Page 211 - 6-8

Amasya Tarihi Cilt: 10
Amasya Tarihi 9-12. Cilt Hüseyin Hüsâmeddîn YASAR

Mâh-ı aşûrâdur ey dil bil cihân ağlar bugün
‘Arş ü ferş ü şems ü mâh u âsumân ağlar bugün

Öyle bir gündür bugün kim şâh-ı deşt-i Kerbelâ
El-‘ataş-gûyâ olup eyler figân ağlar bugün

Ey emîrü’l-mü’minîn gel kândesin imdâd kıl
Zâde-i Zehrâ içün fahr-ı cihân ağlar bugün

Mürg-i cânım lâne-i tende karâr itmez döner
Neylesün netsün ne yapsın ins ü cân ağlar bugün

Farz iken ‘âlemde ehl-i beyte hubb u ihtirâm
Tîğ-i a’dâdan bedensiz ser hemân ağlar bugün [64]

Saht-dil mel’ûn Yezîd ü Şimr ile bin Ziyâd
İtdiği ef’âle billâh kudsiyân ağlar bugün

Sâmiyâ gördim bu dem çekmiş siyâh pûşideyi
Lâ-fetâ sırrına mazhar bî-gümân ağlar bugün

Resîm Ahmed Efendi-Bâlîzâde
Amasyalıdır. Mumcu Bâlî’nin oğludur. Amasyalı şu’arânın tezkiresini yazan Abdullah
Paşa müderrisi Abdî Efendi’den edebiyât-ı Arabiyye ve Fârisiyyeyi tahsîl ve Fazlullah
Efendi’den hutût-ı mütenevvi’ayı ahz ü temeşşuk etdi.
Bir müddet Amasya beytü’l-mâl kâtibi oldu. Ba’dehû Deli Emîr Mehmed Paşa’nın kâtib-
i dîvânı olup ma’iyyetinde devr-i bilâd etdi. Müşârün-ileyhin vefâtında Amasya’ya gelip Sultân
Bâyezîd evkâf kâtibi olduğu hâlde 1112’de vefât eyledi. Kâtib, münşî, hattât idi. Şu gazeli Abdî
Efendi tezkiresinde görüldü:

İdüb azm-i sefer cânâ esîr-i mihnet oldum ben
Cüdâ düşdüm vatandan mübtelâ-yı firkat oldum ben

Kanâ’at eylemezken nazra-i dîdâr ile evvel [65]
Değil mektûba şimdi bir selâma hasret oldum ben

Sen inkâr eyledin hem-bezm-i ağyâr olduğun ammâ
İşitdim mâcerâyı vâkıf-ı keyfiyyet oldum ben

Gülistân-ı visâlin güllerini eylemiş çîde
Nişân-ı bûse gördüm dâğ dâğ-ı hayret oldum ben

Dahî hâlî iken bend oldum ol zülf-i perîşâna
Sana ey bî-vefâ sermâye-i cem’iyyet oldum ben

Olub âsûde her âşûb-gâh-i bezm-i kesretde
Resîmâ sâkin-i künc-i amân-ı uzlet oldum ben

204
210