Page 279 - 6-8

Amasya Tarihi Cilt: 7
Amasya Tarihi 6-8. Cilt Hüseyin Hüsâmeddîn YASAR

sene-i mezbûre ramazânında efendisinin azliyle Bursa’ya i’zâmında refîki olup yıllarca açıkta
kaldı.
1122’de Köprülüzâde Numan Paşa’nın sadâretinde Akkirman kadısı olup 1124’de
ma’zûlen İstanbul’a geldi. 1125 senesi rebîülâhirinde Sadr-ı a’zam olan Pazarköylü Şehîd Ali
Paşa’ya takdîm eylediği kasîdesi takdîr edilerek fazlına münâsib bir mansıb arandığı esnâda
paşa tevhîm edildiğinden câize ve kazâ ile geçiştirildi.
1128’de Nevşehirli Dâmâd İbrâhim Paşa’nın vezâretinde bir daha tecrübe-i tâli’ ederek
takdîm etdiği kasîde-i tebrîkiyyesi üzerine mazhar-ı ihsân ve sadâretinde kitâbçısı ve nedîm-i
hâssı oldu. Beş yıl kadar Sadr-ı müşârün-ileyhin meclis-i safâsında müreffeh bir hayât geçirdi.
1134’de vefât etdi.
Âlim, kâmil, şâir, mahlası gibi edîb, fünûn-ı edebiyyede mâhir, münşî, halûk, halîm, bir
seyyid-i kerîm idi. Mükemmel dîvân-ı şiiri vardır. Kıyâm-ı askerî vak’asında [48] zî-medhâl
olduğu ba’zı a’dâsı tarafından işâ’a edilmeseydi, ilim ve fazlına münâsip mansıplara nâil
olurdu.
Nuût-ı Nebeviyye’sinden:
Esâs-ı şer’ini bânî-i kudret öyle yapmış kim
Zafer bulmaz ana dest-i fenâ gâyetde muhkemdir

Hıred kufl-i der-i ahkâmını feth etmeden âciz
Hakîm-i Mutlak’ın sun’uyla bir genc-i mutalsamdır

Şunlar da eş’ârındandır:
Teshîr iden ol yâri duâ-yı sihirimdir
Germ ülfet eden sohbet-i sahbâ eserimdir
Yine ondan:
Aşkın ki gül-i bağ-ı dile şûle perimdir
Ârâyiş-i destâr-ı cünûn pûş-i serimdir

Şu gazel de onundur:
Aç sîneni âyîne-i billûr görünsün
Nahl-i Cebel-i Tûr’daki nûr görünsün

Bir âyine-i hüsne mukâbil ola gördüm
Matem-kede-i dehr-i denî sûr görünsün [49]

Bir dilber-i bî-misle yer et kâh-ı dilinde
Ne sûret-i vildân ve ne hod hûr görünsün

Sâki bizi kim sagâr ile mest edemezsin
Hurşîd-sıfât kâse-i fağfûr görünsün

Ol mertebe nûş et mey-i nâbı ki Edîbâ
Şîrân-ı kavî kalb-i cihân mûr görünsün.

Edîb Mehmed Efendi-Şeyh Alizâde es-Seyyid
Amasyalıdır. Amasya müverrihi müderris Abdî Efendi ahfâdından ve şu’arâdan es-
Seyyid el-Hâc Ahmed Rüşdi Efendi bin es-Seyyid eş-Şeyh Ali Efendi bin müderris Abdî
Efendi’nin mahdûmudur. Amasya fuzalâsından Iydîzâde el-Hâc Mustafa Akif Efendi’den
tahsîl-i maârif edib İstanbul’a gitdi.

278