Page 489 - 6-8

Amasya Tarihi Cilt: 8
Amasya Tarihi 6-8. Cilt Hüseyin Hüsâmeddîn YASAR

Âh dirdim bir zamân sevdâ ile cân aglasun
Kalmadı cânımda tâkat şimdi cânân aglasun

Dehr bir sâkî gibi sundu bana gam bâdesin
Hâlime baksın değil hüşyâr mestân aglasun

Zevk-i vuslatdan cüdâ mahzûn esîr-i mihnetim
Derdile bî-çâre gönlüm itsün efgân aglasun

Kerbelâ-yı gamda medhûş eyledi hayret beni
Âh mâtem-zâre düştüm gözlerim kan aglasun

Âteş-i hasretle yandım kurtuluş yok Nelmiyâ
Hâlime âgâh olan her ârif insan aglasun

Bu gazeli merhûmun yanında yüksek bir terennümle okudum. Onun hüzn ü te’ellümü,
perîşân hâli bana fevka’l-âde te’sîr etdi. Berâberce ağlaşdık. Merhûmun intihârını duyunca
ağladım. Onun lisânından o gazeli şöyle tahmîs eyledim:

Vasl içün çok ağladım yok çâre hicrân aglasun
Bir gülün uğrunda mahv oldum gülistân aglasun
[39]Yakdı sevdâ cânımı bu aşk ü irfân aglasun
Ah derdim bir zamân sevdâ ile cân aglasun
Kalmadı cânımda tâkat şimdi cânân aglasun

Lutf edib cânân bir gün sormadı üftâdesin
Vasl ile şâd itmedi bir dem bile dildâdesin
Cevrini artırdı eyvâh öldürür gamzedesin
Dehr bir sâkî gibi sundu bana gam bâdesin
Halime baksun değil hüşyâru mestân aglasun

Kalmadı cevre tahammül itmeye bir tâkatim
Ağlarım hicrân içinde geçdi ömr ü müddetim
Kendime sıklet virir her ân hayât ü râhatim
Zevk ü vaslından cüdâ mahzûn esîr-i mihnetim
Derdile bî-çâre gönlüm itsün efgân aglasın

Halka düşmen eyledi cânân içün gayret beni
Vahşet-âbâde götürdi halkdan nefret beni
İntihâra sevk iderse şaşma bu sîret beni
Kerbelâ-yı gamda medhûş eyledi hayret beni
Âh mâtem-zâre düşdüm gözlerim kan aglasun[40]

Aşk ü sevdâ ömrümün mecmû’ını itdi hebâ
Aklımı idrâkimi hüsn uğruna itdim fedâ
Sûziş ü efgânıma Asrî bile itdi bükâ
Âteş-i hasretle yandım, kurtuluş yok Nelmiya
Hâlime âgâh olan her ârif insan aglasun

483
488