Page 515 - 6-8

Amasya Tarihi Cilt: 8
Amasya Tarihi 6-8. Cilt Hüseyin Hüsâmeddîn YASAR

Ca’fer Paşa-Silahdârzâde
Bu da Hakâlalıdır. Mezkûr Yûsuf Ağazâde Alî Ağa’nın mahdûmudur. Bu da sipâhî
meşâhîrinden olup 1062’de Amasya kethüdâyeri, 1064’de Nasûhzâde Hasan Paşa’nın
ma’iyyetinde silahlar ağası oldu. [121]
1069 recebinde paşasının irtihâlinde Köprülüzâde Fâzıl Ahmed Paşa’nın dâ’iresine girdi.
Müşârün-ileyhin sadâretinde ağalarından olup 1085’de Sivas vilâyeti kal’alarını teftîşe me’mûr
oldu. Hâtuniyye mahallesinde pederinden mevrûs olan hânesine geldi.
İki yılda vazîfe-i teftîş u tahkîkâtını ikmâl ederek İstanbul’a avdetinde Köprülüzâde’nin
irtihâli vukû’una binâ’en sadr-ı a’zam olan Kara Mustafa Paşa’nın dâ’iresine girip ağalarından
oldu. 1093 senesi zilhiccesinde Kars Beylerbeyi 1094’de Erzurum vâlîsi olarak Viyana harbine
gitdi. Viyana önünde şehîden vefât etdi. Mahdûmu Mehmed Bey’dir.

Ca’fer Ağa-Zanalı
Amasya civârında kâ’in Zana köyünden olup 1093’de vefât eden Velî Ağa bin Ca’fer’in
oğludur. “Kara Ca’feroğlu” demekle ma’rûf olup pederinin intikâlinde Amasya’ya gelip ikâmet
ederek sipâhî oldu.
Bir müddet Amasya a’yânından Mumcuzâde Seyyid Ahmed Paşa’nın [122]ağalığında
hâdim-i nüfûzu ve paşalığında mu’în-i ikbâli olarak iştihâr etdi. Bu esnâda Zana’nın a’yân-ı
züamâsından Mirza Bey’in kerîmesini alıp 1097’de kethüdâyeri oldu.
Kendisinin halefi olan Kâdızâde Küçük Mehmed Ağa’nın İstanbul’da nüfûz u
şöhretinden istifâde etmek üzere tarafdârı olduysa da 1099 senesi muharreminde mûmâileyhin
i’dâmında kaçıp Amasya’ya geldi. Seyyid Ahmed Paşa’nın dâ’iresine girdi.
1103’de mûmâileyhin i’dâmı üzerine bir müddet Amasya’da ikâmet etdi. Amcazâdesi
ulemâdan Zanalı es-Seyyid el-Hâc Ahmed Efendi’ye dâmâd olup 1109’da Rûmeli harbine gitdi.
Avdette İstanbul’da kalıp dârü’s-sa’âde ağası Nezîr Ağa’ya intisâb etdi. Bu sâyede Foça
voyvodası olup İzmir’e gitdi.
1116’da ma’zûlen İstanbula gelip mîrâhûr Antalyalı Osmân Ağa’ya intisâb ederek
kethüdâsı oldu. 1123 zilka’desinde bu ağası da i’dâm edildiğinden 1124’de İstanbul kâ’im-
makâmı Amasyalı el-Hâc Ahmed Paşa’nın himmetiyle sânîyen [123]Foça’nın voyvodası olup
gitdi.
Orada beş yıl kadar kazâ kâ’im-makâmı olduğu hâlde 1129 senesi evâhirinde vefât etdi.
İbtidâki zevcesinden oğulları Mirza Alî Paşa ile Zülfikâr Ağa’dır. İkinci zevcesinden mahdûmu
sadr-ı esbak es-Seyyid el-Hâc Ahmed Paşa ve dâmâdı da Telhisîzâde Ahmed Ağa’dır.

Ca’fer Ağa-Telhisîzâde es-Seyyid el-Hâc
Amasyalıdır. Telhisî-i sadâret Amasyalı Mehmed Ağa’nın mahdûmudur. Vâlidesi
tarafından Sâdât-ı Hüseyniyyeden olup kardaşı dergâh-ı âlî kapıcı-başılarından el-Hâc Mustafa
Ağa’dır. Birâderi Amasya mütesellimi oldukta nüfûz u i’tibârı artıp a’yân u hâciyân
meclislerine a’zâ oldu. 1141 sâlinden sonra vefât etdi. A’yân-ı sâdâtdan idi.

Ca’fer Ağa-Mütevellîzâde
Amasyalıdır. Pervâne Bey vakfı mütevellîsi olup 1119’da vefât eden Mustafa Çelebi bin
Alî Çelebi bin Ca’fer Çelebi mahdûmudur. Dergâh-ı âlî çavuşânından olup yıllarca hidemât-ı
mîrîyede istihdâm edilerek 1148’de [124]çavuşlar kethüdâsı görüldü. Ba’dehû vefât etdi.
Mahdûmu dergâh-ı âlî çavuşânından Mustafa Ağa’dır.

Ca’fer Efendi-Mü’ezzinzâde
Amasya’da Sultân Bâyezîd câmii mü’ezzinlerinden Alî Çelebi mahdûmudur. Fuzalâdan
Amasya müftüsü Mütevellîzâde el-Hâc Ahmed Efendi’den ikmâl-i tahsîl edib ders-i âm ve

509
514