Page 30 - 6-8

Hüseyin Hüsâmeddîn YASAR
Amasya Tarihi 9-12. Cilt Hüseyin Hüsâmeddîn YASAR

Mehmed, İsmail, Ebûbekir Beylerdir. Ebûbekir Bey 1086 şevvâlinde ve bunun mahdûmu
11
Hasan Bey de 1091 cumâdelâhiresinde vefât etdi.

Hüseyin Ağa-Telhîsî
Merzifonludur. Sipâhi Meşâhîrinden Gâzi Oruc Bey ibn-i Ali Ağa’nın mahdûmu ve sadr-
ı esbak Kara Mustafa Paşa’nın büyük birâderidir. Bu da sipâhi olup muhârebelere gitdi. Köprülü
Mehmed Paşa’ya intisâb edib sadâretinde ağalarından ve 1068 senesi zilhiccesinde telhîsî-i
sadâret oldu.[67] Sadr-ı müşârün-ileyhin irtihâlinde mahdûmu Fâzıl Ahmed Paşa’ya telhisî ve
ba’dehû sadâret kapıcılar kethüdâsı olup hayli servet ü sâmân edindi. Ba’dehû dergâh-ı âlî
müteferrikası ve kapıcı-başı olup 1081’de vefât etdi. Kibâr-ı a’yândan sâhib-i hayr idi.
Mahdûmları Hasan Paşa ile reisülküttâb Mustafa Efendi’dir.

Hüseyin Bey-Derviş Beyzâde
Amasyalıdır. Amasya Beyi iken 1044’de vefât eden Derviş Beyzâde Osmân Bey’in
mahdûmudur. Züamâdan olup Girit muhârebâtında isbât-ı liyakât ederek alaybeyi ba’dehû mîr-
livâ oldu. Yıllarca sancâkları devredip 1082 sâlinden sonra vefât etdi. Amasya a’yân-ı
ümerâsından idi. Mahdûmu ser-mimâr-ı hâssa Hasan Efendi ve kerîmesi Neslî Hânım’dır.

Hüseyin Efendi-Topçuzâde el-Hâc
Amasyalıdır. Topçu Mehmed Ağa bin Mustafa’nın mahdûmudur. Kibâr-ı fuzalâdan
İmâm Gürcü Hasan Efendi’den vesâir ulemâdan ikmâl-i tahsîl edib ders-i âm oldu. Tedrîs-i
ulûm ederek iştîhâr edib devr-i medârisle bâ-pâye-i altmışlı [68] Yörgüç Paşa müderrisi,
Amasya kassâmı, ba’dehû Amasya nâibi oldu. 1073 senesi rebîülevvelinde Erzincan ba’dehû
Sivas kâdısı ve 1076 senesi şa’banında sânîyen Amasya kassâmı olup sonra Çankırı kâdısı oldu.
1081’de ma’zûlen Amasya’da görülüb 1083 hudûdunda vefât etdi. Âlim, fakîh, kâmil idi.
Köprülüzâde Fâzıl Ahmed Paşa müntesiblerindendi. Mahdûmu el-Hâc Mehmed Efendi ve
birâderi el-Hâc Hasan Ağazâde el-Hâc Mehmed Ağa’dır. Hüseyin bin Mustafa et-Topî diye
imzâ kordu.

Hüseyin Ağa-Abdülcelilzâde el-Hâc
Amasyalıdır. Esbak Amasya müftüsü mevâlî-i devriyeden Sandukîzâde Abdülcelil
Efendi’nin mahdûmudur. 1043’de pederinin irtihâlinde sipâhi Meşâhîrinden olup Revân ve
Bağdad muhârebâtında isbât-ı liyakât ederek Amasya kethüdâ-yeri ve 1055 senesi
muharreminde Amasya mütesellimi oldu. Ancak mîr-livâ Ebûbekir Bey’in taşkın hareketi
yüzünden [69] sene-i mezbûre şevvâlinde her ikisi de azl ve habs edildi. 1056 senesi evâilinde
Sefer Ağa’nın kefâletiyle Amasya kalesi zindanından tahliye ve itlâk edildi.
Ba’dehû yapılan tahkîkâtda berâeti anlaşılmakla bir müddet ma’zûl kaldı. Ba’dehû Sivas
vilâyeti hazinedârı olup 1062 senesi şevvâlinde Sultân Bâyezîd evkâfına mütevellî ve 1063
senesi zilka’desinde mutassarıf Hasan Paşa tarafından sânîyen Amasya mütesellimi oldu.
1064 senesi saferinde mutasarrıfın tahvil-i memûriyet etmesine binâen tevliyette kaldı.
Ba’dehû İbşîr Paşa’nın sadâretinde kethüdâsı Amasyalı Sâlih Ağa’nın sâye-i ikbâlinde Sivas
Vali kâ’im-makâmı olup 1065 senesi evâhirinde ma’zûlen Amasya’ya geldi.
1067’de Ankebût Ahmed Paşa’nın kethüdâsı olup müşârün-ileyhin sadâret kâ’im-
makâmlığında nüfûz ve ikbâle erdi. Müşârün-ileyhin azlinde bir müddet menkûb olup 1074
senesi muharreminde Vanlı Mehmed Paşa tarafından üçüncü defa Amasya mütesellimi
oldu.[70]

11 Evlâdına ait “Ferâşet Defteri”nde görüldü.

19
29