Page 183 - 6-8

Amasya Tarihi Cilt: 6
Amasya Tarihi 6-8. Cilt Hüseyin Hüsâmeddîn YASAR

65
kethüdâsı olup 1095’de Paşa’nın Bağdâd’dan azlinde Bağdâd nüzul emini, sonra Basra
mütesellimi oldu.
1098’de Ömer Paşa tekrar Vali-i Bağdâd oldukta yine kapu kethüdâsı, 1101’de Halep
66
muhassılı oldu. 1103’de [582] Bağdâd vâlîsi Diyârbekirli Bazargân Ahmed Paşa’nın
vefâtında hutta-i Irakiyye’nin umûr-ı ahvâline vâkıf olduğu cihetle sene-i mezbûre şevvâlinde
rütbe-i vezâretle Bağdâd vâlîsi oldu.
1104’de Müntefik Sancağı Şeyhi Emîr Mani’ hükümete karşı serkeşâne harekâtından
dolayı te’dîbine me’mûren gidip harbde muvaffak olamadı. Avdetde buna fevkalâde merak
eylediğinden hastalanıp 1105 senesi cumâdelûlâsının beşinci günü vefât etdi. İmâm-ı azâm
kurbunda medfûndur. Müdebbir, şedidü’ş-şekîme, kerîm bir zât idi. Mahdûmları Abdulbaki,
Ömer Beylerdir.

Ahmed Efendi-Hocazâde el-Hâc
Amasya fuzalâsından Kadızâde Hâce Mehmed Efendizâde Abdullatîf Efendi’nin
mahdûmudur. Pederinden ve ceddînin tilmizi Uzun Müderris Mehmed Efendi’den ikmâl-ı
tahsîl edib ders-i âm oldu. İcâzet verdikten sonra Halfet Gâzi Müderrisi olup 1105 senesi
şevvâlinde vefât etdi.
Ulemâ ve sulehâdan idi. Mahdûmu es-Seyyid Mehmed Efendi olup bunun mahdûmu
ricâlden es-Seyyid Haşim Mehmed Efendi’dir. Meşhûr [583] Emîr Hacı Abdullatîf Çelebi
bunun birâderidir. Diğer birâderleri Halîl, İbrâhim Efendilerdir. Halîl Efendizâde es-Seyyid
Abdulganî Paşa vüzerâdan ve bunun birâderi Emîr İmâm Abdullatîf Efendi kütübhâne
sâhibidir.

Ahmed Efendi-Kadızâde
Amasya kudâtından Abdulfettâh Efendi’nin mahdûmudur. Bade’t-tahsîl hayli zaman
niyâbetlerde bulundu. Ba’dehû Amasya kassâmı olup sonra kasâbâta kadı olduğu halde 1108
sâlinden sonra vefât etdi. Ulemâdandır.
Diğer Kadızâde Ahmed Efendi bin Mustafa Efendi de kasâbât ve bilâda kadı olup 1113
hudûdunda vefât etdi. Bu da ulemâdandır. Birincisi “Ganîzâde” ve ikinci de “Hayreddînzâde”
olmalıdır.

Ahmed Ağa-Ma’denzâde
Sadr-ı esbak Merzifonî Kara Mustafa Paşa ağalarından ve Amasya eşrâfından Hacı
Mansuroğlu el-Hâc Ma’den Ağa bin Ali Ağa’nın mahdûmu olup pederinin hayatında Amasya
a’yânı sırasına girdi. [584]
1094’de Çengelli ve Çamlıbel mevki’lerinde türeyen eşkiyânın def’inde ve 1099’da
kıyâm eden emîrler vak’asında fedâkârâne hizmetler etdiğinden dergâh-ı âlî kapıcıbaşılığı ile
taltîf edildi.
1102’de açılan meclis-i a’yâna ilk re’is olup 1106’da evkâf-ı Sultânîye mütevellîsi, 1108
senesi cumâdelûlâsında Sivas vilâyeti avârız emini, 1110 gurre-i muharreminde Amasya
mütesellimi, zilka’desi gâyesinde ma’zûl oldu. 1114 senesinde vefât etdi. Meşâhîr-i a’yândan
idi. Mahdûmu el-Hâc Mehmed Ağa’dır.

Ahmed Paşa-Kadızâde
Amasyalıdır. Fethiye Mahallesi’nde Kadı Hamamı mütevellîsi Mehmed Ağa bin İbrâhim

65 Mahzen-i Evrâkda mevcûd müstakrazât-ı mâliyye defterinde “Teslîm-i Ahmed Ağa kethüdâ-yı bâb-ı Ömer
Paşa Vali-yi Bağdad ber-vech-i karz ez-hazîne-i âmire. (Ramazan -1094) 300.000 + 258.540 = 558.540
yekûn.”
66 1101 târîhli mukâta’ât defterinde “Ahmed Mehmed Amasya, muhassıl-ı Haleb” diye yazılı görüldü.

178
182