Page 595 - 6-8

Amasya Tarihi Cilt: 8
Amasya Tarihi 6-8. Cilt Hüseyin Hüsâmeddîn YASAR

Kostantiniyyede hatt-ı rihâl edib alâ-hasebi’l-âde hareket ve ba’zı ulemâdan iktisâb-ı şeref-i
mülâzemet kıldıktan sonra Hasan Efendi’nin kemend-i câzibe-i himmeti gerden-i azîmetine
tavk ve necm-i hidâyeti sevk-i tarîk için şu’le-fürûz-ı şevk olup abişhor-i inâyetlerinden sîr-âb-
ı mâ’ü’l-hayât murâd oldukta sılasında irşâd-ı ibâda me’zûn ve sâlikân-ı râh-ı hakîkate râh-
nümûn olmuş idi.
Cihet-i ma’âşı zirâ’at ü hırâset olup vazîfe ve sadaka [386] kabûlünden dâ’ire-i iffetin
hırâset etmiş idi. 1020 târîhinde intikâl ü azm-i dergâh-ı zü’l-celâl eyledi. Azîz-i mezbûr, kemâl-
i mücâhede ile meşhûr, müteşerri’ ü müte’affîf, şerâ’if-i ma’ârif ile müteşerrif idi.”
Şeyh-i müşârün-ileyhin mahdûmu Safiyyüddîn Ahmed Efendi meşhûr olup hulefâsından
eş-Şeyh Mustafa Musliheddîn Efendi yerine kâ’im oldu. Kibâr-ı fuzalâdan “Kitâbü’l-Huyûl”
mü’ellif-i meşhûru Kâdızâde Küçük Mehmed İlmî Efendi de müşârün-ileyhin
münîblerindendir.

Hasan Çelebi
Amasyalıdır. Amasyalı Pîr Mehmed Çelebi bin Şükrullâh’ın akrabâsından Hamza Çelebi
oğludur. İstanbul’da hattât-ı mezkûr Pîr Mehmed Çelebi’den hutût-ı mütenevvi’ayı ahz ederek
ta’lîme koyuldu. Hayli şâkirdân yetiştirdi.
Üsküdâr’da tûl-i müddet ikâmet etdiğinden “Üsküdârî” dendi. Şeyh Hamdullâh
Efendi’nin torunu Mehmed Çelebi bin Mustafa Dede’den temeşşuk ve ahz-ı icâzet etmişdi.
“Tuhfetü’l-Hattâtîn”de (s. 1023) vefâtı mezkûr olup Karaca Ahmed mezârlığındaki sed
üzerinde medfûndur. Hattât-ı meşhûr idi.

Hasan Bey-Sinan Paşazâde
Amasyalıdır. Ümerâdan Alî Bey bin Mustafa Paşa’nın mahdûmudur. Züamâdan olup
hayli muhârebâta iştirâk etdi. Îrân muhârebâtında mîrlivâ olup sancâkları devr ederek 1028
hudûdunda vefât etdi.
Yeniçeri zâbıtânından dördüncü Hasan Ağa bin Ahmed Yasakçı, Amasya serdârı olup
Abaza Paşa’nın Amasya’ya hücûmunda 1032’de vefât etdi. Mahdûmu şu’arâ ve küttâbdan
Emânî Ahmed Çelebi’dir. Ehl-i hizmet idi. [387]

Hasan Ağa -Uzun
Amasyalıdır. Mahallesi ve câmii olan Hacı Hamza Bey bin Ahmed Bey’in ahfâdından
Kâsım Ağa bin Mehmed Çelebi mahdûmudur. Sipâhî olup muhârebâtta şecâ’ati ve yararlığı
görüldüğünden “Uzun Sipâhî” demekle iştihâr etdi.
Mükerreren Amasya kethüdâyeri, Sivas vilâyeti cizye-dârı, Tokat voyvodası ve Amasya
beytü’l-mâl emîni olup mâliye tahsîlâtında hayli hizmetleri görüldü. Ba’dehû Nasûh Paşa’ya
intisâb edib sadâretinde sipâhîler ağası olarak temâyüz eyledi.
1023 ramazânında sadr-ı müşârün-ileyhin i’dâmında ma’zûl olup sonra Galata voyvodası,
1027’de kapıcılar kethüdâsı oldu. 1028’de tekâ’üde sevk edilip 1033’de vefât etdi. Cerbezeli,
iş-güzâr, hâdim-i devlet idi.
Ammizâdesi ricâl-i devletten La’lî Alî Efendi bin Mustafa Ağa olup mahdûmu Kâsım
Efendi dîvân-ı hümâyûn küttâbından idi. Diğer mahdûmu Mustafa Ağa olup bunun mahdûmu
[388] Hüseyin Paşa ile Hasan Ağa’dır.

Hasan Ağa-Kara
Amasyalı Ca’fer oğludur. Yeniçeri olup eşkiyâ muhârebelerinde ibrâz-ı şecâ’at ederek
iştihâr edib odabaşılıktan Amasya serdârı oldu. 1017’de eşkiyânın istîsâlinde yararlıklar
gösterdiğinden Sadr-ı a’zam Kuyucu Murâd Paşa’nın mazhar-ı takdîri olarak İstanbul’a gitdi.

589
594