Page 589 - 6-8

Amasya Tarihi Cilt: 8
Amasya Tarihi 6-8. Cilt Hüseyin Hüsâmeddîn YASAR

Hasan Çelebi-Mevlânâ İbrîzâde
Amasyalıdır. Kibâr-ı fuzalâdan Mevlânâ İbrizâde Muhyiddîn Mehmed Çelebi
mahdûmudur. Pederinden vesâ’ir ulemâ-i asrından ahz-ı ulûm edib ders-i âm oldu. Yıllarca
tedrîs-i ulûm ederek Halfet Gâzi müderrisi olarak iştihâr etdi.
Ba’dehû Sultân Bâyezîd câmi-i şerîfi hatîbi ve ba’dehû imâmı olup “Hatîb Çelebi”
demekle iştihâr ederek 915’de vefât etdi. Âlim, fâzıl, hâfız-ı Kur’ân, savt ü edâsı güzel bir
imâm-ı kâmil idi.

Hasan Efendi-Hasan Abdallu
Köprülüdür. Hasan Abdal köyünden Abdullah Çelebi bin Hasan Abdal’ın mahdûmudur.
Amasya’da meşâhîr-i ulemâdan ikmâl-i tahsîl [365] edib ders-i âm ve birkaç medreseye
sırasıyla müderris-i be-nâm olarak iştihâr etdi. 907’de tefsîr okuturken “Uyunü’t-Tefâsîr”
kitâbını yazıp sonunda imzâsını koydu.
Mu’ahharan İçerişehirde câmi-i Enderûn kürsî şeyhi olup va’z ü tezkîre hasr-ı evkât etdiği
hâlde 918 sâlinden sonra vefât etdi. Âlim, kâmil, tefsîr u hadîse vâkıf, vâ’iz-i meşhûr idi.
Mahdûmu eş-Şeyh Abdullah Efendi’dir.

Hasan Bey-Aydın Beyzâde
Amasyalıdır. Alî Bey bin Hasan Bey’in mahdûmudur. Züamadan olup sonra terakkî
ederek mîrlivâ oldu. 917’de Şâhkulu muhârebesinde sadr-ı a’zam Hâdım Alî Paşa kolunda
şehîden vefât etdi. Şüc’ân-ı ümerâdan idi.
Diğer ümerâdan Devâtdâr Paşazâde Hasan Bey bin el-Hâc Hüseyin Bey bin Hasan Bey
de Canik sancâğı beyi olup 920’de Çaldıran muhârebesinde şehîden vefât etdi. Mahdûmu el-
Hâc Ahmed Bey’dir.

Hasan Bey-Bâyezîd Paşazâde
Amasyalıdır. Mîrlivâ Îsâ Bey bin Mehmed Bey bin [366] Hamza Bey bin Bâyezîd
Paşa’nın mahdûmudur. Züamâdan olup ceddinin evkâfına mütevellî olup 918’de Sultân Selîm
Han’ın cülûsunda mîrlivâ oldu.
920’de Çaldıran muhârebesinde yararlığı görülüp 922’de Sivas sancâğı Beyi olduğu hâlde
Mısır harbine gitdi. 926’da Trabzon Beyi görüldü. Ba’dehû Erzincân sancâğı beyi olup 933’de
Celâlî harbinde vefât etdi. Mahdûmu Mehmed Bey ve birâderleri de Mehmed, Mahmûd
Beylerdir.

Hasan Efendi-Habîb-i Karamanîzâde eş-Şeyh
Amasyalıdır. Mehmed Paşa türbesi önünde medfûn olan sâbıkü’t-terceme eş-Şeyh Habîb-
i Karamânî Hazretleri’nin mahdûmudur. Kibâr-ı fuzalâdan Bahşî Halîfe’nin halka-i tedrîsinde
ikmâl-i tahsîl edib pederinin halîfesi eş-Şeyh Seydî Çelebi sohbetinde tefeyyüz etdi.
Bir müddet tedrîs-i ulûm edib sonra Mehmed Paşa câmii kürsî şeyhi ve ba’dehû Seydî
Çelebi’nin irtihâlinde Habîb-i Karamânî tekkesi şeyhi olarak fevka’l-âde iştihâr etdi. 945’de
dâr-ı kudse irtihâl eyledi. Âlim, müteşerri’, zâhid [367] ulum-ı şer’iyyede kâmil, vâ’iz, enfâs-ı
tayyibesi mü’essir bir zât idi. Mahdûmları İmâdeddîn Ömer, Muhyiddîn Mehmed Efendilerdir.

Hasan Bey-Yörgüç Paşazâde
Amasyalıdır. Eşrâftan el-Hâc Alî Bey bin Hasan Bey bin Alî Bey’in mahdûmudur.
Züamâdan iken, ümerâdan olup 927’de Alman harbine gitdi. 933’de Eşkiyâ-yı Celâliyye
muhârebâtında isbât-ı liyâkat etdi.
941’de Bağdâd harbine gidip muvaffakiyetle avdet ve sancâkları emâretle devr ederek
947 hudûdunda fevt oldu. Meşâhîr-i ümerâdan idi. Mahdûmları Mehmed, Mustafa Beylerdir.

583
588