Page 504 - 6-8

Hüseyin Hüsâmeddîn YASAR
Amasya Tarihi 6-8. Cilt Hüseyin Hüsâmeddîn YASAR

Ca’fer Çelebi-Mevlânâ Ziyâ’eddîn Ebu’l-Mekârim
Amasyalıdır. Amasya kâdı’l-kudâtı Celâleddîn Aldulvehhab bin Mevlânâ Hüsâmeddîn
Yûsuf et-Tebrîzî mahdûmudur. “Kadızâde” demekle meşhûr idi. Ulemâ-yı asrından tahsîl-i
ulûm edib 682’de a’yân-ı ulemâ ve kudâttan görüldü. Ba’dehû vefât etdi.

Ca’fer Çelebi-Pervâne Beyzâde
Mu’îneddîn Süleyman Pervâne Bey evlâdından Gıyâseddîn Mehmed Bey bin Nâsıreddîn
Ahmed Bey bin Azîzeddîn Mehmed Bey bin [87] Mu’îneddîn Süleyman Pervâne Bey’in
mahdûmudur. Amasya hükümdârı Hacı Şâdgeldi Paşa zamânı ricâl ü a’yânından olup 768
sâlinden sonra vefât etdi. Birâderi eşrâf-ı memleketten Haydar Çelebi’dir.

Ca’fer Çelebi-Memioğlu
Amasya a’yân-ı tüccârından Hâce Memi Çelebi mahdûmudur. Sultân Murâd-ı Sânî
Amasya vâlîsi iken hâcegân-ı dîvânından olup 831 sâlinden sonra vefât etdi. Ağniyâ-yı
memleketden idi.

Ca’fer Bey-İnehânzâde
Sultân Eratnâ Han evlâdından olup Kâdı Burhân’ın şerrinden Amasya’ya ilticâ eden İne
Han Bey bin Ca’fer Bey bin Sultân Eratnâ Han’ın mahdûmudur. Kayseriyye’de doğdu.
Amasya’da kendisine ze’âmet verilip Osmânlılar’a sadâkatle çalışdığından ümerâdan oldu. 842
sâline doğru vefât etdi. Mahdûmu Abdullah Bey ma’rûfdur.

Ca’fer Çelebi-Nebioğlu
Kedağra (Köprü)lıdır. Meşâhîr-i züamâdan Abdunnebî bin [88]Hasan mahdûmudur.
Amasya fuzalâsından tahsîl-i ulûm edib Kedağra’da neşr-i ulûma himmet etdi. Orada
Taşanzâde medresesi müderrisi olup tedrîs u iftâ ile iştigâl eyledi. 864’de Kedağra kâdısı
görülüp sonra fevt oldu. Meşâhîr-i ulemâdan idi.

Ca’fer Bey-İmâmoğlu
Amasya’da câmi-i Enderûn imâmı Mevlânâ Mehmed Çelebi mahdûmudur. Züamâdan
olup Çelebi Sultân Mehmed Han devrinde istiklâl muhârebâtına iştirâk ederek yararlıklar
gösterdi. Sultân Murâd-ı Sânî devrinde mîrlivâ olup Varna muhârebesinde terakkî gördü.
Ba’dehû İstanbul fethinde hizmet edib 865 sâline doğru vefât etdi. Müsinn-i ümerâdan idi.

Ca’fer Bey-Hacı Beyzâde
Baba İlyâs-ı Horasânî evlâdından ve Hacı İlyâs Bey ahfâdından Murâd Bey’in
mahdûmudur. Sultân Bâyezîd-i Sânî Amasya’da vâlî iken ma’iyyeti ümerâsından olup
cülûsunda Sivas Beyi oldu. 890 hudûdunda vefât etdi. Meşâhîr-i ümerâdandır. Mahdûmu
Karaca Ahmed Paşa ve dâmâdı [89] tercemesi yukarıda yazılan diğer Hacı Beyzâde Tâceddîn
Paşa’dır. Karaca Ahmed Paşa da fuzalâ-yı ümerâdandır.

Ca’fer Çelebi-Tâcî Beyzâde
Amasya’nın Dârü’s-Selâm Mahallesi’nde “İstanbulca Tâcî Bey” demekle meşhûr Hacı
Beyzâde Tâceddîn İbrâhim Paşa bin Mevlânâ Safiyyüddîn Mustafa Çelebi bin Hacı Mehmed
Gâzi Bey bin eş-Şeyh Alâaddîn Alî bin İbrâhim’in sulbinden 860 senesi ramazânında doğdu.
Pek genç iken bir taraftan hutût-ı mütenevvi’ayı Şeyhzâde Hamdullâh Efendi’den ve
diğer taraftan ulûm-ı edebiyyeyi Mevlânâ Rükneddîn Ahmed bin Mahmûd el-Cendî, Hatîb
Kâsım, Mevlânâ Abdî Efendilerden ahz ü ta’allüm edib İstanbul’a gitdi.
Orada meşhûr Hızır Beyzâde Sinan Paşa, Hâcezâde Musliheddîn Mustafa, Hatîbzâde
Muhyiddîn Mehmed, Hacı Hasanzâde Mehmed, Mevlânâ Musliheddîn Kestelli gibi fuhûl-i

498
503