Page 274 - 6-8

Hüseyin Hüsâmeddîn YASAR
Amasya Tarihi 9-12. Cilt Hüseyin Hüsâmeddîn YASAR

intikâlinden sonra 1263’de tahrîrât kâtibi olup hayli müddet bu kitâbette kaldı. Ba’dehû tahrîrât
müdürü oldu.
1278’de Köprü kazâsı müdürü olup Amasya’dan gitdi. 1281’de Ünye kazâsı
müdürlüğüne nakl edildi. [276] Orada iki yıl kadar îfâ-yı me’mûriyyet edib şiddetinden
şikâyetler tevâlî etmekle 1283’de azl edildi.
1287’de Amasya meclis idâresi a’zâsı ve 1292’de belediye re’îsi olup 1296 senesi
cumâdelûlâsında infisâl ve 1300 senesi evâ’ilinde irtihâl etdi. Âkil, müdebbir, şedîd, mâ’il-i
zevk idi. Mahdûmu eşrâftan ve rütbe-i sânîye ashâbından Mahmûd Nâzım Bey’dir.

Sa’îd Mehmed Efendi-Hacı Bayramzâde, el-Hâc
Merzifonludur. Hacı Bayramzâde Ali Efendi’nin mahdûmudur. Orada mukaddimât-ı
ulûmu görüp Amasya’ya geldi. Meşâhîr-i fuzalâdan Şirvânî el-Hâc Mustafa Efendi’nin halka-i
tedrîsine mülâzemet ederek ikmâl-i tahsîl ve ahz-ı icâzet ederek Merzifon’a avdet etdi.
Orada yıllarca talebeye tedrîs-i ulûm ve halka va’z ü nasîhat ederek Hacı Hamza Nigârî
Efendi’nin müdde’iyâtına şiddetle mukâbele edib halkı îkâz etmeğe çalışdı. Ehl-i sünnet
mesleğini fevka’l-âde müdâfa’a ederek tefrîkayı kaldırmağa himmet etdi. İki def’a haccedip
ikincisinde [277] 1308 senesi zilhiccesinde Mekke-i Mükerreme’de dâr-ı na’îme rihlet etdi.
Meşâhîr-i ulemâdan sâlih, gâyet dîndâr idi.

Sa’îd Mehmed Efendi-Hâcezâde el-Hâc
Amasyalıdır. Acem Ali Mahallesi’nde mukîm fuzalâdan Tirebolulu Hâce el-Hâc
Mustafa Efendi bin İbrâhim’in mahdûmudur. 1278’de Amasya’da doğdu. Kapancızâde
Medresesi’nde ikâmet ve pederinin tilmîzi olan Tirebolulu el-Hâc Halîl Efendi’nin dersine
mülâzemet edib ikmâl-i tahsîl ile 1312’de ondan ahz-ı icâzet etdi.
Hücresinde mürâca’at eden talebe-i ulûmun istifâdesine hizmet ve tedrîse muvâzabet
edib 1320’de Hicâz’a gitdi. Ba’del-hac avdet etmek üzere Cidde’ye geldikte koleraya tutulup
sene-i mezbûre zilhiccesinde vefât etdi. Âlim, sâlih, müttakî, mücerred idi.

Sa’îd Mehmed Efendi-Hazînedârzâde
Merzifonludur. Oranın eşrâfından Mehmed Ali Efendi bin el-Hâc Ahmed Ağa bin el-
Hâc Mehmed Ağa bin hazînedâr Ali Ağa’nın mahdûmudur. 1272’de doğdu. Merzifon’da [278]
Şer’iyye kâtibi Hasan ve Müftüzâde Mehmed Efendilerden mukaddimât-ı ulûmu gördükten
sonra 1292’de İstanbul’a gitdi.
Orada Fâtih dersi-âmlarından Arnavut Murtazâ Efendi’nin dersine devâm etdiği esnâda
Rus harbi i’lân edildiğinden 1294’de Amasya’ya geldi. Meşâhîr-i fuzalâdan Şirvânî el-Hâc
Mustafa Efendi’nin halka-i tedrîsine mülâzemet ederek ilm-i kelâmı, usûl-i fıkhı ondan tahsîl
etdi.
1298’de fâzıl-ı müşârün-ileyhin irtihâline binâ’en Mîr Hasan Efendi’den ilm-i hikmet
okuyup 1299’da ahz-ı icâzetle Merzifon’a avdet ve tedrîse mübâşeret etdi. 1302’de sânîyen
İstanbul’a gidip şevvâlinde bi’l-imtihân mekteb-i nüvvâba girdi.
1305 senesi şa’bânında parlak bir imtihân verip sınıf-ı sâlisten şehâdet-nâme ahzına
muvaffak olduğundan 1307 senesi gurre-i muharreminde Uşak kazâsı niyâbetine ta’yîn edildi.
Müddet-i örfiyyesini ikmâl edib avdetinde 1311 senesi gurre-i saferinde Yozgat sancâğı nâibi
oldu. [279]
İki senelik müddet-i örfiyyesini ikmâl etdikten sonra 1313 saferinde Merzifon’a geldi.
1315’de İstanbul’a gidip 1316’da Devriyye müderrisliği pâyesini aldı. 1317 senesi gurre-i
muharreminde Çorum sancâğı nâibi oldu.
1318 senesi rebîülevvelinde hüsn-i hizmetine binâ’en Beşiktaş muhâfızı müşîr Çorumlu
Kel Hasan Paşa’nın arz ü senâsı üzerine İzmir mevleviyyeti pâyesiyle taltîf edildi. Fakat

267
273