Page 112 - 6-8

Hüseyin Hüsâmeddîn YASAR
Amasya Tarihi 9-12. Cilt Hüseyin Hüsâmeddîn YASAR

Hüsrev Ağa-Kethüdâ
Amasya’nın Fethiye Mahallesi’nden Ömer’in oğludur. Sipâhi olup Gürcistân ve Kafkas
muhârebâtında hizmetler ederek Amasya kethüdâyeri, hayli müddet Hüseyin Ağa medresesi
vakfı mütevellîsi ba’dehû yine Amasya kethüdâyeri oldu.
1032’de Abaza Mehmed Paşa’nın isyânında devlete ibrâz-ı sadâkat ve hizmet
eylediğinden 1034’de Çorum Sancâğı mütesellimi olup 1036 senesi evâilinde hasta olarak
Amasya’ya geldi. Sülüs-i malını Fethiye Câmi-i Şerîfi’nin tamîr ve ihtiyâcına vasiyyet edib bir
kaç ay sonra vefât etdi. Ehl-i hizmet ü hayr idi.

Hüsrev Bey-Deli Gürcü
Gürcistân ümerâsından Gıregora Hân bin Keyhüsrev Hân bin Yuset Hân oğludur. Buna
Keyhüsrev Hân denirken amcası Mavera Hân ve bunun oğulları şeref-i İslâmı kabûl etdikleri
esnâda Müslümân olup Hüsrev Bey dendi. [355]
Ba’dehû ammizâdesi Heftâdî Ahmed Bey Amasya sancâğı beyi oldukda beraber gelip
müdebbir-i umûru olarak tahsîlât işlerine girişdi. Halkı fevkalâde tazyîk ederek nefret-i
umûmiyyeyi kazanıb kendisine Deli Gürcü lakâbı verildi.
1038’de halkın galayanını mûcib olan harekâta cür’et ve a’râz-ı müslimîne taarruz gibi
mezâlime cesâret eylediğinden halkı ayaklandırdı. Heftâdî Beyle beraber maktûlen vefât etdi.
Hâdise bâb-ı evvelde tafsilâtıyla yazıldı. Dil bilmez dînden anlamaz harîs bir adamdı.

Hüsrev Bey-Hüsrev Paşazâde el-Hâc
Amasya’nın Sevâdiye Mahallesi eşrâfından Murâd Bey bin el-Hâc Mehmed Bey’in
mahdûmu ve İnebahtı muhâfızı Hüsrev Paşa’nın ahfâdındandır.
Pederinin irtihâlinde yetîm olup 1052’de isbât-ı rüşd ederek züamâdan oldu. 1072’de
Sadr-ı a’zam olan Köprülüzâde Fazıl Ahmed Paşa’nın himmetiyle mîr-livâ olup gâh mansûb ve
gâh ma’zûl olarak sancâkları devr etdi. 1083’de Cidde Beyi ve Şeyhü’l-harem olup iki yıl sonra
51
ma’zûlen Amasya’ya [356] gelip 1088 sâlinden sonra vefât etdi. Mahdûmu el-Hâc Mehmed
Bey’dir.

Hızır Bey-Hacı Beyoğlu
Amasya ümerâsından el-Hâc İlyas Bey’in oğludur. Baba İlyas Horasanî ahfâdından olup
Sivas ve mülhakâtı hükümdârı olan Sultân Eretna Hân devrinde ümerâdan görüldü. 862
sâlinden sonra vefât etdi.

Hızır Bey-Atabegzâde
Amasya’da medresesi olan Atabeg Gâzi vakfının mütevellîsî İlyas Bey bin Hayreddîn
Hızır Bey bin Atabeg Gâzi mahdûmu olup Yıldırım Sultân Bâyezîd Hân ümerâsından oldu.
804’de Timurlenk Muhârebesinde vefât etdi. Mahdûmu Mehmed Bey ve birâderi Abdî Bey’dir
ki Yörgüç ve Hızır Paşaların amcasıdır.

Hızır Çelebi-Mevlânâ Turhâlî
Amasya civârında Turhal Kasabası halkından İmâm İsa Çelebi mahdûmudur. Amasya’da
tahsîl-i ulûm ederek kibâr-ı ulemâdan oldu. 812’de tanzîm edilen eş-Şeyh Şâdî [357] vakfına
şâhid görüldü. Ba’dehû vefât etdi.

Hızır Bey-Emîr Hayreddîn
Ümerâdan Bîçâroğlu Bayram Bey bin Esen Bey bin Bîçâr Bey’in mahdûmu ve Bîçâr
Bey’in birâderzâdesidir. Amasya’da Çelebi Sultân Mehmed Hân’ın ümerâsından olup

51 Fethiye Câmi’indeki sebîli ve nukûd-ı mevkûfesi vardır.

101
111