Page 488 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

Sevdigim aşkınla câna yâdigâr etdim seni
Hangi vâdîden bilir misin şikâr etdim seni

Bâg-ı dilde nâ-resîde gonca-i sevda idin
Gözyaşımla su virürdim gül-‘izâr etdim seni

Sünbüle te’sîr ider miydi hazân-ı iştiyâk
Neşve-i sevdâ ile ben müşk-bâr etdim seni

Servinin boynun eger miydi hayâl-i kâmetin
Yalvarub bezm-i ezelden şîve-kâr etdim seni

Da’va-i hüsn eylemezdin mihr-i âlem-tâb ile
Feyz-i aşkımla cemâli tâb-dâr etdim seni

Tâzelik bagında açıldın gül-i hoş-bû gibi
Gönlüme mecmû’a-i zevk-i bahâr etdim seni

Gözlerim Nelmî temâşâsında hûnîn olmada
Bilmedim ben mübtelâ-yı âh ü zâr etdim seni [37]

Bu gazeli vaktiyle tahmîs etmişdim. Şu kıt’a da O’nundur:
Ey dil sana kendin gibi bir yâr bulunmaz
Senden sana bir gayrisi dil-dâr bulunmaz

Meyl eyleme aldanma bu nevreslere şimdi
Hûbân-ı cihân içre vefâ-kâr bulunmaz

Eyyâm-ı ahîresinde tasavvufla pek ziyâde meşgûl olduğundan tevhîd-i Bârî hakkında
eş’ârından ba’zıları şunlardır:

Öyle mahfîsin ki sen hayrân âlemdir sana
Âleme hayretle mi hüsnün eder peydâ seni

Öyle peydâsın ki mahfilin zuhûrundur senin
Bî-nişân etmişse de âlemden istignâ seni

Bu da O’nundur:
Sensin ey cânânım idrâk eyledim cân ‘âleme
Yok yine âlemde senden gayri cânân âleme

Gözlere öyle hayâl-ârâ-yı sevdâsın ki sen
Hep seni tasvîr ider baktıkça insan âleme

Her perî-sîmâya âlem cân atar cânân diye
Sen cemâl-i pâk ile itdikçe cevlân âleme

[38] Son demlerinde “ağlasun” redifli gazelleri tekessür edib şu gazelini son görüşmede
bana vermişti:

482
487