Page 260 - 6-8

Hüseyin Hüsâmeddîn YASAR
Amasya Tarihi 9-12. Cilt Hüseyin Hüsâmeddîn YASAR

Sa’deddîn Mehmed Efendi -Şeyhzâde, es-Seyyid, el-Hâc
Amasyalıdır. Esbak nakîbü’l-eşrâf kâ’im-makâmı es-Seyyid el-Hâc İbrâhim Efendi bin
el-Hâc Abdullatîf Efendi bin eş-Şeyh Hızır Efendi bin eş-Şeyh Muhyiddîn Mehmed Efendi bin
eş-Şeyh Hayreddîn Hızır Îcâdî Efendi’nin mahdûmudur.
Bir mikdâr tahsîl-i ma’ârif ederek ba’zı cihât-ı ilmiyyeye mutasarrıf olarak a’yân
sırasına girdi. Ba’dehû hâciyân u a’yân meclislerinde yıllarca a’zâ olduğu hâlde 1193 senesi
cumâdelûlâsında vefât etdi. Kibâr-ı a’yân u hâciyândan hânedân bir zât idi.
Mahdûmları es-Seyyid Abdullah, Abdulhamîd, İbrâhim Efendiler olup bunlara ve
evlâdına “Sa’deddînzâdeler” dendi. Es-Seyyid İbrâhim Efendizâde es-Seyyid el-Hâc Sa’deddîn
Efendi de meşâhîr-i a’yândan idi.

Sa’deddîn Mehmed Efendi
Ziyere’de Keçioğlu Câmii vâ’izi Şeyh Mustafa Efendi’nin oğludur. Bi’t-tahsîl ders-i âm
olup pederinin vefâtında 1140’da yerine vâ’iz olduysa da 1141 şevvâlinde ferâgatle Yahyâ
Efendi vâ’iz oldu. [233]

Sa’deddîn Ahmed Efendi-Müftüzâde, es-Seyyid
Amasyalıdır. Ulemâdan Hâfız es-Seyyid Mehmed Efendi bin es-Seyyid el-Hâc
Ebûbekir Efendi bin Müftü el-Hâc Ömer Efendi’nin mahdûmu ve es-Seyyid el-Hâc Sa’îd
Ahmed Efendi’nin birâderzâdesidir. Allâme Ürgüblü el-Hâc Ahmed Efendi’nin ve ba’dehû
tilmîzi Payaslı es-Seyyid el-Hâc Mehmed Efendi’nin halka-i tedrîslerinde ikmâl-i tahsîl etdi.
Ders-i âm olup 1220’de Muzaffer Paşa dersiyyesine mutasarrıf oldu. Ba’dehû
Hâtuniyye Câmii kürsî şeyhi olup 1241’de vefât etdi. Âlim, vâ’iz idi. Mahdûmları es-Seyyid
Ömer, Mahmûd, Mehmed, Osmân Efendiler bu dersiyyeye mutasarrıf olmuşlardı.

Sa’deddîn Mehmed Efendi-Sa’deddînzâde, es-Seyyid, el-Hâc
Amasyalıdır. Yukarıda tercemesi yazılan es-Seyyid el-Hâc Sa’deddîn Efendizâde es-
Seyyid İbrâhim Efendi’nin mahdûmu ve Uncu el-Hâc İbrâhim Ağa’nın dâmâdı olup bir mikdâr
tahsîl-i ma’ârif ederek bakırcılıkla idâre-i ma’îşet etdi. [234]
Mu’ahharan müfessir-i meşhûr Merzifonî eş-Şeyh İsmâ’îl Efendi’nin va’z ü
nasîhatinden kendisine bir teyakkuz-ı ma’nevî hâsıl olup müşârün-ileyten inâbe ederek tarîkat-
ı Nakşîbendiyye usûlü üzere hilâfet aldı. Hicâz’a gidip her şeyden el çekti.
Bundan sonra inhilâl eden Ahî Darb-hâneci tekkesi şeyhi olup hüsn-i hâl ile iştihâr
ederek haciyân u a’yân meclislerine a’zâ olduğu hâlde 1247’de vefât etdi. Meşâyih-i
Nakşîbendiyye a’yânından müteşerri’, ehl-i dâniş, sâlih bir zât-ı ganî idi. Mahdûmu es-Seyyid
eş-Şeyh İbrâhim Efendi bu tekkenin son şeyhi oldu.

Sa’deddîn Mehmed Efendi-Şirvânî
1281’de Hacı Hamza Efendi’yle Amasya’ya hicret eden Hasan Efendi’nin
mahdûmudur. Ba’de’t-tahsîl ders-i âm olup Şirvânîzâde es-Seyyid Ahmed Hulûsî Efendi’nin
meclis-i intihâb-ı hükkâm re’îsi olduğu esnâda İstanbul’a gitdi. Müşârün-ileyhin himmetiyle
râbi’a nüvvâbından olup kasabâta kadı olarak 1312’de vefât etdi. Fıkıh ve âdâb-ı kazâya intisâbı
olup halûk, mu’tedil idi. [235]

Sa’deddîn Mehmed Efendi-Şa’bânzâde
Köprülüdür. Ulemâdan el-Hâc Hüseyin Efendi bin Şa’bân Efendi’nin mahdûmudur.
1292’de doğdu. Pederinden mukaddimât-ı ulûmu görüp İstanbul’a gitdi. Fâzıl-ı meşhûr Tokatî
Âteş Mustafa Efendi’nin telâmizesinden Fatsalı Sûfî Ali Rızâ Efendi’den ve Köprülü
Cemâleddîn ve Çarşambalı el-Hâc Ahmed Efendilerden tahsîl-i ulûm ederek Ali Rıza
Efendi’den mücâz oldu.

253
259