Page 273 - 6-8

Amasya Tarihi Cilt: 10
Amasya Tarihi 9-12. Cilt Hüseyin Hüsâmeddîn YASAR

Sa’îd Mehmed Efendi-Deli Hüseyinzâde
Amasyalıdır. Meşâhîr-i ulemâdan Hüseyin Efendi bin Mehmed Ağa bin Deli Hüseyin
Ağa’nın mahdûmudur. Üçler Mahallesi’nde 1200 senesinde doğdu. Taşköprülü Hâfız el-Hâc
Abdullah Efendi’den tahsîl-i ulûm edib ders-i âm oldu.
Pederinin hayâtında tedrîse mülâzemet edib talebesine icâzet verdikten sonra
Süleymaniyye müderrisi oldu. Üçler Câmi-i şerîfinde cum’a günlerinde ve leyâlî-i mübârekede
va’z ü nasîhat ederek 1262 senesi [273] evâsıtında vefât etdi. Kibâr-ı ulemâdan ve a’yân-ı
memleketten idi. Evlâdı vardır.

Sa’îd Mehmed Efendi-Çelebizâde, es-Seyyid
Köprülüdür. Ulemâdan es-Seyyid Hâşim Abdullah Efendi bin es-Seyyid Sa’îd Mehmed
Efendi bin es-Seyyid el-Hâc Abdullah Efendi’nin mahdûmudur. Köprü müftüsü es-Seyyid el-
Hâc Osmân Rûmî Efendi’den ikmâl-i tahsîl ederek pederinin irtihâlinde Fâzıl Ahmed Paşa
müderrisi ve ders-i âm oldu.
Yıllarca tedrîse devâm ederek iştihâr edib mükerreren Köprü müftüsü ve meclis-i de’âvâ
a’zâsı olduğu hâlde 1265’de vefât etdi. Âlim, afîf, müteşerri’, zî-nüfûz idi. Mahdûmu müftî-i
meşhûr Ahmed Es’ad Efendi de kibâr-ı ulemâdandır.

Sa’îd Mehmed Efendi-Sülûkîzâde, es-Seyyid, eş-Şeyh
Amasyalıdır. Gümüş’te medresesi olan Halîl Paşa vakfı mütevellîsi Üçler Mahallesi
eşrâfından Sülûkîzâde Şerîf Osmân Ağa’nın mahdûmudur. Amasya’da Taşköprülü eş-Şeyh el-
Hâc Hâfız Abdullah Efendi’nin halka-i tedrîsinde [274] ikmâl-i tahsîl ve riyâzet-hânesinde
tekmîl-i sülûk ederek ehass-ı hulefâsından oldu.
Üstâd u şeyhinin irtihâlinde zâviyesine şeyh olmasını me’mûl ederken hâcezâdesi es-
Seyyid Mehmed Ârif Efendi hadâset-i sinniyle kendisine takaddüm etmesinden bî-hûzur olup
1244’de İstanbul’a gitdi.
Orada bi’l-imtihân kürsî şeyhliği silsilesine dâhil olup Beşiktaş’ta Sinan Paşa Câmii
kürsî şeyhi oldu. Tarîk-i Nakşî’den müstahlef ve hüsn-i hâl erbâbından olduğu münâsebetle
Hacı Bektâş-ı Velî zâviyesinde âsitâne şeyhi olan Bektâşî babası Hamdullâh Baba Amasya’ya
nefy ve zâviye-i mezbûre Bektâşîlerden tathîr edilmekle 1252’de zâvîye-i mezbûre şeyhi olarak
Kırşehri’ne gitdi.
On beş yıl kadar zâviye-i mezbûrede Nakşîbendiyye usûl ü â’yînini icrâ ve zikr u
i’bâdetle iştigâl ederek 1267’de dâr-ı na’îme irtihâl etdi. Âlim, kâmil, zâhid, müteşerri’,
mekârihten gâyet muhteriz, âbid bir zât idi. Mahdûmu 1298’de vefât eden Beşiktaşî [275]
88
Yahyâ Efendi dergâhı şeyhi Şemseddîn Mehmed Nûrî Efendi’dir.

Sa’îd Mehmed Ağa-Kara Vâ’izzâde
Amasyalıdır. Bâyezîd Paşa Câmi-i şerîfi vâ’izi olan Ahmed Efendi bin Hüseyin’in
mahdûmudur. Evâ’il-i nizâmda asker olup tedrîcen mülâzım-ı evvel, 1255’de yüzbaşı, 1261’de
kolağası, 1267’de binbaşı olup Manastır’a nakl edildi. Orada beş yıl kadar tabur kumandanı
olduğu hâlde 1272’de vefât etdi. Bilâ-veled olduğundan metrûkâtını birâderi Hüseyin Ağa
mîrâsen aldı.

Sa’îd Mehmed Bey-Yeğenzâde
Amasya’nın Eski Kethüdâ Mahallesi eşrâfından ve meclis-i idâre erkânından es-Seyyid
Ömer Bey bin es-Seyyid el-Hâc Ahmed İzzet Bey bin Ömer Paşa’nın mahdûmudur. Pederinin

88 Gerek bu zâtın ve gerek pederinin Amasyalı olup “Sülûkîzâde” demekle meşhûr olduklarını ve tercemelerini
bunların her ikisiyle de mu’ârefe-i kadîmesi olan mevâlîden Amasyalı Bakırcızâde es-Seyyid el-Hâc Hâfız
Nûreddîn Mehmed Efendi’den şifâhen öğrendim ve Bektâş-ı Velî zâviyesi şeyhi olduğunu ve târîh-i vefâtını da
kuyûd idâresinde mukayyed gördüm.

266
272