Page 587 - 6-8

Amasya Tarihi Cilt: 8
Amasya Tarihi 6-8. Cilt Hüseyin Hüsâmeddîn YASAR

Hasan Çelebi-Hüsâmeddînzâde
Amasya Mevlevî-hânesi şeyhi Mevlânâ Hüsâmeddîn Çelebizâde Abdulvehhâb Çelebi
mahdûmudur. Amasya Mevlevî-hânesinde hüsn-i terbiye vü tahsîl görüp Müstencid Dede’nin
irtihâlinden sonra Amasya Mevlevî-hânesi şeyhi oldu. 855 sâline doğru vefât etdi.
Âlim, zâhid bir şeyh idi. Mahdûmları [358] kâdı-i Tokat Mahmûd Çelebi ile şu’arâdan
Şeyhî Mehmed Çelebi’dir. Bunun da mahdûmu Abdülkerîm Hâtemî Çelebi’dir.

Hasan Çelebi-Mevlânâ Hâcıoğlu
Amasyalıdır. Ulemâdan Murâd Çelebi bin Hacı Abdülkâdir Çelebi mahdûmudur.
Ulemâdan tahsîl-i ulûm ederek müderris-i be-nâm olup 860 sâlinden sonra vefât etdi. Meşâhîr-
i ulemâdan fakîh bir zât idi.
Devâtdâr Paşazâde Hasan Bey bin Ahmed Bey bin Bûrâk 863’de ve Kâsım Beyzâde
Hasan Bey de 865’de ve Aydın Beyzâde Hasan Bey de 873’de ümerâdan görülüp sonra vefât
etmişlerdir.

Hasan Şâh Çelebi-Hâce el-Hâc
Amasya’nın İlarslan nâhiyesi eşrâf ü ümerâsından ve meşâhîr-i hâcegânından Hâce
İbrâhim Çelebi bin Hasan Şâh Çelebi bin Alparslan Şâh bin Sultân Tâceddîn Altunbaş Gâzi
Çelebi bin Sultân Gıyâseddîn Mes’ûd bin Sultân İzzeddîn Keykavus-ı Selçukî mahdûmudur.
Bu da eşrâf-ı ümerâdan ve meşâhîr-i hâcegân-ı tüccârdan olup [359] sarf-ı ticâretle iştigâl
ve çiftliği hâsılâtıyla idâre-i ahvâl ederek umûr-ı siyâsiyyeden fevka’l-âde taharrüz
eylediğinden Amasya vâlîlerinin kendisine karşı hürmet ü ri’âyetlerini celb etmişdi.
İlarslan nâhiyesi Amasya hükümdârı Hacı Şâdgeldi Paşa tarafından esâsen bunun ceddi
Alparslan Şâh’a temlîk edilmişti. Bunun evlâdı tekessür etdikçe mezkûr nâhiye de inkısâma
uğramış; ba’zıları da kendi hisselerini satmış olduğundan sâhib-i tercemeye nâhiyenin yirmide
biri kadar yeri kalmışdı.
Kendisi ve pederi Gelkiras kasabasında ikâmet ve hisse-i mâlikânesini hüsn-i idâre ederek
867 senesinde vefât etdi. Gâyet kerîm, hânedân, asâlet ve necâbeti her hâlinde nümâyân, sâhib-
i hayr ü hasenât idi. Mezkûr kasabada bir mescidi vardır. Seksen yaşına varmışdı.
Oğulları Tâceddîn İbrâhim, Hayreddîn Hızır, Selîm Çelebiler’dir. Küçük mahdûmu Selîm
Bey Amasya’da vâlî bulunan Sultân Bâyezîd-i Sânînin ma’iyyet-i ümerâsından iken gâyet
hüsnâ olan kerîmesi Ayşe Hundî Hâtun’u tezevvüc [360] buyuruldu.
Hâce el-Hâc Tâceddîn Çelebizâde el-Hâc İvâz Çelebi’dir. Hayreddîn Hızır Bey,
mu’ahharan Şehzâde Sultân Abdullah lalası ve ba’dehû Trabzon Beylebeyi olan Hayreddîn
Paşa’dır. Mahdûmları Hasan Paşa ile Mehmed Bey’dir. Mehmed Beyzâde Şücâ’eddîn Paşa
ma’rûfdur.
Selîm Bey’in mahdûmları Mehmed Şâh, Kâsım Çelebiler ve kerîmezâdesi Sultân Selîm
Han’dır. Mehmed Şâhzâde Kâsım Paşa vüzerâdandır. Kâsım Çelebi, Sultân Bâyezîd-i Sânî
devrinde dîvân-ı hümâyûn kâtibi olup “Tozkoparan” demekle meşhûrdur. İstanbul’da mescidi
hazîresinde medfûndur.

Hasan Çelebi -Mevlânâ İzzeddîn Sâbıkî
Amasyalıdır. Kibâr-ı ulemâdan Osmân Çelebi bin Abdülmuhsin Çelebi bin Ahî
Sâbıkuddîn Ebûbekir mahdûmudur. Buna “Sâbıkoğlu” denmişti. Birâderi ulemâdan Hüseyin
Çelebi olup ulemâdan tahsîl-i ulûm ederek ders-i âm ve müderris-i be-nâm olup 870 sâlinden
sonra vefât etdi. Hızır Paşa vakfiyesine şâhid olan ulemâdandır. [361]

Hasan Çelebi-Memî Çelebizâde
Amasyalıdır. Hutebâdan Memî Çelebizâde Mehmed Çelebi mahdûmudur. Seydî Ahmed
Kırımî’den ahz-ı ulûm edib ders-i âm ve müderris-i be-nâm oldu. 885 sâlinden sonra vefât etdi.

581
586