Page 349 - 6-8

Amasya Tarihi Cilt: 7
Amasya Tarihi 6-8. Cilt Hüseyin Hüsâmeddîn YASAR

On yıl kadar şehzâde-i müşârün-ileyhin dîvânında kâtib olduğu halde 958 hudûnda vefât
etdi. Edîb, şâir, kâtib, hatt-ı dîvânîde mâhir idi. Birâderi kudâtdan Mustafa Çelebi’dir.

Emânî Ahmed Çelebi-Dördüncüzâde
Amasya serdârı Dördüncü Hasan Ağa bin Ahmed mahdûmudur. Müeyyedzâde Pîrî
Ahmed Çelebi’den hatt ve kitâbet tahsîl ederek Beylerbeyi Alîczâde Hüseyin Paşa’nın dîvân
kâtibi olduğu halde l058’de müşârün-ileyhin maktûlen vefâtından bir mâh kadar sonra vefât
etdi. Kâtib, şâir, maârif-âşinâ idi.

Ümmet Efendi-Saray Muallimi
Sivaslıdır. İlyâs mahdûmu olup Amasya‘da Sultân Ahmed muallimi Hatîb Kasım
Efendi’den tahsîl-i ulûm ederek [276] ders-i âm oldu. Esnâ-yı tedrîsinde “Ferâiz-i Sirâciyye”yi
nazm ve şerhederek te’lîf eylediği kitâbını 900’de Amasya Vâlisi Şehzâde Sultân Ahmed’e
takdîm etdi.
Şehzâde-i müşârün-ileyh merhûmun edebiyât-ı Arabiyyedeki iktidârını takdîr ederek
Sarây-ı Ğılmânına muallim ta’yîn etdi. 914’de Torumtay müderrisi olup 9l8’de şehzâde-i
müşârün-ileyhin fecîâ-i irtihâlinde vefât etdi. Edebiyât-ı Arabîyyede mâhir, fâzıl, edîb idi.

Ümmet Ağa-Hacı Enbiyâzâde
Amasyalıdır. Ricâl-i Bâyezidîyyeden Pîr Mehmed Çelebi bin Hacı Enbiyâ Çelebi
mahdûmudur. Şehzâdeliğinde Yavuz Sultân Selîm Hân’a intisâb edib cülûsunda dergâh-ı âlî
çavûşânından oldu. Ba’dehû çavûşlar kethüdâsı olup 920’de Çaldıran Harbinde vefât etdi.
Mahdûmu Nişâncı Mehmed Paşa’dır.

Emrullah Çelebi-Şâdî Beyzâde
Amasya vâlisi Emîr Şehabeddîn Şâdî Bey bin Emîr İzzeddîn Balaban Bey’in
mahdûmudur. Pederinin Amasya [277] defterdârı olduğu esnâda 722’de doğdu. Pederinin
tavsiyesi üzerine ulemâ silkine girip fuzalâdan Mevlânâ Şerefeddîn Mehmed el-Herevî
hizmetinde ikmâl-i tahsîl ederek tedrîs-i ulûma başladı.
Pederinin irtihâlinden sonra birâderi Nasrullah Çelebi ile emlâk-ı mevrûse ve mevkûfeyi
hüsn-i tasarruf ederek Amasya hükümdârı Hacı Şâdgeldi Paşa’nın evâhir-i hükûmetinde vefât
etdi. Ulemâdandır. Mahdûmu Mevlânâ Mes’ûd Çelebi’de ulemâdan idi.

Emrullah Çelebi-Mevlânâ Celâleddîn
Amasyalıdır. Kibâr-ı kudâtdan Mevlânâ Sinâneddîn Yûsuf Çelebi bin Mevlânâ Mesûd
Çelebi bin Emrullah Çelebi bin Şâdi Bey’in mahdûmudur. Amasya‘da ikmâl-i tahsîl edib ders-
i âm, müderris-i be-nâm oldu.
Ba’dehû silk-i kudâta girip Canik kazâsından naklen Amasya nâibi olduğu halde 857’de
vefât etdi. Halfet Mezarlığı’nda medfûn olduğu seng-i mezârından anlaşıldı. Meşâhir-i
kudâtdan idi. Mahdûmu [278] kudâtdan Şemseddîn Mehmed Çelebi’dir.

Emrullah Efendi-Cemâlzâde eş-Şeyh
Amasyalıdır. Amasya Mevlevîhânesi şeyhi Abdurrahman Dede Çelebi bin eş-Şeyh
Bayram Çelebi bin eş-Şeyh Cemâleddîn Habîb Çelebi bin eş-Şeyh Nusreddîn el-Zilevî
mahdûmudur. 896’da doğdu.
Amasya meşâyihinden tahsîl-i ulûm ve ahz-ı maârîf-i sûfiyye edib 9l8’de İstanbul’a gitdi.
Emîr Ahmed Buharî Hazretlerine intisâb edib onun vefâtında dâmât ve halîfesi olan Amasyalı
eş-Şeyh Mahmûd Çelebi hizmetinde oldu. 935’de vefât etdi. Âlim, kâmil, hulefâ-yı
Nakşibendîyye’den bir âşık idi. Tasavvufdan “Esrâr-ı Hakâyık” adlı bir kitâbı vardır.

348