kılınan bîrûn ağavâtından Hâfız Seyyid Mehmed Ağa 128 kullarının sığar-i sinninden berû
etvâr ve ahvâl-i hamîdeti’l-hısâli derece-i evliyâullâha resîde ve sıdk ve istikâmeti tavsîfden
baîde olup sadr-ı esbak Moldovânî Mehmed Paşa’nın ber-eyyâm-ı cümle-i mülkü ve ba’dehû
yine sadr-ı esbak merhûm Şâhin Ali Paşa’nın nazar-kerde ve harem kethüdâsı ve mahdûmu
müteveffâ Atâullah Paşa’nın lalası ve kapıcılar kethüdâsı olmak mülâbeseleri ile ömrü vüzerâ-
yı izâm hazerâtı dâirelerinde herem-resîde ve bu takrîb-i kâr-âgâhî ve umûr-ı âşinâ bir bendeleri
olduğundan fazla hem hemşehrî ve hem kapı yoldaşı ve hem mücerreb ve mu’temed çâkeri
olmağla haline çesbân ve emr-i ulüvvi’ş-şânlarının icrâsı me’mûl kılınacak mehâmda
istihdâmıyla terfiye hâline merhamet buyurulması ihtârı ta’cîz-i âcizâneme bâdî olmuşdur.
Hak âlim ve dânâdır ki mû’mâ-ileyhin muîn-i sulehâ ve emr-i Bârî’nin icrâsında vücûd
ifnâ eder olduğu meczûmum ve sâik-i takdîr-i Rabbâniyy-i ızdırâba giriftâriyetle şâyeste-i
merhamet ve âtıfet olduğu mâ’lûmum olmasa ta’rîf ve tavsiyesine [185] adem-i mübâderet
edeceğim karîn-i ilm-i re’fet ve şefkat şumûlleri buyuruldukda iyâl ve evlâdı ve ahvâl-i pûr-
melâli ve niyâz-ı kemterâneme müsâadeleri der-kârıyla âmmeye mebzûl bahr-ı şefkât ve
merhametleri mûmâ-ileyhin hakkında dahi cârî ve sârî buyurulup refâh-ı hâline inâyet ve
merhamet buyurulmak bâbında ihsân-ı hazret-i merâhim-şân velîyyü-n-nîmet efendimindir.
Bende-i atebe-i İsmâil.” 129

İsmâil Ağa-Tabutcuoğlu el-Hâc
Amasya Serdârı el-Hâc Osmân Ağa’nın oğludur. Birinci bölükde mukayyed yeniçeri olup
1175’den i’tibâren beş defa Amasya Serdârı, Rus muhâberâtında cansiperâne hizmetle
Turnacıbaşı oldu.
1198’de hâciyân ve 1201’de a’yân meclislerine a’zâ olduğu halde 1204 senesi evâsıtında
vefât etdi. Umûrunda mukdim, şecî’, zâbit bir kimse idi. Mahdûmu el-Hâc Osmân Ağa da
yeniçeri zâbitânındandır.

İsmâil Ağa-Kapancızâde el-Hâc
Amasya eşrâfından tercemesi yazılan Kapancı el-Hâc Ahmed Ağa’nın oğludur. Pederinin
irtihâlinde nüfûz ve i’tibârına [186] binâen mukâtaât iltizâmlarına girişti.
1186’da Amasya Mutasarrıfı olan Canikli Hacı Ali Paşa’ya intisâb ederek
Gözdaşoğullarıyla teşrîk-i mesâî edib hâciyân ve a’yân meclislerine a’zâ oldu. Bu yüzden
düçâr-ı nefy ü tağrîb olup 1206’da Gözdaşoğullarının i’dâmında zehre-çâk olarak vefât etdi.
Nüfûz ve yesâr sâhibi idi. Oğulları Hâfız Hasan, Hüseyin, Süleyman Ağalardır.

İsmâil Efendi-Kilisli el-Hâc
Mukaddimât-ı ulûmu vatanında görüp Amasya‘ya geldikte allâme-i zaman Ürgüplü el-
Hâc Ahmed Efendi’nin halka-i tedrîsine muvâzabet ederek ikmâl-i tahsîl etdi. Ba’dehû ders-i
âm olup otuz yıldan ziyâde tedrîs ve neşr-i ulûma bezl-i himmet eyledi.
Türedizâde el-Hâc Süleyman Ağa’nın Narlıbahçe ittisâlinde binâ etdiği Medrese-i
Süleymaniye müderrisi olduğu halde 1207’de Hicâz’a gidip Mekke-i Mükerreme’de zilhicce
evâsıtında vefât etdi. Âlim, ulûm-ı şer’iyyede [187] mâhir, vâiz, sâlih bir zât olduğu “Kitâbü’l-
Mecmu”da muharrerdir. Mahdûmları Ahmed, Mehmed Efendilerdir. El-Hâc Ahmed Efendi
Kilislioğlu demekle meşhûr olup 1258’de vefât etdi.

128 Meşhûr Çiğdem Beyzâde Hâfız Seyyid Mehmed Paşa’dır
129 Mührü aynen bu şekil üzre müressem görüldü.

320