Page 402 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

Bayrâm Bey-Gevüklü
Sicillât-ı mahkemeden ve muhâsebe defterinden müstebân olduğu üzere Amasya’nın
Gevük karyesi eşrâfından ve evlâd-ı Selçûkiyyeden Sultân Mes’ûd ve şehzâdesi Sultân
Altunbaş evkâfına mütevellî olan Alî Çelebi mahdûmudur.
Sipâhî olup Amasya’da oturdu. Bir müddet Geldiklânlı Alî Paşa’nın ve 1058’de İbşir
Mustafa Paşa’nın ağalarından olarak devr-i bilâd etdi. Ba’dehû mîrlivâ olup 1065’de İbşir
Paşa’nın i’dâmında Amasya’ya gelip menkûbâne ikâmet ve Selçûk evkâfına mütevellî olup
1079’da vefât etdi.[459]
Amasya eşrâfından Pîr Hüseyin Beyzâde Osmân Bey’in dâmâdı idi. Mahdûmları Osmân,
Halîl, Abdurrahmân Ağalardır. Osmân Ağa evkâf-ı Selçûkiyye mütevellîsi olup 1094’de ve
bundan sonra mütevellî olan Halîl Ağa 1101’de vefât etdi. Abdurrahmân Ağa daha evvel fevt
olup mahdûmu Abdülkerîm Ağa’dır.
Halîl Ağa’nın oğulları İsmâîl, Ahmed, Selîm Ağalar da mütevellî olup İsmâîl Ağa
1103’de ve Ahmed Ağa 1124’de ve Selîm Ağa 1134’de vefât etdi. İsmâîl Ağazâde el-Hâc
Osmân Ağa Havza voyvadası olup 1159’da orada vefât etdi. Oğulları es-Seyyid Halîl, Mehmed
Ağalardır.
Es-Seyyid Halîl Ağa, pederinin vefâtında mütevellî olup 1170’de vefâtıyla es-Seyyid
Mehmed Ağa ve 1176’da vefâtıyla mahdûmu es-Seyyid el-Hâc Osmân Ağa mütevellî oldu.
1207’de bunun vefâtıyla mahdûmu es-Seyyid el-Hâc Mehmed Ağa mütevellî olup 1246’da
vefâtıyla oğulları es-Seyyid Selîm, Osmân, Mehmed Ağalar müştereken mütevellî oldu.
Es-Seyyid Mehmed Ağa 1271’de ve Havza kazâsı müdürü [460] es-Seyyid Selîm Ağa
1273’de ve es-Seyyid Osmân Ağa 1282’de vefât etdi. Selîm Ağa’nın oğulları Mahmûd,
Mehmed Ağalar ve es-Seyyid Mehmed Ağa bin es-Seyyid Mehmed Ağa’nın oğulları Ahmed,
Selîm Ağalardır.
Bunlardan es-Seyyid el-Hâc Mahmûd Ağa birâderiyle müştereken mütevellî ve Havza
kazâsı meclis idâresi a’zâsından kerîm, hânedân bir zât olup 1316’da vefât etdi. Mahdûmları
es-Seyyid Ebûbekir, Bayrâm, Ahmed Efendiler de mütevellî olmuşlardı. Bunlara Bayrâm
Beyzâdeler dendi.

Bayrâm Alî Ağa-el-Hâc
Amasya’nın Pervâne Bey Mahallesi ahâlîsinden Osmân bin Alî mahdûmudur. Sipâhî
meşâhîrinden olup Köprülüzâde Fâzıl Ahmed Paşa’nın Ağalarından iken sadâret kapıcılar
kethüdâsı ve 1087’de sürre emîni olup Hicâz’a gitdi. Avdetinde Amasya’ya gelip 1094’de vefât
etdi. Mahdûmları Osmân Paşa ile Mehmed Ağa’dır. Bunlara ve evlâdına Bayrâm Alîzâdeler
dendi.

Bayrâm Ağa-Bayrâm Alizâde [461]
Pervâne Bey Mahallesi eşrâfından Osmân Paşa’nın kethüdâsı el-Hâc Mehmed Ağa bin
el-Hâc Bayrâm Alî Ağa’nın oğludur. Peder ve amcasının servet ü sâmânına vâris olup Meclis-
i a’yân a’zâsından olduğu hâlde 1138 sâlinden sonra vefât etdi. Mahdûmu el-Hâc İsmâîl
Efendi’dir.
Amasya ricâlinden ve Dîvân-ı Hümâyûn kâtiplerinden Bayrâm Vahdetî Efendi bin
İbrâhim Ağa’nın tercemesi aşağıda Vahdetî Bayrâm Efendi diye ve Amasya müftülüğünden
molla olan Merzifûnî Bayrâm Iydî Efendi bin Mustafa Efendi bin Şâ’ir Abdî Efendi Iydî
Bayrâm Efendi diye gelir.

Bayrâm Ağa-Ilısulu el-Hâc
Merzifon’un Ilısu köyünden Alî Ağa’nın oğludur. Zuğulu Timur Süleyman Paşa’nın,
ba’dehû birâderi Cevher Paşa’nın kethüdâsı olarak servet ü sâmân edindi. Ba’dehû Merzifon’da
ikâmet edib bir aralık Merzifon voyvadası oldu. 1176 sâlinden sonra vefât etdi. Mahdûmu

401