Page 160 - 6-8

Hüseyin Hüsâmeddîn YASAR
Amasya Tarihi 9-12. Cilt Hüseyin Hüsâmeddîn YASAR

Dâvûd Paşa-Asayiş Beyzâde
Amasyalıdır. Meşâhîr-i ümerâdan Bâyezîd Paşa’nın amcası Yûsuf Bey bin İsa Bey’in
mahdûmu ve sadr-ı müşârün-ileyhin dâmâdıdır. Bâyezîd Paşa’nın sâye-i ikbalinde ümerâdan
olup Sultân Murâd-ı Sânî’ye büyük hizmetler etdi.
838’de Anadolu Beylerbeyi olup Ankara’da bir müddet oturdu. 841’de Rûmeli beylerbeyi
olup Sofya’da ikâmet etdi. 844 Karaman harbinde ibrâz-ı liyâkat eylediğinden vezâretle
Edirne’ye gelip Divân-ı Hümâyûn’da kûbbe-nîşîn oldu.
846’da Fatih Sultân Mehmed Hân’ın birinci cülûsunda makâmını muhâfaza edib 847’de
Varna muhârebesine Sultân Murâd-ı Sânî ma’iyyetinde gitdi. Muzafferen avdetde Sultân
Murâd’ın ikinci defa [524] tahta cülûsunu te’mîn ederek vezîr-i sânî olduğu halde 848’de vefât
etdi. Şecî, müdebbir, sâdık bir vezîr idi.
Mahdûmları Bâyezîd, Ali Beylerdir. Bunlar da ümerâdan olduğu halde Fatih Sultân
Mehmed Hân’ın ikinci cülûsunda İstanbul’un fethini müteakib Amasya’da ikâmete me’mûr
oldular. Bâyezîd Bey, Bâyezîd Paşa’nın vakfı mütevellîsi ve Ali Bey de Hâtun Paşa vakfı
mütevellîsi olarak 865’de Amasya’da görüldüler. Sahîb-i tercemenin birâderi Sinan Paşa’dır.

Dâvûd Bey-Ece Hanzâde
Amasyalıdır. Sultân Murâd-ı Sânî ümerâsından Mûsa Bey bin Abdülmu’min bin Mûsa
Bey bin Ecaytu Hân oğludur. A’yân-ı züamâdan iken 851’de Çorumlu beyi görüldü. 857’de
İstanbul fethine me’mûren ma’iyyet-i mevcûdesiyle Edirne’ye gidip İstanbul’u muhasara
esnâsında şehîden vefât etdi. Birâderi emîr-i mükerem Bayram Bey de 844’de ümerâdan
görüldü.

Dâvûd Bey-Şeyh Paşazâde
Amasyalı beylerbeyilerden Şeyh Paşa bin Sâlih Bey mahdûmu olup meşâhîr-i züamâdan
iken 841’de Fatih Sultân Mehmed’in [525] dâiresine intisâb etdi. Manisa’da ma’iyyet-i
ümerâsından olup ikinci cülûsunda Selanik Beyi olup İstanbul’un fethinde bulundu. Ba’dehû
Silistre beyi olup 868 sâlinden sonra vefât etdi. Meşâhîr-i ümerâdan idi.

Dâvûd Bey-Yörükoğlu
Amasya ümerâsından Yûsuf Bey bin Yörük Bey’in oğludur. Sultân Bâyezîd-i Sânî
Amasya’da vâlî iken dâiresine intisâb edib 884’de ma’iyyet-i ümerâsından görüldü. 886’da
Amasya vâlîsi olan Şehzâdesi Sultân Ahmed’in ma’iyyet-i ümerâsından ve 896’da erkân-ı
vilâyetinden görülüb sonra vefât etdi.
Diğer ümerâdan Dâvûd Bey bin Ebûbekir Bey de Amasya ricâlindendir. 888’de Türkmen
Beyi ve 896’da Şehzâde-i müşârün-ileyhin ma’iyyet-i ümerâsından görülüb sonra vefât etdi.
Meşâhîr-i ulemâdan Mevlânâ Dâvûd Çelebi bin Abdullah da 898’de Amasya müderrislerinden
görülüb 900 sâlinden sonra vefât etdi. Bunun mahdûmu Kemaleddîn İsmail Çelebi’dir. [526]

Dâvûd Paşa-Asâyîşoğlu
Amasyalıdır. Sadr-ı esbak Bâyezîd Paşa’nın kerîmezâdesi Ali Bey bin Dâvûd Paşa bin
Yûsuf Bey bin Asâyîş Bey’in mahdûmudur. Amasya’da vâlî iken Sultân Bâyezîd-i Sânî
dâiresine girib tefeyyüz ederek 886’da müşârün-ileyhin cülûsunda ümerâdan oldu. Sarıkcı
63
demekle meşhûrdur.

63 Müşarün-ileyh Sultan Bâyezid’ın dâiresinde ‘Dülbend Ağası’ yani ‘Sarıkcı’ olduğundan bu unvânıyla iştihâr
etdi. Lâdik’de câmii, imareti vardır. Pederi hayli müddet Lâdik beyi olmuşdu. Sultan Bâyezid’in Lâdik’de
sayfıyesi olduğundan Amasya’da iken maiyyetiyle orada yaz günlerinde bir müddet otururdu.

149
159