Page 329 - 6-8

Amasya Tarihi Cilt: 10
Amasya Tarihi 9-12. Cilt Hüseyin Hüsâmeddîn YASAR

ümerâdan olup hayli müddet Kommenat beyi oldu. 783’de Kâdı Burhân’ın galebesi üzerine
Amasya’ya avdet etdi.
Ba’dehû Yıldırım Sultân Bâyezîd Hân’ın ma’iyyetine girip dergâh-ı çavuşânından oldu.
“Sunkur Çavuş” demekle meşhûr olup 801’de Ser-çavuş-ı Sultânî görüldü. 804’de Topal Timur
harbinde vefât etdi. Meşâhîr-i ümerâdan idi.

Sunkur Ağa-Kûlâ
Amasya vâlîsi iken Sultân Bâyezîd-i Sânî bendegânınından olup dâ’ire-i hümâyûnda
terbiyye ve ta’lîm gördü. Ba’dehû rikâb ağalarından olup 886’da Sultân Bâyezîd tahta cülûs
etdikte şehzâdesi ve Amasya vâlîsi Sultân Ahmed ma’iyyetine me’mûr ve ba’dehû kapıağası
oldu. 918’de Sultân Selîm’in cülûsuyla Sultân Ahmed’in i’dâmında vefât etdi.

Sunkur Ali Ağa-Peçelizâde, el-Hâc
Amasyalıdır. Pervâne Bey Mahallesi’nde konağı olan Peçelizâde Hasan Paşa’nın
mahdûmudur. Pederinin maktûlen vefâtında Amcazâde [469] Hüseyin Paşa’nın dâ’iresine girdi.
Müşârün-ileyhin irtihâlinde Amasyalı Ammîzâde Türk Mehmed Ağa’nın Ağaları silkine dâhil
oldu. Ba’dehû Kapıcızâde el-Hâc Ahmed Paşa’nın dâ’iresine intisâb edib ta’ayyün etdi.
1127’de müşârün-ileyhin i’dâmında Nevşehirli İbrâhim Paşa’nın dâ’iresine intisâb edib
müşârün-ileyhin sadâretinde dergâh-ı âlî kapıcıbaşılığı ile hidemât-ı mühimmede istihdâm
edildi. Îrân muhârebâtında orduya gidip geldi. Ba’dehû baş bâkî kulu olarak ricâl-i devlet
sırasına girdi.
1143 senesi rebîülâhirinde Dâmâd İbrâhim Paşa’nın şehâdeti ve Sultân Ahmed-i Sâlis’in
hal’i üzerine ma’zûl u münzevî oldu. Ba’dehû 1147’de çavuşbaşı, 1148’de sânîyen baş bâkî
kulu ve ba’del-azl 1151’de silahdâr ağası oldu.
1154 senesi cumâdelulâsında ma’zûl iken surre-i hümâyûn emîni olup Hicâz’a gitdi. 1155
senesi rebîülevvelinde avdetini müte’âkib Zanalızâde es-Seyyid el-Hâc Ahmed Paşa sadâretten
azl edildiği münâsebetle tekâ’üd edilip 1157 hudûdunda vefât etdi. Buna “Sûkûr Ali Ağa” da
denirdi. [470]

Süli Bey-Emir Sa’deddîn el-Kımârî
Amasya ümerâsından ve Kumarulu Oymağı re’îsi İbrâhim Bey’in mahdûmudur. Buna
“Emîr Sa’deddîn el-Kimârî” de dendi. Amasya’da hükûmet eden şehzâdegân-ı Selçuk
ümerâsından olup Sencer Şâh’ın emâretinde çeribâşı olduğu hâlde 590 sâlinden sonra vefât etdi.
Kibâr-ı ümerâdan idi. Mahdûmu Emîr NûreddînTuğrak (Tığrak) Bey’dir.

Süli Bey-İmâmeddîn Ebû’l-Mekârim
Lâdiklidir. Niksar’da pederi yanında medfûn olan Emîr Bedreddîn Ebû’l-mekârim Uluğ
bin Emîr Bedreddîn Şâhin Şâh bin Arslan Doğmuş Bey bin Süli Bey’in mahdûmu ve Devlet
Şâh’ın birâderidir. Buna zengin oldugundan dolayı “Sülî Bay” de dendi. “Kızoğlu” demekle
meşhûrdur.
Bir müddet Lâdik emîri olup Amasya’nın cihet-i şarkiyyesi hâkimi olmuşdu. Niksar,
Erba’a kazâları bunun idâresinde idi. Ba’dehû Amasya vâlîsi Sencer Şâh’ın mu’temed bir emîri
olup 605’de Rûmlar’ın Amasya vilâyetine hücûmunda vefât etdi. Mahdûmu Emîr Bahâeddîn
Şâhin Şâh meşhûrdur.

Sünûhî Abdullah Efendi-Şeyhzâde
Amasyalıdır. Selâmet Hâtun tekkesi şeyhi Mustafa Efendizâde eş-Şeyh Osmân
Efendi’nin mahdûmudur. 1153’de pederlerinin vefâtıyla meşîhat birâderi Rüsûhî Hasan Efendi
ile bunun uhdelerine tevcîh edilmiş ise de yaşları küçük olduğuna binâ’en ref’ edildiğinden
tahsîl-i ulûma başladı.

322
328