Page 426 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

Bünyâd Çelebi-Mevlânâ Bedreddîn
Ali mahdûmudur. Tahsîl-i ulûm etdikten sonra Amasya’da ders-i âm ve İçerişehir’de câmii
Kebîr’e imâm olup 699’da Pervâne Bey vakfına şâhid görüldü. Ba’dehû vefât etdi. Meşâhîr-i
e’immeden âlim, vâ’iz bir zât idi.

Bünyâd Çelebi-Etmekçizâde
Amasyalı Etmekçi Halîl’in mahdûmudur. Tahsîl-i ulûm ederek müderris, kadı olup 848
sâlinden sonra vefât etdi. Ulemâ ve kibâr-ı kudâttan bir zât idi. Mahdûmu kudâttan Abdüsselâm
Çelebi’dir.

Bünyâd Efendi-Müderris
Merzifonludur. Oranın ulemâsından Mevlânâ Mehmed Çelebi bin İvâz bin Mûsâ bin
Murâd bin Osmân Merzifonî mahdûmudur. [540]
Amasya’da tahsîl-i ulûm edib ders-i âm oldu. Ba’dehû dâ’iyye-i tekemmül ile İstanbul’a
gidip Mü’eyyedzâde Abdurrahmân Efendi’nin halka-i tedrîsine mülâzemetle andan iktisâb-ı
fezâ’il etdi.
Ba’dehû müderris ve müşârün-ileyhe kâtib ve sadâretinde tezkireci olarak iştihâr etdi.
917’de üstâdının azli ve hânesinin yağması esnâsında kaçıp Merzifon’a geldi. Müşârün-ileyhin
tekrar sadâret-i Rûmeli mesnedine geldikde Sultâniye-i Merzifon müderrisi oldu. 926 sâlinden
sonra vefât etdi.
Meşâhîr-i ulemâdan fâzıl, usûl ü kelâmda mâhir idi. Üstâdının âsâr ü mü’ellefâtını yazıp
“Risâle-i Âşûriyye” nâmiyle bir eser te’lîf etdi. Sülâle-i nesebiyye ve ilmiyyesini bu eserinde
tespit etmişdi. Bu risâle mütâla’a-i güzâr-ı fakîr oldu. Mahdûmu eş-Şeyh Abdülğanî Efendi
ricâl-i sûfiyye meşâhîrinden idi. Ganîzâdeler bunun evlâdıdır.

Bünyâd Bey-Eretnazâde
Amasyalıdır. Ümerâdan Yûsuf Bey bin Alî Paşa bin Abdullah Bey bin Eretna Bey’in
mahdûmudur. Şehzâde [541] Sultân Şehinşâh bin Sultân Bâyezîd Hân’ın lalası olup 896’da
Hitân vak’asında Manisa vâlisi olan şehzâde ile beraber gitdi.
Ba’dehû şehzâde Konya vâlisi oldukda beraber gidip 917’de şehzâde-i müşârün-ileyhin
irtihâlinde bir müddet Bursa’da ikâmet etdi. Sultân Süleyman Hân’ın vefâtında mîrlivâ olarak
sancâkları devr edib 933’de Zünnûn vak’asında vefât etdi.

Bünyâd Çelebi-Ganîzâde el-Hâc
Amasya kudâtından Mustafa Efendi bin eş-Şeyh Abdülğanî Efendi bin Mevlânâ Bünyâd
Çelebi-i Merzifonî mahdûmudur. Amasya’da doğup büyüdü. 1021’den itibâren teayyün edib
1045’de Amasya beytülmâl-i âmme ve hâssa emîni oldu.
Sekiz yıl kadar bu emâneti hüsn-i idâre edib 1053’de infisâl ve ba’dehû irtihâl etdi.
Mahdûmları Mehmed, Mahmûd, Mustafa, Abdülfettah Efendilerdir. Mehmed Efendizâde
Mustafa Çelebi 1100 senesi [542] ramazânında vefât etdi. Oğulları Mehmed, Îsâ Çelebilerdir.
Mehmed Çelebi, 1128’de ve Îsâ Çelebi de 1151 muharreminde vefât etdi. Îsâ Çelebioğulları da
Ali, Osmân’dır. Bunlar Ebû İshâk Bey Türbesi cüzhânı idiler.

Bünyâd Çelebi-Müftüzâde es-Seyyid
Amasya kudâtından ve Ahî Receb evlâdından Abdulvahab Efendi’nin mahdûmudur. Ahî
Receb Mahallesi eşrâfından ve sâdât-ı kirâmdan olup 1059 hudûdunda vefât etdi. Kerîm,
hânedân bir zât idi.
Ceddi Ahî Receb mescidini müceddeden i’mâr edib 1057’de Memi Dede önündeki cesîm
bağını mescid-i şerîfin mesâlihine vakf edib hasılâtından imâmına vazife ta’yîn etdi. Kızları
Fatıma, Zelîha Hâtunlar da 1067’de câmii mezkûr ittisâlindeki müşterek hânelerini imâmının

425