Page 311 - 6-8

Amasya Tarihi Cilt: 7
Amasya Tarihi 6-8. Cilt Hüseyin Hüsâmeddîn YASAR

İsmâil Efendi-Sarı Vâiz
Amasya ulemâsından tahsîl-i ulûm edib ders-i âm, Câmii Enderûn vâizi olup Sultân
Bâyezîd-i Sânî vâlidesi Gülbahar Hâtun vakfından duâ-gû vazîfesi aldı. Yıllarca vaaz ve tedrîs
ile imrâr-ı hayât edib 1132 senesi şevvâlinin on altısında vefât etdi.
Meşâhir-i vâizînden kânî, halûk, âlim idi. Mahdûmları Mehmed Şücâ’, Hasan
Efendilerdir. Hasan Efendi 1138’de ve Şücâ’ Efendi 1147’de vefât edib bunların duâ-gû
vazîfesi Hasan Efendizâde Mehmed Efendi’ye verildi.

İsmâil Bey-Gürcüzâde el-Hâc
Amasyalıdır. Eşrâfdan Torumtay Vakfı mütevellîsi Gürcüzâde Mehmed Bey bin Ali
Bey’in mahdûmu ve Hacı İbrâhim Bey’in birâderidir. Ceddesi tarafından Torumtay [152] ve
Kaya Paşa evlâdındandır. Bu münâsebetle 1116’da pederinin irtihâli üzerine bunların
vakıflarına mütevellî olup a’yân sırasına girdi.
Ancak dayızâdeleri Hâfız Hasan, İbrâhim Efendiler ile tevliyet nizâının hall ve faslı için
yıllarca mahkemeye devam edib iki defa azil ve nasb edildi. 1118’den i’tibâren Meclis-i a’yân
ve hâciyân a’zâsı oldu.
1134’de baş a’yân olup nüfûz ve nukûduyla hasımlarını iskât ederek 1135’de müstakillen
mütevellî oldu. 1136’da baş a’yânlıkdan çıkarıldı. 1137 senesi saferinde füc’eten vefât etdi.
Mahdûmları el-Hâc Mehmed, Ömer, Ahmed Ağalardır. Hafîdi Osmân Paşa’dır.

İsmail Bey

Hacı Mehmed Ömer Ağa Ahmed Ağa
Bey (1157)

Yeğen Ahmed
Osman Bey
Bey

es-Seyyid Halil Bey Vezîr Osman Mehmed Ağa
(Cûî Bağı)
Paşa
Hasan Bey
Ahmed Kamil
Mahmûd Bey İsmail Bey
Paşa

...

İsmâil Paşa-Kürd Sefer Ağazâde el-Hâc
Esbak kethüdâ-yı sadr-ı âlî el-Hâc Ahmed Ağa bin Kürd Sefer Ağa’nın mahdûmudur.
Pederi Merzifon Voyvadası iken orada doğdu. Gençliğinde Merzifonî Kara Mustafa Paşa’nın
dâiresine intisâb etdi. Ba’dehû müşârün-ileyhin mahdûmu Ali Paşa’ya tûl-i müddet hizmet
eyledi. [153]
1125’de Ali Paşa’nın azliyle ref-i vezâreti esnâsında dâiresinden ayrılıp Trabzon vilâyeti
cizyedârı, Rize mütesellimi, Gümüşhâne emîni oldukdan sonra 1130’da yine müşârün-ileyhin
hizmetine girip kethüdâsı oldu.

310