Page 511 - 6-8

Amasya Tarihi Cilt: 8
Amasya Tarihi 6-8. Cilt Hüseyin Hüsâmeddîn YASAR

Bu da:
Ey hat-ı ruhsâr yâr od eyledi yirin senin
Böyle günden âşikâr oldıgı tezvîrin senin

Bu da:
Gün yüzünde zülfüni ol meh girih-gîr eylemiş
Bir gümüş kandile gûyâ misk-i zencîr eylemiş.

Bu da:
Öldürürsen bugün öldür beni yârına koma
Ki benim irecegim yârına Allah bilir. [109]

Bu da onundur:
Delürdüm derd-i aşkınla saçın zincîri hakkımdur
Habîbim kimsenin hakkın koma boynunda yazıkdur

Bu da:
Hâne-i dil ey meh-i enver ki câyındır senin
Sen şeh-i âlemsin ol sırça sarâyındır senin

Bu da:
Saklarım sînemde mihrin odı söndürmez beni
Âteş-i sûzân-ı hicrinle yanub olsam da kül

Bu da:
Söylemek kasd itdügümce yâre derd-i hasretim
Ağlamak tutar beni güftâre kalmaz kudretim

Kapuna itüb götürdi ben gubârı hâkdan
Vardur[ur] yerden göğe bâd-ı sabâya minnetim

Sultân Bâyezîd’e takdîm etdiği “benevşe” redifli kasîdesinin gîriz-gâhı şudur:
Tutan bir ulu dâmenin olamaz diyü mahrûm
Elden komadı dâmen-i kühsârı benefşe [110]

Ca’fer Çelebi’nin Bâlî İbrâhim Çelebi nâmında gâyet güzel ve şâir bir mahdûmu
ma’rûfdur. Birâderi meşâhîr-i fuzalâ vü şu’arâdan Sa’dî Çelebi ile diger birâderi İsmâ’îl Bey
meşhûr olup hemşîrezâdesi Hacı Enbiyâzâde Mehmed Çelebi de ricâldendir.

Ca’fer Çelebi-Emîr Hüseynî
Amasyalıdır. Kâdı Burhân devri ricâlinden Seydî Hüsâm evlâd-ı kirâmından es-Seyyid
Ahmed bin es-Seyyid Abdulkerîm bin es-Seyyid Abdulkâdir bin Seydî Hüsâmeddîn Hüseyin
el-Fergânî el-Kubâvî mahdûmudur. Hazreti Hüseyin bin Alî bin Ebi Talib’e kadar nesebi
aşağıda pederinin amcası es-Seyyid Hüsâmeddîn Hüseyin Kubâvî tercemesinde gelir.
Seydî Hüsâmzâdelikle meşhûr olan Emîr Ca’fer Çelebi yedi emîrlerden biridir.
Amasya’da Koca Emîr İbrâhim Efendi’den tahsîl-i ulûm edib vâlî Şehzâde Sultân Ahmed
mukarreblerinden ve Mîr Gıyâseddîn Şîrâzî musâhiblerinden oldu.
918’de Sultân Selîm Han’ın cülûsu ve Sultân Ahmed’in i’dâmı üzerine gözden düşüp
923’de Mîr Gıyâs’ın kazâ’en fevtinde bir müddet menkûb oldu. 927’de nakîbü’l-eşrâf
[111]Amasyalı Emîrî Mahmûd Çelebi’nin mu’ârefesiyle Amasya nakîbü’l-eşrâf kâ’im-makâmı
oldu.

505
510