Page 565 - 6-8

Amasya Tarihi Cilt: 12
Amasya Tarihi 9-12. Cilt Hüseyin Hüsâmeddîn YASAR

Şeyhî Mehmed Efendi “Zeyl-i Zeyl-i Şakâyık”da diyor ki: “Molla-yı müşârun ileyh
Esbağallâhû ni’amehû aleyh mehâsin-i ahlâk ile meşhûr ve nâm-ı girâmîsi hayr ile mezkûr,
hisse-mend-i mantûk ü mefhûm, mültefet-i kibâr-ı me’âlî-rüsûm, âlî-himmet ü zî-şân, kâm-bahş
ü kâmrânî, nik-nefs ü sâfi-fü’âd-ı mu’anven ve pâk-i’tikâd idi. Vâlideleri merhûm cennet-
mekân Sultân Mehmed Hân-ı Râbi’ devletinden sarây-ı hümâyûnda kâbilelik hizmetiyle
müşerref olmağın Ebezâde Efendi demekle meşhûr olmuşlardı”.
Âsâr-ı hayriyyesinden pederinin zamân-ı tahsîlinde ikâmet ettiği Soğukkuyu Pîrî Paşa
Medresesi’ni ta’mîr ve ba’zı mesârif ve vezâ’if ta’yîn etmişdir. Mahdûmları [30] Mehmed
Refî’, Musliheddîn Mustafa, Sa’dullâh Efendiler ve dâmâdları da Ak Mahmûd Efendizâde es-
Seyyid Mehmed Zeynelâbidîn Efendi ile Abdurrahmân Efendi’dir. Birâderi de mevâlîden
Hüseyin Efendi’dir. Amcası olan Abdullah Efendi de yukarıda yazıldı.

Abdullah Efendi-Efteli
Amasya’nın cenûbunda kâ’in Efte köyünden Alî’nin oğludur. Amasya’da Sultân Bâyezîd
Medresesi’nde ikâmet ve Hızır Efendi dâmâdı Osmân Efendi’nin halka-i tedrîsine mülâzemet
vesâ’ir ulemâdan ahz-ı ulûma himmet ederek mücâz ve ders-i âm oldu.
Ba’dehû Havza’da Fîrûz Ağa Medresesi müderrisi olup Amasya’da tedrîs-i ulûm etdi. Bir
müddet Hızır Paşa ve ba’dehû Yörgüç Paşa medreselerine müderris olup 1127 senesi
zilhiccesinde vefât etdi. Âlim, vâ’iz, ders-i âm-ı meşhûr idi.

Abdullah Bey-Bekir Beyzâde
Amasya a’yânından Osmân Bey bin Ebûbekir Bey mahdûmudur. Züamâdan olup
muhârebelerde ibrâz-ı şecâ’at ettiğinden alaybeyi ve mîrlivâ olarak sancakları devretti. Bozok
sancâğı beyi iken Mora Harbi’ne gidip yaralandı. [31] 1131’de vefât etdi. Mahdûmu Mehmed
Bey’dir.

Abdullah EfendiMa’den Birâderi
Amasyalıdır. Merzîfonî Kara Mustafa Paşa ağalarından ve Amasya a’yânından Ma’den
Ağa bin Alî Ağa’nın kardeşidir. Amasya’da hatt ü kitâbet öğrenip İstanbul’a gitdi. 1090’da
Kara İbrâhim Paşa’nın himmetiyle rûz-nâmçe kalemine çerâğ edildi.
Burada terbiye görüp 1096’da rûz-nâmçe kalemi halîfesi olup sonra serhulefâ ve 1115
senesi recebinde bâ-rütbe-i hâcegânî rûz-nâmçeci, 1118’de sipâhîler kâtibi, 1123’de baş-
muhâsebeci oldu.
Ba’dehû menâsıb-ı devleti devrederek 1133’de sânîyen baş-muhâsebe ve 1137 senesi
saferinde Tophâne nâzırı olup 1138 senesi şevvâlinde vefât etdi. Hatt u kitâbeti güzel hisse-
mend-i ma’ârif bir zât idi. Birâderi Hacı Ma’den Ağa’’nın evlâd ü ahfâdı Amasya’dadır.

Abdullah Efendi-Karazâde
Amasya’da Abdullah Paşa Câmii ve Medresesi müderrisi şeyhü’l-kurrâ Hâfız Ömer
Efendi’nin mahdûmudur. Gençliğinde hıfz-ı Kur’ân ve tahsîl-i ilm ü irfân ederek ders-i âm [32]
ve 1124’de pederinin irtihâlinde Abdullah Paşa Câmii imâmı ve medresesi müderrisi oldu.
Ancak sanâdîd-i ulemâdan Diyarbekirli Kara İsmâîl Efendi’nin nüfûzuyla 1136’da
müderrisliği mûmâileyhe tevcîh edilmiş ve mukâbilinde Şeyh Mehmed Ağa Dârü’l-kurrâsı
şeyhi olmuştu. Vazîfeleriyle iştiğâl üzere iken 1145 hudûdunda vefât etdi. Âlim, mücevvid,
şeyhü’l-kurrâ idi.

Abdullah Efendi- İbâdzâde
Amasya ulemâsından Hâfız Mustafa Efendi bin Şükrü İbrâhim Efendi bin Abdullah
Çelebi mahdûmudur. Amasya ulemâsından ikmâl-i tahsîl edib İstanbul’a gitdi. Orada bi’l-
imtihân müderris, kadı olup devr-i bilâd ederek eşrâf-ı kudâttan olmuşdu.

562
564