Page 620 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

Hasan Efendi-Abdî Beyzâde el-Hâc
Amasya’nın Hacı Hamza Bey Mahallesi eşrâfından Abdî Beyzâde [469] esbak şehir
kethüdâsı el-Hâc İbrâhim Çelebi’nin mahdûmu ve Mehmed Paşa’nın yeğenidir. Amasya
ulemâsından tahsîl-i ulûm edib ders-i âm oldu. Ba’dehû Hicâz’a gidip hâciyân ve a’yân
meclislerine a’zâ olduğu hâlde 1156 hudûdunda vefât etdi. A’yân-ı ulemâdan hânedân, sahî, zî-
servet bir zât idi. Mahdûmu Akbıyık İbrâhim Efendi meşhûr-ı ulemâdandır.

Hasan Bey-Kâdızâde
Amasyalıdır. Esbak Amasya ve Rakka vâlîsi vüzerâdan Amasyalı Kâdızâde el-Hâc
Hüseyin Paşa bin Hasan Bey’in mahdûmudur. 1104 zilka’desinde pederi tarafından Amasya
mütesellimi ve ba’dehû Rakka vilâyeti mütesellimi oldu.
Pederinin vefâtında Rakka, Ruhâ’da ikâmet edib orada vâlîleri tarafından mütesellim
oldu. Ba’dehû dergâh-ı âlî kapıcıbaşılarından olup devr-i hidemât ederek bu esnâlarda vefât
etdi.
Diğer Kara Kâdızâde Hasan Bey bin Halîl Bey bin Mehmed Paşa da meşâhîr-i züamâdan
olup Sefer Ağazâde Hasan Bey bin Mehmed Paşa mu’âsırıdır. Bunlar 1157 [470] sâline doğru
vefât etdi. A’yân u züamâdan idiler.

Hasan Ağa-Kurşunluoğlu
Amasya kethüdâyeri iken 1099’da maktûlen vefât eden Kurşunlu Alî Ağa’nın oğludur.
Yeniçeri ocağına girip Prut muhârebesinde yararlığı görüldüğünden Amasya’da odabaşı,
ba’dehû Yeniçeri serdârı, Îrân muhârebâtında turnacıbaşı oldu. 1158’de vefât etdi. Oğulları Alî,
Mehmed Ağalardır.

Hasan Efendi-Nakîb es-Seyyid el-Hâc
Köprülüdür. Amasya ulemâsından tahsîl-i ulûm edib Köprü’ye avdetle ders-i âm ve
1114’de Lalacık zâviyesi meşîhati ve mâlikânesi mutasarrıfı oldu. Ba’dehû Taşanzâde Hasan
Bey câmii kürsî şeyhi, mükerreren Köprü nakîbü’l-eşrâf kâ’im-makâmı olduğu hâlde 1159
senesi zilka’desinin ikinci günü vefât etdi.
Âlim, sâlih, müteşerri’ bir seyyid-i zî-şân idi. Yirmi yıl kadar nekâbette kaldığından
“Nakîb Efendi” demekle meşhûr olmuştu. Mahdûmları es-Seyyid Mustafa, Abdullah Efendiler
[471] kendisine hayru’l-halef oldular. Es-Seyyid Mustafa Efendi 1166 recebinde ve es-Seyyid
Abdullah Efendi 1201’de vefât etdi. Es-Seyyid Mustafa Efendizâde es-Seyyid Feyzullâh Efendi
1176’da fevt oldu.
Es-Seyyid Mustafa Efendi’nin diğer mahdûmu es-Seyyid el-Hâc Ahmed Efendi vâ’iz ve
şeyh olup 1204’de vefât etdi. Bunun mahdûmları es-Seyyid Abdullah, Feyzullâh Efendiler olup
va’z ü meşîhat cihetlerine mutasarrıf oldular. Es-Seyyid Feyzullâh Efendi 1208’de fevt olup es-
Seyyid Abdullah Efendi müstakillen vâ’iz ü şeyh oldu.

Hasan Ağa-Mütevellîzâde Hâfız el-Hâc
Amasya’nın Çeribaşı Mahallesi eşrâfından el-Hâc Alî Ağa’nın oğludur. Gürcüzâde el-
Hâc İsmâ’îl ve İbrâhim Beylerin teyzezâdesi olduğu münâsebetle Torumtay vakfı tevliyeti
da’vâsında onlara müşârik ve bir müddet mütevellî oldu.
Pederinden sonra Çeribaşı câmii vakfına da mütevellî olup sonra Torumtay vakfı
tevliyetinden ferâgat etdi. 1141’de meclis-i a’yân a’zâsı olup 1142 vak’asında hizmet
eylediğinden Köprülüzâde Abdullah Paşa’nın berâ-yı tahkîk [472] Amasya’ya vürûdunda
hizmeti takdîr edilip 1145’de Tokat voyvodası ve Amasya beytü’l-mâl emîni oldu.

614
619