Page 46 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

Kara İbrâhim Paşa demekle meşhûr olmuşdu. Pek çok Amasya ricâli sâye-i ikbâlinde tefeyyüz
etmişdi.

İbrâhim Ağa-Serçe
Amasyalıdır. Sipâhî Hasan Ağa’nın oğludur. Küçük iken enderûn-ı saray-ı hümâyûna
girip helva-hâne-i hâssada terbiye gördü. 1093’de helvacılar kethüdâsı, 1096’da helvacıbaşı
olup enderûnda sâhib-i nüfûz u haysiyyet oldu.
Lâkin 1099 senesi muharreminde ikinci Sultân Süleyman Hân’ın cülûsunu müte’âkib
zorbaların ibrâmıyla azledilip maskat-ı re’sine gönderildi. Ba’dehû vefât etdi. Oğulları Hasan,
Murteza, İsmâil Ağalardan sülâlesi Amasya’da “Serçe [116] oğulları” demekle meşhûrdur.
Bunlardan kâfile-i hac muhâfızı el-Hâc Sâlih Ağa bin Ali Ağa 1280 târîhine kadar Amasya
a’yânından idi.
Bunun oğulları rütbe-i sâlise ashâbından Mahmûd Bey ile Ali Rıza Bey yakın zamanlara
kadar ber-hayât idiler.

İbrâhim Paşa-Pîrîzâde
Amasyalıdır. Amasya’da meskûn Gürcülerden Çelebi Mehmed Ağazâde Pîrî Ağa’nın
mahdûmudur. Kara İbrâhim Paşa vakfiyelerinde, Amasya sicillâtında, Ayasofya mahzeninde
mevcûd Ferâşet Defterinde böyle mestûrdur. Yalnız Ferâşet Defterinde “İbrâhim Ağa bin Pîrî
Bey Mütedeyyînzâde” diye yazılıdır. Bayburdluzâde Kara İbrâhim Paşa’nın mîrâhûrluğunda
Ağaları silkine dâhil olup 1085’de Amasya’da Sultân Bâyezîd evkâfı mütevellîsi olarak
vatanına geldi. Müşârün-ileyhin vezâretinde kethüdâsı ve 1095 senesi gurre-i muharreminde
kethüdâ-yı sadr-ı âlî oldu.
1097 senesi muharreminde efendisinin azlinde vezâretle Şâm vâlisi olduysa da az
müddet sonra azledilip 1098 senesi cumadel-âhiresinde Tımışvar muhâfızı oldu. [117] Fakat
kal’a halkına karşı pek zâlimâne ve şedîdâne davrandığından 1099 senesi saferinde ahâli
tarafından itlâf edildi. Bu vâk’a Ferâşet Defterinde mezkûr ve Silahdâr Târîhinde mestûrdur.
Buna Gürcü İbrâhim Paşa, Gürcüzâde Kör İbrâhim Paşa denmişdir. Mahdûmu Bıyıklı Mehmed
Paşa da vüzerâdandır.

İbrâhim Çelebi-Haydarzâde es-Seyyid el-Hâc
Amasyalıdır. Es-Seyyid Hasan Çelebi bin es-Seyyid Haydar Efendi bin es-Seyyid
Şemseddîn Ahmed Efendi bin es-Seyyid Muhyiddîn Mehmed el-Havzavî mahdûmudur. A’yân-
ı sâdâtdan olup 1099 senesinde Emîr vak’asında sâhib-i kelâm olduğundan menkûb ve ba’dehû
merhûm oldu. Birâderi es-Seyyid Mahmûd Çelebi de meşhûr idi. Bunun da mahdûmu es-Seyyid
el-Hâc İbrâhim Efendi’dir.

İbrâhim Paşa-Sansâr
Merzifonludur. Sipâhî Ali Ağa’nın oğludur. Sadr-ı esbak Kara Mustafa Paşa etbâ’ından
olup kâim-makâmlığında Sultâniye-i Merzifon evkâfı mütevellîsi, Merzifon voyvodası,
ba’dehû Amasya’da Sultân Bâyezîd evkâfı mütevellîsi ve mükerreren Amasya [118]
mütesellimi oldu. Kara Mustafa Paşa’nın sadâretinde mîr-livâ, ba’dehû Mar’aş Beyler beyi olup
vilâyât-ı sagîreyi devrederek 1099 senesi evâhirinde vefât etdi.

İbrâhim Bey-Gürcüzâde
Amasyalıdır. Ümerâdan Mustafa Bey bin İbrâhim Paşa bin Ali Bey’in mahdûmudur.
A’yân-ı züamâdan iken mîr-livâ oldu. 1099’da Yeğen Osmân Paşa vak’asında ta’kîbâta uğrayıp
gizlendi. Ba’dehû meydâna çıkıp 1104’de vefât etdi. Birâderi Mehmed Bey de Kara İbrâhim
Paşa’nın sadâretden azlinde ta’kîbâta uğramıştı.

41
45