Page 239 - 6-8

Amasya Tarihi Cilt: 10
Amasya Tarihi 9-12. Cilt Hüseyin Hüsâmeddîn YASAR

Vakfiyesi şuhûdundan biri emîr-i meşhûr Kunduzoğlu Celâleddîn Şâh Melik’dir. Türbesi
ziyâret-gâh idi. Mahdûmu Tur Ali Bey ve hafîdi Mehmed Bey bin Tur Ali Bey’dir. Bunun
mahdûmları Berekât, Süleyman Beylerdir. Berekâtoğlu Emîr Alâeddîn Ali Bey 768’de bu vakfa
mütevellî idi.

Zeynelâbidîn Çelebi-Seyyid Yahyâzâde
Hakalalıdır. Amasya civârında Hakala nâhiyesinde kâ’in zâviye-i Rifâ’iyye şeyhi es-
Seyyid Hâşim Çelebi bin es-Seyyid [159] Yahyâ Çelebi bin sâhibü’l-hâl es-Seyyid Ahmed el-
Kebîr er-Rifâ’î mahdûmudur. Pederinin hayâtında Amasya ulemâsından ulûm-ı şer’iyye ve
edebiyyeyi ahz edib Hakala’da neşre çalışdı. Pederinin vefâtında ceddi Seyyid Yahyâ’nın
zâviyesi şeyhi ve vakfı mütevellîsi olup fevka’l-âde iştihâr etdi.
Çelebi Sultân Mehmed Hân devrinde ammizâdesi es-Seyyid eş-Şeyh Hüsâmeddîn er-
Rifâ’înin vefâtından sonra Amasya’da ikâmet ve zâviye-i Hüsâmiyyeyi ihyâ ederek 826’da
vefât etdi. Hakala’da ceddinin türbesi civârında medfûndur. Ulemâ ve sulehâdan bir şeyh-i be-
79
nâm idi. Mahdûmu es-Seyyid Abdülkerîm Çelebi’dir.

Zeynelâbidîn Ali Çelebi -Kâsımzâde, es-Seyyid, Ahmedî
Lâdik kurbunda Ahmedsarây nâhiyesinde medfûn olan es-Seyyid Sadreddîn Kâsım er-
Rifâ’î evlâdından es-Seyyid Abdurrahîm Çelebi bin es-Seyyid İzzeddîn Hasan Çelebi bin es-
Seyyid Sadreddîn Kâsım bin Sâhibü’l-hâl es-Seyyid Ahmed el-Kebîr er-Rifâ’î mahdûmudur.
Ahmedsarây’da doğdu. Amasya’da tahsîl-i ulûm [160] edib avdet ederek pederinin
irtihâlinde Ahmedsarây’da Seyyid Kâsım Zâviyesi şeyhi oldu. Ahvâl ü etvâr-ı zâhidânesi
Amasya’da vâlî olan Sultân Bâyezîd-i Sânî’nin ma’lûmu oldukta celb ü ikrâm etdi.
Ahmedsarây’ı fevka’l-âde şenlendirip 879 senesi saferinde vefât etdi. Meşâyih-i
Rifâ’iyyenin sulehâsından ve ulemâsından, zâhid, halûk, mükerrem, edîb, şâir olup “Ahmedî”
demekle meşhûr idi. Mahdûm-ı yegânesi es-Seyyid Yahyâ Çelebi yerine kâ’im olup 895 senesi
evâsıt-ı şevvâlinde vefât etdi. Pederinin yanında medfûndur.
Bunun oğulları es-Seyyid Tâceddîn, Muhyiddîn, Sâlih Çelebilerdir. Es-Seyyid Tâceddîn
Çelebi pederinden bir kaç yıl sonra vefât etdi. Es-Seyyid Muhyiddîn Mehmed Çelebi, Lâdik’te
ikâmet edib mahdûmu Seyyid Hân Çelebi’dir. Es-Seyyid Sâlih Çelebi de Hakala’ya gelip
ikâmet etdi. Bunun mahdûmu es-Seyyid Yahyâ Çelebi’dir. Bunun hâfîdi fâzıl-ı meşhûr es-
Seyyid Muhyiddîn Mehmed Efendi bin es-Seyyid Sâlih bin es-Seyyid Yahyâ Çelebi’dir. [161]

Zeynelâbidîn Ali Çelebi-Ümm-i Veledzâde
Amasyalıdır. “Ümm-i Veled” demekle meşhûr Hüsâmeddîn Hüseyin bin Hasan bin
Hâmid-i Tebrîzî mahdûmudur. Amasya bağları üstünde İltekin kasabasında doğdu. Bir müddet
Amasya’da tahsîl-i ulûm edib sonra İstanbul’a gitdi. Orada ikmâl-i tahsîl etdi.
Ba’dehû Amasya’ya avdet ve İltekin kasabasında ikâmet ederek orada tedrîs-i ulûm etdiği
esnâda ilm ü nücûma dâ’ir “El-kâsidetü’l-Garrâ fî Harekâti’s-Semâvâti Turrâ” risâle-i
manzûmesini te’lîf ve 882’de Sultân Fâtih’e takdîm ederek Amasya’da Hüsâmiyye
müderrisliğine nâ’il oldu.
886’da Sultân Bâyezîd-i Sânî tahta cülûs etdikte şehzâdesi olan Amasya vâlîsi Sultân
Ahmed’e takarrüb edib 890’da Yörgüç Paşa müderrisi ve 896’da sünnet düğünü vak’asında
Çorumlu kadısı olup Amasya’dan kaldırıldı.
903’de yine Amasya’ya gelip Şehzâde Sultân Ahmed’in himâyesine dehâlet etdi. Bir
müddet de Mehmed Paşa müderrisi [162] ba’dehû bilâd-ı muhtelife kadısı olup 921’de vefât

79 Bunun evlâdından İstanbul’da Pîrî Mehmed Paşa‘nın Zeyrek’te binâ eylediği zâviyesi şeyhi es-Seyyid
Nûreddîn Yahyâ Efendi bin es-Seyyid Hâşim bin es-Seyyid Abdülkerîm Çelebî meşâhir-i meşâyihten bir zât-ı
şerîf idi.

232
238