Page 212 - 6-8

Hüseyin Hüsâmeddîn YASAR
Amasya Tarihi 9-12. Cilt Hüseyin Hüsâmeddîn YASAR

Rüşdü İbrâhim Efendi-Hattâtzâde
Amasyalıdır. Hattât-ı meşhûr Dede Çelebizâde Hüseyin Efendi’nin mahdûmudur.
Tercemesi yukarıda (cild. 9, sahîfe 30) yazılan pederinden hutût-ı mütenevvi’ayı ve ulemâdan
ulûm-ı edebiyye ve şer’iyyeyi ahz u tahsîl edib darb-hâne kâtibi oldu.
Amasya darb-hânesi ilgâ edildikden sonra Sultân Bâyezîd evkâfı kâtibi olup hayli müddet
bu kitâbette kaldı. Bu sâyede ta’lîm-i şâkirdâna hasr-ı evkât edib 1039 senesi şevvâlinde [66]
bilâ-veled vefât etdi. Edîb, şâir, âlim, hattât-ı meşhûr idi. Turâbî Mustafa Efendi gibi asrı
şu’arâsıyla mutâyebe ve müşâ’aresi vardı.

Rüşdü Ahmed Efendi-İmâmzâde es-Seyyid
Amasyalıdır. 1112’de vefât eden Hızır Paşa imâmı Halîl Efendi’nin mahdûmudur. Hıfz-
ı Kur’ân etdikten sonra tahsîl-i ilm ü hatt etdi. Evâ’il-i hâlinde câmi-i mezbûrda devr-hân olup
sonra İstanbul’a gitdi. Kara İbrâhim Paşa’nın sadâretinde mektûbî-i sadâret kalemine girdi.
1098’de Bayburdluoğlu Yeğen Osmân Paşa’nın dîvân kâtibi olduğundan dolayı müşârûn-
ileyhin i’dâmında habs u tevkîf edildi. Paşa’nın emvâl-i mektûmesini teslîm-i hazîne ederek afv
ü ıtlâk edilip 1101’de Amasya’ya gönderildi.
Tûl müddet Amasya’da kitâbetle iştigâl edib sonra Küçük Alizâde Hüseyin Paşa’nın
hâzîne kâtibi oldu. Müşârün-ileyhin vefâtında Amasya’ya avdet edib 1131’de mukâta’a emîni
oldu. 1142’de ma’zûlen vefât etdi. [67] Kâtib, şâir, tâli’siz idi.

Rüşdü Ahmed Efendi-Şeyh Alizâde es-Seyyid el-Hâc
Amasyalıdır. Nakîbü’l-eşrâf kâ’im-makâmı ve esnâf şeyhi es-Seyyid eş-Şeyh Ali Efendi
bin mü’ellif-i Tezkire-i Abdî Efendi’nin mahdûmudur. Ulemâdan tahsîl-i ulûm ederek mücâz
olup 1112’de pederinin kasr-ı yediyle Abdullah Paşa cüz-hânı ve ba’dehû Hüseyin Ağa vakfı
kâtibi oldu.
1127’de pederinin irtihâlinde Ahî Darb-hâneci tekkesi şeyhi ve Pervâne Bey Câmii vâ’izi
olup mükerreren meclis-i hâciyâna ve a’yâna a’zâ olduğu hâlde 1159 senesi saferinin on
sekizinde vefât etdi.
Âlim, vâ’iz, halûk, nâzik-tabi’at, şâir, sâhib-i temkîn idi. Ceddinin tezkire-i şu’arâsını
tezyîl ederek asrının şu’arâsını ve havâdisini cem’ ü tahrîr etdi. Bu eseri kütüb ve evrâk-ı
metrûkesi arasında bulundu. Mahdûmları es-Seyyid Abdurrahmân, Abdî, Ahmed Efendilerdir.
Hâfız es-Seyyid Abdurrahmân Efendi, Abdullah Paşa câmii imâmı olup 1197’de vefât
etdi. Yerine mahdûmu [68] Hâfız es-Seyyid Ahmed Efendi imâm olup 1234’de vefât etdi.
Bunun mahdûmu Hâfız es-Seyyid Mehmed Efendi imâm oldu.
Sâhib-i tercemenin ikinci mahdûmu es-Seyyid Abdullah Abdî Efendi ulemâdan olup
Acem Ali Mahallesi’nde Bâlî Bey câmii imâm u hatîbi idi. 1210’da vefât edib mahdûmları es-
Seyyid Mustafa, Ahmed Rüşdü Efendilerdir. Hâfız es-Seyyid Mustafa Efendi 1191’de vefât
etdiğinden Hâfız es-Seyyid Ahmed Rüşdü Efendi pederinin vefâtında müstakillen câmi-i
mezbûre imâm u hatîb oldu.
Üçüncü mahdûmu Hâfız es-Seyyid Ahmed Efendi Çırakcı Mahallesi’nde Hasan Efendi
câmi-i şerîfi imâmı olup 1213’de fevt oldu. Bunun mahdûmu Hâfız es-Seyyid Osmân Efendi
imâm olup 1223’de vefâtıyla imâmet ve hitâbet Sorukluzâdelere tevcîh edildi.

Rüşdü Ahmed Efendi-Şeyh Alizâde es-Seyyid el-Hâc
Amasyalıdır. Tercemesi şurada yazılan es-Seyyid el-Hâc Rüşdü Ahmed Efendizâde es-
Seyyid Abdullah Abdî Efendi’nin mahdûmudur. Tahsîl-i ilm ü kitâbet ederek pederinin [69]
vefâtında müstakillen Bâlî Bey Câmii imâm u hatîbi, Hüseyin Ağa vakfı kâtibi oldu. Ba’dehû
Hüseyin Ağa kitâbetinden kasr-ı yed edib vakf-ı mezkûr câbîsi ve Tîmâr-hâne vakfı kâtibi ve
meclis-i hâciyân a’zâsı olduğu hâlde 1233’de vefât etdi. Eşrâf-ı memleketten kâtib, hânedân
idi.

205
211