Page 332 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

ahkâm-ı şeriat-ı Ahmediyye -ala sâhibihâ efdâlü’t-tahiyye ilâ yevmi’l-kıyâm- bâkiye olmağın
amme-i ulemâ-i dîn-i mübîn -aleyhim avnü’l-mu’în- üzerlerine belki kâffe-i vükela-i fihâm -
aleyhim inâyetü’l-allâm- [222] hazerâtına husûsen kerametlü pâdişâhımız, pâdişâh-ı İslâm, -
aleyhi nusretü’s-selâm- Efendimize şeriat-ı mutahharayı tebdîl ve tahrîfden himâye ve vikâye
ilzâm-ı levâzım-ı diniyyeden olduğu zâhir ve bâhirdir.
Bidâyeten tesîs-i kavanîn-i Tanzimât-ı Hayriyye’de bade’l-yevm sâye-i merâhim-vâye-i
Hazret-i zillûlâhîde kimseye zulüm ve cevr misüllü halât vukū’u câiz olmayıp belki maksûd-i
Hazret-i Hilâfet-penâhî -aleyhi avn-i nâmütenâhî- tamîr-i bilâd ve terfîh-i ahvâl-i ibâd
kaziyyesinden ibâretdir diye tasrîh ve ol vecihle kâffe-i memâlik-i mahrûsetü’l-mesâlike neşir
ve ilân buyurulmuşken işbu madde-i mahsûsa ulemâ ve eimme ve hutabâ ve kâffe-i erkân-ı
şeâir-i İslâmiyyeye ve meşrûtiyet üzere evkâfdan vazîfe-hâr olan nice fukarâ ve zuâfaya ve
َ
eytâm ve ârâmla özr-i sarih olduğundan mâadâ; “ َ للَّ َدجاَسَمْلا َنأ َ و” 142 nazm-ı celîli mûcibince

ihtisâsı Cenâb-ı celle ve alâ hazretlerine olan cevâmi’ ve mesâcîd-i şerîfe ve emsali bikâ’-i
hayrât ve muberrâta mûcib-i teâddî olduğu celî ve âşikârdır.
-Hâtime-
Bu kadar bast ve beyândan maksûd-i acizânem -hâşâ sümme hâşâ- Cenâb-ı Efendime
ta’lim olmayıp mücerred niyâz ve istirhâmdan ibâret olup Efendimin dahi Kulzûm-i şefkat ve
merhametleri [223] tehyîc-i rabbânî ve temvîc-i samedânî birle cûş edib kemâl-i lütuf ve
keremlerinden ahvâl-i fakîrânemize merhamet ve re’fet buyurup; “اومحرت اومحرإ” 143 hadîs-i şerîfi
mâ-sadakına kasd-ı muvaffakiyetle; “ءامحرلا هدابع نم بحي الله نإ” 144 hadîs-i latîfi esrâr-ı
hafiyyesine mazhar olup; “ ريغ نم هدعب نم اهب لمع نم رزو و هرزو هيلع ناك ةئيس ةنس ملاسلإا ىف نس نم
ئيش مهرازوأ نم صقني نأ” 145 hadîs-i şerîfi vaîdinden emîn olmaları olduğu ve istirhâm-ı
fakîrânemiz zâhiren kendilerimize tahsîl-i menafî haddelerinde görünür ise de hakîkaten
hizmet-i Hazret-i bâri ve hizmet-i Cenâb-ı risâlet-penâhî -aleyhi’s-salâvâtı gayr-i mütenâhî-den
ibâret olmağın tahsîl-i rıza-i Hudâ-yı lem yezelî ve rızâ-i Cenâb-ı Peygamberî’den hâlî’
olmayacağı evveliyyât-ı bedîhiyyâttandır.
Elhamdülillâhi evvelen ve âhiren ve’s-salâtü alâ-nebiyyihî bâtınen ve zâhiren ve âlihî
tayyiben ve tâhiren ve sahbihi hafiyyen ve câhiren.
146 “ ىصاعلا هبلق الله ينل ىصاملأا ىقح ليعاسما ابلطلا مداخ ىرولا رقحا هررح
Bu risâle iki uzun sahîfeden ibâret olup birinci sahîfenin arkasında “Hâcezâde Kemâletlü
el-Hâc Abdülhalîm Efendi hazretlerine takdîm oluna…” yazılmışdır. Bu risâleyi [224] bana
lutfeden Eşref Beyefendi birâderimiz, işte bu Hacı Abdülhalîm Efendi’nin ahfâd-ı
kirâmındandır. Bu evkâfın istisnâsı, sonra âkibeti tarihimizin birinci bâbında vekâyi’ kısmında
yazılıdır.

İsmâil Bey-Selanikli
Selânik vilâyeti dâhilinde Pazargâh nâhiyesinden Ahmed mahdûmudur. Bidâyet-i
nizâmda asker olup 1261’de binbaşı, 1265’de kâim-makâm, 1276’da Anadolu ordusunda ikinci
piyade alayının mîrâlâyı olduğu halde Amasya‘ya gelip Kurtzâde Mehmed Bey’in hânesinde
misâfir iken 1277’de vefât etdi. Aşağı Pîrler civârında Kemal Paşa Türbesi ittisâlinde medfûn
ve seng-i mezârında mahkûkdur.

142 Şüphesiz mescitler, Allah’ındır.” (Cin, 72/18) (Haz.)
143 Merhamet ediniz ki, merhamet olunasınız! (Haz.)
144 Allah merhametli olan kullarını sever! (Haz.)
145 Kim İslam'da kötü bir çığır açarsa, açtığı çığırın günahı ve kendisinden sonra onunla amel edenlerin günahı,
günahlarından bir şey eksilmeden ona verilir.(Haz.)
146 Kaleme alan; insanların en hakîri; ilim talebelerinin hizmetkârı İsmâil Hakkı Amâsî –Allah isyankâr kalbini
yumuşatsın. (Haz.)

331