Page 203 - 6-8

Amasya Tarihi Cilt: 10
Amasya Tarihi 9-12. Cilt Hüseyin Hüsâmeddîn YASAR

Receb Efendi-Ahî Recebzâde
Müşârün-ileyh Ahî Recebzâde Şa’bân Çelebi mahdûmudur. Amasya ulemâsından tahsîl-
i ulûm ederek silk-i kudâta [36] girip bilâd u kasabâta kadı oldu. 945 sâlinden sonra vefât etdi.
Birâderi Ramazân Efendi de kudâtdan idi.
Diğer kudâtdan Hâbilzâde Receb Efendi bin Şa’bân Çelebi de kudâtdan idi. Bunun
mahdûmları mevâliden Hâbil Efendi ile beylerbeyi Şa’bân Paşa’dır. Diğer kudâtdan Kâdı
Tâceddîn İbrâhim Efendizâde Receb Efendi olup bunlar 990 sâline doğru vefât etdiler.

Receb Efendi-Hacı Bayramzâde
Amasyalıdır. Yukarıda tercemesi yazılan Ahî Recebzâde el-Hâc Bayram Efendi bin
Ramazân Çelebi bin Şa’bân Çelebi bin Ahî Receb Kazâbâdî mahdûmudur. Amasya’da ikmâl-i
tahsîl edib ders-i âm oldu.
Bir müddet tedrîs-i ulûm etdikten sonra İstanbul’a gidip Semiz Ahmed Paşa’ya intisâb
ederek müşârün-ileyhe mu’allim ve Kara Çelebi Efendi’den mülâzım olup 981’de Tûtî Latîf
Medresesine müderris oldu. [37]
Ba’dehû buradan infisâl etdikte 983’de Edirne’de Şeyhî Çelebi Medresesi müderrisi olup
886 senesi ramazânında Rodos müftüsü ve orada kâ’in Süleymaniye müderrisi oldu. 988 senesi
rebîülevvelinde Ahmed Paşa’nın vefâtından sonra sene-i mezbûre Şa’bânında azl edildi.
İstanbul’a vusûlünde tekâ’üd vazîfesi verilip 990 hudûdunda vefât etdi. Âlim, sâlih, emîn,
bir pîr-i muhterem idi. Sadr-ı esbak Kara Ahmed Paşa’nın da mu’allimi ve irtihâlinde vasiyy-i
muhtârı olup Topkapı’da kâ’in câmi-i şerîfi ve medresesi binâsına nezâret etmişdi. Mahdûmu
mevâliden Mehmed Efendi’dir.

Receb Efendi-Bedreddînzâde el-Hâc
Merzifonludur. Re’îsü’l-küttâb-ı Sultânî Ahmed bin Ahî Toy el-Merzifonî evlâdından
Halîl Çelebi bin İbrâhim Çelebi mahdûmudur. Amasya’da Müfessir Ahmed ve Şeyhü’l-harem
el-Hâc Sinan Efendilerden ikmâl-i tahsîl edib İstanbul’a gitdi.
Orada Kâdızâde Ahmed Şemseddîn Efendi’den mülâzım [38] olup Sultâniyye-i Merzifon
müderrisi olarak avdet etdi. Bir müddet ders-i âm olup tedrîs-i ulûma devâm eyledi. Ba’dehû
Merzifon müftüsü ve buradan mevleviyyetle ba’zı bilâda kadı olup 1027 sâlinden sonra vefât
etdi.
Âlim, kâmil, fakîh, usûl-ı şer’e vâkıf idi. Mahdûmları Musliheddîn Mustafa, Muhyiddîn
Mehmed, Tâceddîn İbrâhim Efendilerdir. Musliheddîn Efendi sudûr-ı ilmiyyedendir. Kara
Muhyiddîn Efendi Amasya ulemâsından ve Tâceddîn İbrâhim Efendi Merzifon
müderrislerinden idiler. Bunun mahdûmu el-Hâc Mehmed Efendi kibâr-ı ulemâdan idi.
Bunlara “Recebzâdeler” dendi.

Recep Ağa-Kapıcı
Amasyalı Hasan Ağa’nın oğludur. Köprülüzâde Fâzıl Ahmed Paşa dâ’iresinde tefeyyüz
ederek dergâh-ı âlî kapıcılarından iken sadâret kapıcıları kethüdâsı ve ba’dehû dergâh-ı âlî
kapucıbaşılarından olup İsakçı’da mübâya’acı iken 1085’de vefât etdi. Tahsîlât-ı mâliye
defterinde mezkûr olduğu üzere mahdûmları Ahmed Efendi ile Mehmed [39] Ağa’dır. Bunun
oğulları Receb, Ahmed Paşalardır. Hacı Ahmed Paşa vüzerâdandır. Bunlara “Kapıcı-oğulları”
dendi.

Receb Efendi-Hacı Hatîb
Amasyalıdır. Ba’de’t-tahsîl ders-i âm ve Yörgüc Paşa câmi-i şerîfine hatîb ü imâm olup
kırk yıl kadar îfâ-yı vazîfe ederek tedrîs-i ulûm etdi. Ba’dehû 1087 senesi cumadelâhiresinin

196
202