Page 566 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

Mesned-i kevneyn tâc-ı evliyâ

Olmadan bu nefha-i rûh Âdeme
Rahmet oldun sen bu cümle ‘âleme

Cümlemiz evlâd-ı Âdem sûretâ
Anamız Havvâdır, Âdemdür ata

Lîk ma’nâda atâdır ol habîb
Andan irer kamûya feyz ü nasîb

Oğullarından Şemseddîn Ahmed Efendi kibâr-ı ulemâdan olup mahdûmu Abdulbâkî
Efendi ve bunun mahdûmu da Câmî Ahmed Efendi meşâhîr-i kudât u şu’arâdandır. Diğer
mahdûmu eş-Şeyh İzzeddîn Hasan Efendi, pederinin halîfesi eş-Şeyh Seydî Alî Çelebi’nin
halîfesidir. Bunun mahdûmu eş-Şeyh İmâdeddîn Ömer Efendi’dir.
Bunun evlâdından eş-Şeyh Abdurrahmân Efendi bin eş-Şeyh Mehmed Efendi zâviyesi
şeyhi ve vakfı mütevellîsi iken 1107’de [289] vefâtıyla mahdûmu eş-Şeyh Ömer Efendi şeyh
ve mütevellî oldu. Bu da 1138’de vefât edib büyük mahdûmu eş-Şeyh Alâaddîn Alî Efendi şeyh
ve mütevellî ve diğer mahdûmları Mehmed, Mustafa, Ahmed Çelebiler tevliyette müşterek
oldular.
1151 senesi cumâdelâhiresinin yirmi yedisinde eş-Şeyh Alâaddîn Efendi’nin vefâtıyla
mahdûmu es-Seyyid eş-Şeyh Mehmed Efendi zâviye-dâr ve mütevellî oldu. 1202’de bunun da
vefâtıyla es-Seyyid Ahmed Çelebi bin Mehmed Çelebi bin eş-Şeyh Ömer Efendi mütevellî ve
1203’de ref’iyle Fâtıma Hâtun bint-i Abdurrahmân Çelebi bin Ahmed Çelebi bin eş-Şeyh Ömer
Efendi mütevellî oldu.
1204’de bunun da ref’iyle es-Seyyid Ahmed Çelebi bin eş-Şeyh es-Seyyid Mehmed
Çelebi bin eş-Şeyh Alâaddîn Efendi mütevellî ve zâviye-dâr oldu. 1210’da bunun da vefâtıyla
mahdûmları es-Seyyid Ömer, Alî, Mehmed Efendiler müştereken mütevellî ve zâviye-dâr
oldular. 1225’de bunların hepsi de ref’ edilip es-Seyyid eş-Şeyh Abdullah Efendi bin es-Seyyid
Ahmed Çelebi bin Mehmed Çelebi bin eş-Şeyh Ömer Efendi mütevellî ve [290] şeyh oldu.

Habîb Çelebi-Hâce el-Hâc
Amasya hâcegânından, a’yân-ı tüccârından Hüdâverdi Çelebi mahdûmudur. Amasya
vâlîsi Şehzâde Sultân Ahmed ümenâsından ve Amasya’nın a’yân-ı tüccârından olup 918’de
Şehzâde-i müşârün-ileyhe para ikrâzından dolayı Sultân Selîm Han-ı Evvel tarafından hayli
nekbet gördü.
921’de Sultân Selîm Amasya’ya gelip hakîkat-ı hâle vâkıf oldukta ma’zeretini kabûl edib
ikrâz eylediği mebâliği te’diye ederek taltîf etdi. Bunun üzerine Hicâz’a gidip avdetinden sonra
vefât etdi. Erbâb-ı ma’âriften mâl-dâr ve hânedân bir hâce idi.

Habîb Efendi-Şeyh Seydîzâde
Amasyalıdır. Habîb-i Karamânî hazretlerinin akdem-i hulefâsı olan eş-Şeyh Seydî
Alâaddîn Alî Çelebi mahdûmudur. Amasya ulemâsından tahsîl-i ulûm ve pederinin sohbetinde
tekmîl-i tarîk edib Mehmed Paşa câmi-i şerîfinin vâ’izi ve ba’dehû Habîb-i Karamanî tekkesi
şeyhi oldu. [291]
Bir taraftan va’z ü tezkîr ederek irşâd-ı halk ile diğer taraftan te’lîf-i âsâr ile iştigâl edib
tasavvufdan “Temâmü’l-Esâmî” ve ilm-i tefsîrden “Miftâhü’l-Fâtiha”ve ferâ’izden “Tuhfetü’s-
Sultâni’l-Kerîm” adlı üç eseri te’lîf etdi.
961’de Sultân Süleyman-ı Kânûnî Amasya’yı teşrîf etdikte bu âsârını takdîm ederek
atâyâ-yı seniyye aldı. Bu atâyâ ile zâviyeyi ta’mîr ederek cennet gibi yaptı. Birkaç yıl sonra

560
565