Page 633 - 6-8

Amasya Tarihi Cilt: 8
Amasya Tarihi 6-8. Cilt Hüseyin Hüsâmeddîn YASAR

Hasan Bey-Çuçuzâde
Amasya eşrâfından ve Eski Kethüdâ Mahallesi a’yânından Çuçu Mustafa Paşazâde el-
Hâc Halîl Bey’in mahdûmudur. Züamâdan olup 1241’de Amasya alaybeyi oldu. Asâkir-i
muntazamanın teşkîlinden sonra süvârî fırkası teşkîl edildikte 1247’de tekâ’üd edilip sonra
meclis-i idâre a’zâsı olduğu hâlde 1272’de vefât etdi.
Mahdûmu Halîl Bey de eşrâf-ı beldeden olup 1308’de vefât etdi. Mahdûmları Mehmed
Tâhir, İbrâhim Edhem, İsmâ’îl Hakkı Beylerdir. Bunlar, mûma ileyh Ethem Bey’in terceme-i
hâlinde yazıldı.
Yeğenzâde es-Seyyid Hasan Bey bin es-Seyyid el-Hâc Ahmed İzzet Bey bin Ömer Paşa
da Eski Kethüdâ Mahallesi eşrâfından olup 1273’de vefât etdi. Sâlkî Sâlihzâde el-Hâc Hasan
Efendi bin el-Hâc Mehmed Ağa da 1244 târîhinden i’tibâren meclis-i a’yân ve idâre a’zâsından
oldu. [515] Bu esnâlarda vefât etdi.

Hasan Efendi-Kürd el-Hâc
Malatyalıdır. Abdullah oğlu olup Amasya’da şeyhü’l-ulemâ’ Sipâhî Hâfız Ömer
Efendi’nin halka-i tedrîsinde ikmâl-i tahsîl etdi. Yıllarca tedrîs-i ulûm ederek ders-i âm olup
Kubartalı el-Hâc Mehmed Efendi’nin zamân-ı iftâsında müsevvid ve 1264’de meclis-i de’âvâ
a’zâsı olduğu hâlde 1273 senesi evâhirinde vefât etdi. Âlim, fakîh, müte’abbid bir zât idi.

Hasan Ağa-Türedizâde el-Hâc
Amasya’nın Sade Helkis Mahallesi eşrâfından olup 1221’de vefât eden dergâh-ı âlî
kapıcıbaşılarından el-Hâc Süleyman Ağa bin el-Hâc Alî Ağa’nın mahdûmudur. Pederinin
vefâtında nüfûz u servetine vâris olduğundan hâciyân ve a’yân meclislerine a’zâ oldu.
1248’de Tazmînât-ı harbiyye i’ânâtında mebâliğ-i azîme bezl ü takdîm ederek devletin
ve halkın teveccühâtını kazandı. 1256’da meclis-i idâre a’zâsı olup mükerreren intihâb [516]
edilerek 1278’de vefât etdi. Gâyet zî-servet, sahî, hânedân idi.
Mahdûmu Mehmed Sâdık Efendi kendisine mîrâs kalan o servet-i azîmeyi, çiftlikât ü
akarâtı sefâhet uğrunda ifnâ ederek mahallemizde bir kirâ-hânede kemâl-i zillet içinde cân
verdi. Cenâzesi i’âne ile kaldırıldı. Oğulları Yâverân-ı kitâbetten askerî kâ’im-makâmı olan
Mehmed Âdil Bey Bağdâd’da ve şehremâneti me’mûrlarından Ahmed Râsim Efendi
İstanbul’da vefât etdi.

Hasan Efendi-Mörekli el-Hâc
Amasya’nın Mörek karyesi halkından Ahmed’in mahdûmudur. 1212’de doğdu.
Amasya’da Canikli el-Hâc Mehmed, Muhaddis Zileli el-Hâc Alî Şükrü, Kubartalı el-Hâc
Mehmed ve İstanbul’da Harputî Abdurrahmân Efendiler’den ahz-ı ulûm ederek her birinden
tevârih-i muhtelifede icâzet-nâme aldı.
Ba’dehû Amasya’da ders-i âm olup 1243’de Uzun Müftüzâde es-Seyyid Sâlih Efendi bin
es-Seyyid Alî Efendi’nin mahlûlünden Mehmed Paşa medresesi müderrisi oldu. Yıllarca tedrîs-
i ulûm [517] edib talebesine icâzet verdikten sonra 1257’de Zünnun-âbâd ve ba’dehû Havza
kazâlarına nâib oldu.
Ba’dehû 1263’de müftü olan Caniklizâde Hâfız el-Hâc Mehmed Hilmî Efendi’ye
müsevvid ü emînü’l fetvâ olarak tedrîse avdet edib tefsîr ü hadîs ikrâsına başladı. Mehmed
Hilmî Efendi’nin zamân-ı uzletinde meclis-i de’âvâ ve meclis-i idâre a’zâsı olduğu hâlde 1279
senesi zilka’desinde dâr-ı bekâya irtihâl etdi.
Âlim, fâzıl, usûl-i fıkıh u kelâmda mâhir, natûk, vakûr, müteşerri’ bir zât idi. Mahdûmu
İsmâ’îl Efendi ırsen Mehmed Paşa müderrisi olduğu hâlde 1316’da vefât etdi. Ulemâ-yı
resmiyyeden idi. Bunun oğullarından Hâfız Ahmed Efendi isbât-ı liyâkatle medrese-i
mezbûreye müderris ü ders-i âm sonra mu’allim oldu.

627
632