Page 405 - 6-8

Amasya Tarihi Cilt: 7
Amasya Tarihi 6-8. Cilt Hüseyin Hüsâmeddîn YASAR

Bâyezîd Bey-Oğuzhanlı
Amasyalıdır. Ümerâdan Yahyâ Bey bin Evliyâ Bey bin Dündâr Bey bin Oğuz Hân bin
Muhlis Paşa bin Baba İlyâs Horâsânî mahdûmudur. Sultân Murâd-ı Sânî ümerâsından olup 841
hudûdunda vefât etdi. Meşâhîr-i ümerâdan âlim, muhibb-i ulemâ ve meşâyîh bir zât idi. Künyesi
Ebu’l-Hayr olup “Sahîh-i Buhârî Kitâbı”nı Amasyalı Mevlânâ Şücâaddîn İlyâs Çelebi’ye
hediye etmişdi.

Bâyezîd Bey-Kutlu Beyzâde
Amasyalıdır. Ümerâdan Oğuz Bey bin Ahmed Şâh bin Hâce Alî Şâh bin Nûreddîn Kutlu
Bey’in mahdûmudur. Bu da [470] Sultân Murâd-ı Sânî ümerâsından olup 848’de Varna
melhame-i kübrâsında şehîden vefât etdi. Kibâr-ı ümerâdan idi. Oğulları İbrâhim, Îsâ Beylerdir.

Bâyezîd Bey-Yahşî Beyzâde
Amasyalı ümerâdan olup 804’de Timur Harbi’nde vefât eden Îsâ Bey bin Yahşî Bey’in
mahdûmu ve sadr-ı esbak Bâyezîd Paşa’nın birâderzâdesidir. Pederinin vefâtında yetîm olup
amcası Bâyezîd Paşa’nın taht-ı vesâyetinde büyüdü.
İbtidâ züamâdan olup amcasının sadâretinde ümerâdan olarak temâyüz etdi. Sultân
Murâd-ı Sânî devrinde birçok sancâklara bey olup 853 sâlinden sonra vefât etdi. Kibâr-ı
ümerâdan bir merd-i şecî’ idi.

Bâyezîd Ağa-Koca Sipâhî
Yörgüç Paşa’nın adamlarından olup sipâhî, Amasya kethüdâyeri ba’dehû Yörgüç
Paşa’nın kethüdâsı oldu. Müşârün-ileyhin irtihâlinde Sultân Mehmed Hân-ı Sânî’ye intisâb edib
855’de kapıcıbaşı oldu. 861 sâlinden sonra vefât etdi. Sarây-ı hümâyûn erkânından idi. [471]

Bâyezîd Çelebi-Mevlânâ Mu’allim
Amasyalıdır. İbrâhim’in mahdûmudur. Mukaddimât-ı ulûmu gördükten sonra Bursa’ya
gidip Molla Şemseddîn Mehmed Fenârî’den ikmâl-i tahsîl ederek orada ders-i âm, sadrazâm
Halîl Paşazâdelere mu’allim, Medrese-i Sultâniyye müderrisi oldu.
Ba’dehû Edirne’de Dârü’l-hadîs müderrisi olup fezâ’il-i ilmiyyesiyle iştihâr ederek
Edirne kadısı oldu. 855’de vazîfe-i tekâ’üd verilip tilmîzi Halîl Paşazâde İbrâhim Çelebi
kendisine halef olarak 863’de vefât etdi. Kibâr-ı ulemâdan ve mevâlîden idi. 189

Bâyezîd Çelebi-Şeyh İmâdzâde
Amasya’da meşâyih-i kirâmdan Kadızâde eş-Şeyh İmâdeddîn Ömer Çelebi bin Mûsâ
Çelebi mahdûmudur. Amasya fuzalâsından ikmâl-i tahsîl edib ders-i âm, müderris-i be-nâm
olup 865 sâlinden sonra vefât etdi. Âlim, vâ’iz idi. Mahdûmları Salâhaddîn Mûsâ, Bedreddîn
Mahmûd Çelebilerdir. [472]
Amasya a’yânından Sofuzâde Bâyezîd Çelebi bin Mahmûd Çelebi bin Sofu Bâyezîd
Çelebi ve diğer Sofuzâde Bâyezîd Çelebi bin Hüseyin Çelebi bin Sofu Bâyezîd Çelebi de bu
esnâlarda vefât etdi. Diğer Sofuzâde Bâyezîd Çelebi bin Nişâncı Salâhaddîn Mûsâ Çelebi bin
Sofu Bâyezîd Çelebi de Edirne’de meşâhîr-i ümenâdan idi.

Bâyezîd Ata-Ulubeyli
Amasyalıdır. Baba İlyâs Horasânî evlâdından Kutlu Beyzâde Sultân Çelebi bin Ulu Bey
bin Ahmed Şâh bin Hâce Alî Şâh bin Emîr Nûreddîn Kutlu Bey’in mahdûmudur. Kibâr-ı

189 Mahdûmu Edirne kadısı Mehmed Çelebî’dir.

404