Page 416 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

Berekât Şâh Bey-Sûlîoğlu
Meşâhîr-i ümerâdan Şemseddîn Mehmed Bey bin Tur Alî Bey bin Emîr el-Hâc Zeyneddîn Velî
Bey bin Berekât Şâh bin Sûlî Bey’in mahdûmudur. Ceddi Tur Alî Bey, Kunduzoğlu Emîr Celâleddîn
Şâh Melek vak’âsında vefât etdi.
Pederinin intikâlinde Havza emîri olup sonra Sultân Taceddîn Altunbaş Gâzi Çelebi
meydâna çıkdı. Onun tarafdârı oldu. Müşârün-ileyhin ikinci defaki cülûsunda nüfûz ve i’tibârı
artıp 746 hudûdunda vefât etdi. Mahdûmu Alâeddîn Alî Bey ve birâderi Şücâ’addîn Süleyman
Bey ümerâdandır.

Burhâneddîn Mehmed Ziyârî
Amasya’nın Ziyâre Mahallesi’nden Alî bin Şâhin mahdûmudur. Fuzalâ-yı asrından
telemmüz ve tahsîl-i ulûm ederek ders-i âm [508] ve müderris-i be-nâm oldu. Ulemâ arasında
Mevlânâ veled-i Şâhin demekle iştihâr etdi. 699’da Pervâne Bey vakfiyesine şâhid ve ba’dehû
Amasya kudâtına nâib görüldü. 718 hudûdunda vefât etdi. Kibâr-ı kudât ve ulemâdan idi.

Burhâneddîn Ahmed Çelebi-Gümüşlüzâde
Amasya ümerâsından Sirâceddîn İsmâ’îl bin Emînüddîn Yûnus el-Müstevfî
mahdûmudur. Sivas emîri Çobanzâde Timurtaş Bey’in teveccühâtını kazanıp Samsun emîri
oldu. 727’de Timurtaş’ın Mısır’a firârında ma’zûl oldu.
731’de sâniyen Samsun emîri olup Emîrü’s-sevâhil unvânını aldı. Ancak Sivas emîri
Eretnâ Bey’e muhâlefet eylediğinden 739 hudûdunda Hâbiloğlu Tûlî Hân Bey ansızın hucûm
ederek mağlûben Amasya’ya geldi. Ba’dehû vefât etdi. Mahdûmu Sirâceddîn Mehmed Bey’dir.

Burhâneddîn Ahmed Çelebi-es-Seyyid Veliyyullâh el-Lâdikî
Lâdiklidir. Orada medfûn sâhibü’l-hâl es-Seyyid Ahmed-i Kebîrü’r-Rifâ’î evlâd-ı
kirâmından es-Seyyid Muhyiddîn Mehmed Çelebi bin es-Seyyid Alâeddîn Alî Çelebi bin es-
Seyyid Ahmed-i Kebîrü’r-Rifâ’î mahdûmudur. [509] Amasya’da tahsîl-i ulûm edib 783’de
Hacı Şâdgeldi Paşa’nın maktûlen vefâtı vak’asında Irâk’a gitdi.
Bağdâd’da ikmâl-i tahsîl edib seyâhate çıkdı. Basra, Şam, Kudüs, Hicâz, Haleb
vilâyetlerini gezib Kayseriyye’de ikâmet edib es-Seyyid eş-Şeyh Zeynelâbidîn Çelebi
Zâviyesi’ne yerleşti. Müşârün-ileyhin kerîmesini tezevvüc ederek halîfesi ve dâmâdı oldu.
815’de şeyh-i müşârün-ileyhin vefâtına binâen zâviyesi şeyhi olup yirmi dört yıl kadar
icrâ-yı meşîhat, halka va’z ü nasîhat ederek müreffeh bir hayât geçirdi. 839’da vefât edib kayın
pederinin yanına defnedildi. Âlim, kâmil, zâhid, müteşerri’, mazınne-i kerâmet, sütûde-sîret bir
zât idi. Evlâdı Kayseriyye’de devam edib bunlardan Medîne-i Münevvere müftüsü es-Seyyid
Es’ad Ahmed Efendi bunun sülâlesi ve evlâdı hakkında “el-Müselselât” adlı bir kitâb-ı matbu’
te’lîf etdi.

Burhâneddîn Ahmed Çelebi-Sofuzâde
Amasyalıdır. Mu’allim-i Sultânî Niğdelizâde Sofu Bâyezîd Çelebizâde Mahmûd Çelebi
mahdûmudur. Edirne’de tahsîl-i ulûm [510] edib ders-i âm oldu. Ba’dehû Üç Şerefeli müderrisi
olup yıllarca ders okuttu. 861’de Sultân Bâyezîd-i Sânîye mu’allim olarak Amasya’ya beraber
geldi.
Bir taraftan müşârün-ileyhe edebiyât-ı Arabiyyeyi ta’lîm ve diğer taraftan talebe-i ulûma
ulûm-i’âliyye tedrîs ederek Rahmâniyye müderrisi olup 880’de vefât etdi. Fâzıl, müteşerri’,
edîb bir zât-ı muhterem idi.

Burhâneddîn Mehmed Çelebi-Burhân Ata
Amasya’nın Efte köyünde medfûn eş-Şeyh Bâyezîd Ata’nın mahdûmudur. Amasya’da
Pîr Sun’ullâh Halvetî hizmetinde ulûm-i şer’iyye ve me’ârif-i sûfiyyeyi ahz edib pederinin

415